Mikeyaxi 3:2 - Kakaɨyari Niukieya

² Xeme 'aixɨa mɨti'ane xekateni'uxieka, tita mɨkatiheitserie pɨtata xetenaki'erie, neteɨterima me'ayeneniereme wanawiyari xepɨkatsana meta wawaiyari wa'umeyaritsie,

Mikeyaxi 3:2 ပူးပေါင်းရင်းမြစ်များ

'Etsekieri 22:27

Kiekaritsie memɨ'itsɨkate, yawixi memayu'eririya mepɨhɨkɨ yeutari memɨwakwa'a, mekanitahupani xeikɨa xuriya metayeurienike, hipame mewakwikutɨ, mɨpaɨ memɨte'iwanikɨ 'axa'anemekɨ.

Temaiwawemete 28:4

Kemɨ'ane 'inɨari niukiyari memuku'eiri 'aixɨa meputiyuaneni 'axateyuruwamete wahepaɨtsita, matsi kemɨ'ane memi'enie mekaniwa'uxiwe'erieka.

Nɨawari 53:4

¿Kamɨtsɨ 'atsimekatemate 'axamemɨteyurie, kemɨ'ane neteɨterima memɨwakwa'a paa hepaɨ? Hatsuaku Kakaɨyari mepɨkahahɨawe.

Xumatari 12:9

Yakɨ xeikɨa xekayɨatɨ xeketeneyukanaki'erieka. Xe'ixeɨmatɨ tita 'axamɨti'ane, tita 'aixɨa mɨti'anetsie xeketenewiyani.

Kitsariyaxi 3:15

¿Titakɨ heitserie xetehexeiyatɨ neteɨterima xetewananaima tixaɨtɨ memɨkatehexeiya waheima xete'uyehu?», mɨpaɨ kanaineni Ti'aitame, Yawé Naimekɨmɨtɨrɨkaɨye.

2 Kemɨtiuyɨ 19:2

mɨtaniere Kehu Kananihi nu'aya hetsɨana nuaka mɨpaɨ katinitahɨawe: «¿Titayari 'axamemɨte'u'iyari petiwaruparewi, wahamiku perayuyeitɨa teɨteri Yawé memaye'unie? Mɨya pemɨyɨkɨ, Yawé waɨkawa kaniha'aka 'ahamatɨa.

1 Te'aitamete 21:20

'Akawi mɨpaɨ 'Eriyaxi katiniuta'eiya: —Nemɨmatsi'aye'unie. ¿Kamɨtsɨ penetiukaxei? 'Eriyaxi mɨpaɨ katinita'eiya: —Huu, nekameniukaxeiya pemuyuyetuakɨ 'axapemɨtiyurienikɨ Yawé kemɨkatinake,

2 Timuteu 3:3

mepɨkayunaki'erieka, mepɨkayuhaxɨapitɨaka, mepɨyuniukimani, mepɨkateyu'aitɨaka, mepayu'eririyani, mepihekani tita 'aixɨa mɨti'ane,

Xumatari 1:32

Mɨkɨ metehetimaika tita Kakaɨyari mɨtixata tiheitserietɨme, kename yunaitɨ mɨya memɨteyurie wahetsie tinake memɨkwinikɨ 'utaitɨ, mɨkɨ matsi mɨya mekateniyurieka, matsipaitɨ mekaninaki'aka hipatɨ mɨpaɨ meteyuriekaku.

Wani 18:40

Hikɨ yunaitɨ mekaniutihiwa mɨpaɨ me'utiyuatɨ: —Mɨkɨ pɨkatixaɨ, Waxawaxi pɨta. 'Iya Waxawaxi katininawayametɨkaitɨni.

Wani 7:7

Kwiepa memɨtama mepɨkayɨwawe memɨxe'uxiwe'erieka, nepɨta mekaneni'uxiwe'erieka wahepaɨtsita nemɨtihekɨatakɨ, tita kememɨteyurie 'axapɨ'ane nemutainekɨ.

Rukaxi 19:14

Merikɨtsɨ hetsɨana miemete kiekatari mekani'uxiwe'eriekaitɨni, niukamete mekaniwarenɨ'ani 'utɨmana mɨpaɨ me'utiyuatɨ: “Tame tepɨka'inaki'erie 'ikɨ mɨtati'aitɨakakɨ”.

Tsupuniyaxi 3:3

'Itsɨkate mana memanuka'u mayetsi memɨtehaketɨkɨka wahepaɨ mepɨ'anene, wakuwexinaruritsixi 'ɨrawetsixi yɨwikɨta memuku'uwa mekanihɨkɨtɨni tita memɨtetakwani tixaɨtɨ mepɨkatekuhayeikawa memɨkakayeikienikɨ.

'Etsekieri 34:3

Xeme waretsiyari xepɨ'ie, meta muxatsi wahuxari kamixayari xepanakatɨkɨ, meta xepɨwakwa'a muxatsi memɨwaiyatɨka, matsi muxatsi xepɨkawa'ɨwiya.

Nɨawari 15:4

kemɨ'ane Kakaɨyari muwa'uxie mɨkawanaki'erie, peru mɨwanaki'erie Yawé memayemakaxe, mɨraye'atɨwa kemɨtayɨni tsepa tiuka'eniwatɨ,

Kitsariyaxi 57:12

Ne nepɨmatsitaxaneta 'aixɨa kepemɨtiyuriene peti'uximayatɨ, nitixaɨtɨ pɨkarayani 'ahetsiemieme.

'Etsekieri 11:7

'Ayumieme ne Yawé naimekɨmɨyɨwe mɨpaɨ nepaine, mɨkɨ mɨkite kiekari hixɨapa xemɨwarutixɨri, mɨkɨ mekaniwaitɨni, kiekari kemɨ'ane hetsie nemɨxeheukaxɨrieni mɨkɨta kanixaritɨni.

'Etsekieri 24:4

Wai 'etsipepekame keneukanɨitɨa, Teuri keneutiwiteki meta kutsuri, meta 'umete 'aixɨa mɨ'anene.

Mikeyaxi 2:8

Takai xeme neteɨterima xepɨhɨkɨtɨkai, peru hikɨri xemɨnetsi'aye'unie xepakɨ. Hakewa mɨreyukwine memeyekɨka, kayuwatɨ me'uhukaku huyeta, wakamixa 'amɨtɨtɨ xepɨtewanawairietɨwe.

Mikeyaxi 7:2

Teɨteri Kakaɨyari memayexeiya 'ikɨ kwieyaritsie mekanakuxɨtɨarieniri, 'ena kwiepa mepumaweri teɨteri 'aixɨa memɨte'u'iyari. Yunaitɨ hipame mepɨwakwiku, meta yunaitɨ mekaniyuwiniyatɨweni.

Mikeyaxi 7:3

Nixewitɨ pɨkawara'iwa ke'axamemɨteyuriekɨ, ti'aitame parewiwametemama meta 'itsɨkate mepiku'iwawa 'awie memɨtepitɨarienikɨ. Memɨtɨrɨkawi mekateniku'iwawani xeikɨa, meta yunaitɨ mekaniyutemawieritɨaka ketita memɨtehiwe'eriekɨ.

Kitsariyaxi 5:20

Xɨa'ui kemɨ'ane 'axamɨti'ane 'aixɨa ti'anekame mɨtiuterɨwa, meta 'aixɨa mɨti'ane 'axati'anekame mayeitɨwa, yɨriya hekɨariya memɨxata, meta hekɨariya yɨriya memayeitɨwa, mɨratsiwi hakakame memɨxata, meta makaka hatsiwime memayeitɨwa.

'Amuxi 4:1

'Ikɨ niuki xeme xekeneu'eni, wakaitsixi Watsani miemete, Tsamariya hɨriyaritsie xemu'uwa, haweri memɨ'anene xemɨwananaima meta tixaɨtɨ memɨkatehexeiya, yɨkɨnama mɨpaɨ xemɨtewakɨhɨawe: «Xeketatenahapaniri tepanu'ieni».

'Amuxi 5:15

'Axamɨti'ane xeketenexani'erieka matsi 'aixɨa mɨti'ane xeketenenaki'erieka. Tita mɨtiheitserie keti'aitani memati'iwawiyarɨwatsie, mɨpaɨ heiwatɨ Yawé, Kakaɨyari Naimekɨmɨtɨrɨkaɨye, Kutse nuiwarimama memuyuhayewatɨwe warutinenimayata.