Mikeyaxi 3:9 - Kakaɨyari Niukieya

⁹ Xeme 'ikɨ xekeneu'eni, Kakuwu nuiwarimama wakuwexinaruritsixi, meta 'itsɨkate 'Ixaheri kwieyaritsie miemete, tita mɨtiheitserie xepɨxani'erie meta xepitituna niuki heitserie mɨtikuxata,

Mikeyaxi 3:9 ပူးပေါင်းရင်းမြစ်များ

Kitsariyaxi 1:23

Te'aitamete 'ahetsɨa miemete mepunetsi'aye'unie, tenawayamete mepuwa'iwama, yunaitɨ 'itarikakɨ metekuxatatɨ memɨtepitɨariekakɨ mepɨnaki'erie tixaɨtɨ xeikɨa mepɨte'iwaku. Nutui hetsiemieme mepɨkahaniutɨka, meta wiura hetsiemieme.

Temaiwawemete 17:15

Yawé 'ikɨ hutame pu'uxiwe'erie: hetsiena mɨrahɨiwa xɨka 'uxɨnarieni 'aixɨa pɨka'ane hetsiena mɨkarahɨiwa pɨta xɨka 'anutahɨiyani.

Hutarieka 'inɨari 27:19

“'Axake'u'itɨarieni kemɨ'ane timaitɨtɨtɨ heitserie kememɨtehexeiya mɨwananaimaka 'ateewa kiekatari, nutuite meta wiuraxi”. Yunaitɨ teɨteri mɨpaɨ meke'utiyuani: “'Aixɨa pɨ'ane”.

Mikeyaxi 3:1

Hikɨ mɨpaɨ nekaniutayɨni: «Xekeneu'enana, Kakuwu nuiwarimama wakuwexinaruritsixi, xemɨ'itsɨkate 'ixaheritsixi wahetsiemieme: ¿Kareuyewetse xeme xemimaika tita mɨtiheitserie?

'Utseyaxi 5:1

»'Ikɨ niuki xekeneu'eni xeme mawari wewiwamete. Xekeneu'enana 'ixaheritsixi. Xekene'enanaka ti'aitame nuiwarimama. Xehetsie pɨmieme kexemɨte'anutaxɨriyani. Mitsipa kiekariyaritsie xeme xekateni'irɨwiyarieka, Tawuxi hɨriyaritsie winiyari 'amɨtewi xekaniutawieka.

Keremiyaxi 5:28

kwinimieme metewaiyatɨkaitɨ meta meyuti'ɨretɨ. Ke'axamemɨteyurie hawaikɨ pɨkaheu'axe: nutui hetsiemieme 'aixɨa mepɨkate'akayuruwa, 'aixɨa 'anemekɨ 'amuyeikanikɨ, metatsiere tixaɨtɨ memɨkateheuxeiya heitserie kememɨtehexeiyakɨ yamepɨkateyurie».

Mawari 26:15

xɨka ne'aitsika xe'uxieka meta ne'inɨari niukiyari xexani'erieka, meta yaxekate'uyurieni naime ne'aitsikatetsie, netɨratu xetitsanatɨ,

Memeyekɨ 3:16

'Ekɨ kenemie 'ukirawetsixi keniwarekuxeɨri 'ixaheritsixi, mɨpaɨ ketiniwaretahɨawi: “Yawé xe'ukiyarima wakakaɨyari 'Apɨrahami, 'Itsahaki, Kakuwu, peyuhekɨataxɨ nehɨxie mɨpaɨ pɨnerahɨawekai: ‘Ne nepɨxexeiya, nepɨniere kexemɨtenanaimarie mana 'Ekipitu kwieyaritsie.

Temaiwawemete 18:5

'Aixɨa pɨka'ane xɨka hetsiena mɨrahɨiwa 'uxɨna, meta 'aixɨa pɨka'ane xɨka heitserie mexeiya hetsie pɨta rahɨiwani.

Temaiwawemete 21:7

Memɨteyukananaima yɨkɨmana mekaniyuka'unakuni, memɨkayuwaɨriyakɨ heitseriemekɨ yamemɨteyuriekakɨ.

'Etsekieri 44:23

»”Xepɨtewa'ɨkitɨaka neteɨterima memimaikakɨ tita mɨtipatsie meta mɨkatipatsie hepaɨtsita, wahɨxie yaxeketeneyurieka memeitimanikɨ tita mɨti'itiya meta mɨkati'itiya.

Mikeyaxi 1:1

'Ikɨ niuki kanihɨkɨtɨni Yawé Mikeyaxi Muretseti kiekame kemɨtiutaxatɨa, kepauka memɨte'aitakaitsie Kutani, 'Akatsi meta 'Etsekiyaxi, Kura kwieyaritsie te'aitamete. 'Ikɨ kanihɨkɨtɨni kemɨtiunieritɨarie mɨkɨ Tsamariya hepaɨtsita meta Kerutsareme hepaɨtsita.

Nehemiyaxi 13:17

Hikɨ Kura kwieyaritsie kiekatari wahetsiemieme memanuyetei 'ukirawetsixi nekaniwarutatieni, mɨpaɨ nekatiniwarutahɨawe: «Xeme 'axaxekateniyurieka xawati kapatsiekame xemayeitɨwakɨ.

Temaiwawemete 17:23

'Axateyuruwamete tumini memɨnaki'erie tixaɨtɨkɨ 'awie yameteyurienike, 'itsɨkate niuki tutunime xeikɨa mekani'enieka tumini memanɨ'ɨwekɨ.

'Amuxi 5:7

Xeme tita mɨtiheitserie ratsiwime xepɨtehayeitɨwa meta 'aixɨa mɨti'ane kwiepa xepehɨpa.