Mikeyaxi 3:7 - Kakaɨyari Niukieya

⁷ 'Iyaritsie mieme memɨtaneniere mepɨyutitetewiya, kakaɨyarixi memɨwaruta'iwawiya kemɨtiyɨnikɨ tixaɨtɨ mepɨkate'ayeitɨarieni. Kakaɨyari wateta pɨreunani, mɨkɨ tawari pɨkawata'eiya.

Mikeyaxi 3:7 ပူးပေါင်းရင်းမြစ်များ

Tsakariyaxi 13:4

»'Iya tukaritsie Kakaɨyari niukametemama mepɨyutitetewiya kemɨtiyɨni kememɨtenieritɨarie hepaɨtsita. Hipameri mepɨkatewa'itaiya nawi kamixayari me'anakatɨkɨtɨ,

Kitsariyaxi 44:25

»”Kakaɨyari niukametemama memɨte'itawa wa'inɨari yanepɨkaraye'atɨwa, meta memɨtehetimamateke nepuwatewiyatsitɨa, memɨtemaiwawe mekatemaiwaweme nepɨwarayeitɨwa meta kememɨtemaiwawekɨ tixaɨtɨ katiyunaki'eriekame nepayeitɨwa.

'Amuxi 8:11

»Yawé naimekɨmɨyɨwe mɨpaɨ kanaineni: Tukari kanaye'amɨkɨ, kepauka 'ikɨ kwieyaritsie haakaxa nemanɨ'ani, matsi paa haakaxayari pɨka'ayani meta hariya, Yawé niukieya mepɨ'eniekuni matsi pukumawere mɨkɨ haakaxayari pɨtixuawere.

'Etsekieri 24:17

Ketineunewi xeikɨa kayuwatɨ, pepɨka'ahiwerieka mɨkite wahetsiemieme. 'Amu'utsie kenayuhɨa tuwaxakɨ, 'akakaitsie keneukexɨa, meta 'amɨxiya pɨkamatsiheukunaka meta paa pepɨkakwaka hiwerikapa mieme».

1 Tsamuheri 28:6

'Ayumieme Yawé kaniutahɨawe, peru mɨkɨ pɨka'ita'ei, niheinɨtsitana ni'inɨari mupatsie Yawé hetsiemieme meta Kakaɨyari niukametemama waniuki.

Mawari 13:45

»Xɨka xewitɨ tewi haiya hexeiyani, mɨkɨ tsanimekɨ pɨyukemaritɨaka, pɨkayukatsikeni yuhɨxie panuyuka'eimani. Pɨyemie 'utahiwatɨ mɨpaɨ 'utaitɨ: “Nepɨka'itiya, nepɨka'itiya”,

Mikeyaxi 7:16

Hipatɨ nuiwarite mekaninenierikuni mariwemekɨ kepemɨtiyurieni, hikɨ yutɨrɨkariya mekanititewiyakuni, yutenie mekaniuwɨrikuni meta memɨkaheu'enana mekanayuyeitɨakuni.

'Etsekieri 24:22

xemeta yaxeikɨa xekateniyurikuni nehepaɨ, mɨxiya xepɨka'anuku'eima meta paa hiwerikapa mieme xepɨkatikwani.

Nɨawari 74:9

Tepɨka'ixeiyari tapatera 'ateewa 'uyewiekame, Kakaɨyari niukameyari pumawe, 'etsiwa tɨma tepɨkatemate kemɨreutere mɨpaɨ tiyɨanetɨ.

1 Tsamuheri 28:15

Hikɨ Tsamuheri Tsahuri mɨpaɨ katiniutahɨawe: —¿Titayari peneti'uximatɨa tawarita nemɨnuanikɨ? Tsahuri mɨpaɨ katinita'eiya: —Waɨkawa matsi nekanine'iyaritɨaka piritsiteutsixi mekanenimietɨweni meta Kakaɨyari kaneniuku'eirieni. Pɨkanetsiku'eiya nineheinɨtsikatsie meta Kakaɨyari niukametemama wahetsie. 'Ayumieme nemɨmatsitahɨawekɨ nekaninewaɨriya, kenemɨtiyurieni yapemɨnetitahɨawekɨ.

1 Tsamuheri 14:37

Merikɨte 'ayumieme Tsahuri Kakaɨyari kaniuta'iwawiya: «¿Piritsiteutsixi netiwaranukuweiya? ¿'Ixaheritsixi wahetsɨa petiwayetuani?» Perutsɨ 'ana Kakaɨyari pɨka'ita'ei.

1 Tsamuheri 9:9

(Meripaitɨ kiekatari 'ixaheritsixi kepauka Kakaɨyari memɨta'iwawiya, mɨpaɨ meputiyuanekai: «Tewi mɨtixeiya kemɨtiyɨni hetsɨa tepuhu», mɨpaɨ mepɨtewaruterɨwakai 'anamiemete, hikɨta Kakaɨyari niukametemama mepɨtetetewa).

Memeyekɨ 9:11

Temaiwawemete mepɨkayɨwawekai Muitsexi hepaɨ memɨteyurienikɨ, mɨkɨtsɨ yunaitɨ meta mana kiekatari mekaneu'etsatɨkateitɨni.

Mikeyaxi 3:4

'Uxa'atɨni Yawé mekanitahiwikuni parewiya mehewawiriwatɨ, matsi mɨkɨ pɨkawata'eiya, wahetsiemieme puyuti'awieta 'axamemɨte'uyurikɨ.

Keremiyaxi 18:18

Teɨteri mɨpaɨ mekaniutiyuani: «Xekeneuyukuxeɨri tepɨtetixata Keremiyaxi hepaɨtsita. 'Inɨari niukiyari pɨkaheuyeweka mawari wewiwame hetsie, 'ɨxatsi mɨtimaiwe hetsie pɨkaheuyeweka tɨma meta niuki Kakaɨyari niukameya hetsie pɨkaheuyeweka. Niukikɨ tepeye'atɨirieni, tsepa kemaine yatepɨkateyurieni».