Mikeyaxi 3:11 - Kakaɨyari Niukieya

¹¹ Wa'itsɨkate metepitɨarietɨ xeikɨa 'aixɨa mepɨteyurie, wamawari wewiwamete mepɨwa'ɨxatsitɨa meteyuwiyatɨ, meta wakakaɨyari niukametemama tuminikɨ xeikɨa mekatenikuxatani kemɨtiyɨni, 'imatɨrieka matsi, Yawé hetsie mekaniyutɨrɨkariyani, mɨpaɨ mekaniutiyuaneni: «¿Tamɨ Yawé tahamatɨa katiuyeika? Tame hawaikɨ 'axatepɨka'itɨarieni».

Mikeyaxi 3:11 ပူးပေါင်းရင်းမြစ်များ

Keremiyaxi 6:13

»'Etsimemɨyumate meta memu'ukirawetsixi, yunaitɨ mepɨtehiwe'erie tita mɨkatiheitseriekɨ memɨte'iwanikɨ. Kakaɨyari niukametemama meta mawari wewiwamete, yunaitɨ mepɨte'itawa.

Kitsariyaxi 1:23

Te'aitamete 'ahetsɨa miemete mepunetsi'aye'unie, tenawayamete mepuwa'iwama, yunaitɨ 'itarikakɨ metekuxatatɨ memɨtepitɨariekakɨ mepɨnaki'erie tixaɨtɨ xeikɨa mepɨte'iwaku. Nutui hetsiemieme mepɨkahaniutɨka, meta wiura hetsiemieme.

Mikeyaxi 3:5

'Ipaɨ kanaineni Yawé xehepaɨtsita, Kakaɨyari niukametemama neteɨterima xemɨwareuyexɨrɨwa: «Kemɨ'ane 'ikwai memɨxemikwa, kename kayuwatɨ'uma xepɨtewakuxaxatɨwa, kemɨ'ane 'ikwai memɨkaxemikwa, kename kuyaxa 'ayani xepɨtewakuxaxatɨwa.

Keremiyaxi 7:4

'Ipaɨ memutiyuane wahetsie xepɨkatewiyani: ‘'Ikɨ kanihɨkɨtɨni Yawé tukieya Yawé tukieya, Yawé tukieya’.

1 Pekuru 5:2

Kakaɨyari muxatsimama xemɨhɨritɨarie xekeniwa'ɨwiyani, waɨriyarika xekayɨatɨ. Tumini xehiwe'erietɨ xeikɨa xepɨkayɨaka, matsi pɨta xeyuwaɨriyatɨ xeketene'uximayaka, Kakaɨyari kemɨtinake.

Titu 1:11

Peuyewetse memanunamiyarienikɨ kememɨtekuxata, mepɨwamuina 'atsita xeime kie kiekatari yunaime, mepɨte'ɨkita tita 'aixɨa mɨkati'ane, mete'iwakutɨ xeikɨa 'axamɨti'anekɨ.

Mikeyaxi 7:3

Nixewitɨ pɨkawara'iwa ke'axamemɨteyuriekɨ, ti'aitame parewiwametemama meta 'itsɨkate mepiku'iwawa 'awie memɨtepitɨarienikɨ. Memɨtɨrɨkawi mekateniku'iwawani xeikɨa, meta yunaitɨ mekaniyutemawieritɨaka ketita memɨtehiwe'eriekɨ.

Kitsariyaxi 48:2

Xeme mɨpaɨ xemɨteyuterɨwa “kiekari mɨpatsietsie kiekatari,” 'Ixaheri Kakaɨyarieyatsie yuri xemɨte'erie, Yawé Naimekɨmɨtɨrɨkaɨye mɨtitewa hetsie:

Keremiyaxi 8:10

'Ayumieme wa'ɨitama hipame 'ukitsi nepɨwayetuirieni, meta wakwie hipame pɨta nepɨwayetuirieni. Karikɨ 'etsimeyumatetɨ meta 'ameyumatetɨ, yunaitɨ mepɨtehiwe'erie mɨkatiwapiini, Kakaɨyari niukametemama meta mawari wewiwamete, yunaitɨ mekateni'itawani.

1 Tsamuheri 8:3

Perutsɨ mɨkɨ yuhutatɨ nixewitɨ yupaapa hepaɨ tiyurienetɨ pɨka'atɨa, kemɨtiwanake xeikɨa 'axameteyurietɨ mekanakɨne, yuhetsiemieme xeikɨa tumini menaki'erietɨ, ti'itatɨ tumini 'awie mɨnaki'erie, meta hipame 'aixɨa memɨwayurienikɨ yamɨkatiyuriene.

'Inɨatsie 16:15

Hikɨ Muitsexi waɨkawamekɨ ha'atɨ, Yawé mɨpaɨ katiniutahɨawe: —Wamawari pepɨkanaki'erieka tita memɨtehapini, ne xeime nixeime wapiinite nepɨkatiwanawairiewe meta watewama nepɨkatiwakwinitɨa.

Kura 1:11

Xɨa'ui kemɨ'ane Kahini huyeta memeukayunixɨ hepaɨna meteyurietɨ. Tuminikɨ mekaniyutatuani memeuyexɨrienikɨ Warami hepaɨ mɨti'iwamɨkɨkai hepaɨ, mekaneuyeweni kepauka Kure Muitsexi maye'uniekaitsie.

1 Timuteu 3:3

tawekame pɨkahɨkɨtɨni meta pɨkawatiwayani, tumini pɨkahiwe'erieka, matsi pɨka'ayu'eriyani, pɨkayumieneni,

'Amuxi 9:10

'Ixiparakɨ mekanikwi'iwakuni yunaitɨ 'axamemɨteyurie neteɨterima, yunaitɨ mɨpaɨ memutiyuane: “Tame mɨkɨ 'uximatɨarika tahetsie pɨkanuani hatsuaku tɨma tahetsie pɨkaye'ani”.

'Utseyaxi 4:18

Kepaukari winu memɨkahexeiya, hipame wahamatɨa mepukahipite, metatsiere te'aitamete pɨwanake 'axamɨti'ane.

Kitsariyaxi 56:11

Tsɨikɨri kwinie memɨteyukwaiwawie mepɨhɨkɨ, hatsuaku mepɨkahuxaiwawe. Muxatsi wahɨwemete mekanihɨkɨtɨni 'atsimekateheitimaitɨkɨkatɨ, yuxexuitɨ kemɨtiwanake xeikɨa mekaniu'uwani. Nitixaɨtɨ mekateha'eriwatɨ, yu'iwarikakɨ xeikɨa mepuyumexɨitɨa.

Mateu 3:9

Mɨpaɨ xepɨkateku'eriwani kename xeyɨwawe xemɨteyukɨhɨawe: “Tame tepɨnaki'eriwa tapaapa 'Apɨrahami mɨhɨkɨkɨ”. Mɨpaɨ nepɨtixekɨhɨawe, Kakaɨyari kaniyɨweni 'ikɨ tetexi teɨteri mɨwarayeitɨanikɨ, 'Apɨrahami niwemama memakɨnekɨ.

Marakiyaxi 1:10

Yanepɨra'eriwakaku xewitɨ xeme netukita mɨreunanikɨ, yakɨ xeikɨa xemɨka'ikutaiyanikɨ tai nemawari taiyametsie mieme. Nepɨkayutemawie tɨma xehetsiemieme, meta xemawari xeime tɨma nepɨkatanaki'erieni —Yawé Naimekɨmɨtɨrɨkaɨye mɨpaɨ kanaineni—.

Tsupuniyaxi 3:3

'Itsɨkate mana memanuka'u mayetsi memɨtehaketɨkɨka wahepaɨ mepɨ'anene, wakuwexinaruritsixi 'ɨrawetsixi yɨwikɨta memuku'uwa mekanihɨkɨtɨni tita memɨtetakwani tixaɨtɨ mepɨkatekuhayeikawa memɨkakayeikienikɨ.

'Etsekieri 22:27

Kiekaritsie memɨ'itsɨkate, yawixi memayu'eririya mepɨhɨkɨ yeutari memɨwakwa'a, mekanitahupani xeikɨa xuriya metayeurienike, hipame mewakwikutɨ, mɨpaɨ memɨte'iwanikɨ 'axa'anemekɨ.

'Etsekieri 22:12

Hipatɨta mana mepu'uwa meteyumemiwatɨ tumini me'iwatɨ 'awie. 'Axapetiyurienetɨ, pemɨwaniɨtɨa waɨkawa perana'iwatɨ, 'a'iwa pekanihiweritɨaka, meta 'ayumieme pekanenatɨmaiya. Yawé mɨpaɨ kanaineni.

Temaiwawemete 17:23

'Axateyuruwamete tumini memɨnaki'erie tixaɨtɨkɨ 'awie yameteyurienike, 'itsɨkate niuki tutunime xeikɨa mekani'enieka tumini memanɨ'ɨwekɨ.

Kitsariyaxi 5:23

tumini memanu'ɨwe hetsiena mɨraka memɨteheuyehɨwirienikɨ, meta 'atsimɨkatiuyuri heitserie kemɨrexeiyakɨ mepɨkaparewiku.

Keremiyaxi 23:17

Kemɨ'ane memɨnetsixani'erie mɨpaɨ mepɨtewakuxaxatɨwa kename 'aixɨa 'iyari me'u'uwani kename ne nehaine, kemɨ'ane yu'iyari mɨkaheu'ena memeu'enie mɨpaɨ mepɨtewakuxaxatɨwa kename 'axamɨti'ane wahetsie katinuani.

Keremiyaxi 26:7

Mawari wewiwamete, Kakaɨyari niukametemama meta yunaitɨ teɨteri 'ikɨ niuki mekaniu'enieni Keremiyaxi Kakaɨyari niukameya mitaxataxɨ Yawé tukieya hɨxie.

'Etsekieri 34:2

«Tewi pemunu'aya, 'Ixaheritsie muxatsi wahɨwemete wahetsiemieme ketineutaxata, ketiniwarutaxatɨa, mɨpaɨ ketiniwaraye'eritɨa, Yawé naimekɨmɨyɨwe mɨpaɨ kanaineni: “Xɨa'ui xeme, 'Ixaheritsie muxatsi wahɨwemete, xeme xeikɨa yɨkɨmana xemɨyu'ɨwiya. ¿Kamɨtsɨ tehɨwemete muxatsi mekatewa'ɨwiyani?

'Utseyaxi 4:8

Mɨkɨ teɨteri 'axamɨti'ane mawariyari mawari wewiwamete pɨtiwa'ikwai, 'ayumieme mawari wewiwamete mepɨyutemamawie teɨteri 'axamemɨteyuriekɨ.

'Amuxi 5:14

'Aixɨa mɨti'ane xeketenekuwawa 'axamɨti'ane xepɨkatewautɨweni, hikɨ 'ana xepu'uwani, mɨpaɨ xe'anenekaku Yawé Kakaɨyari Naimekɨmɨtɨrɨkaɨye xehamatɨa puyeikani, xeme kexemaitɨka.

Marakiyaxi 2:9

Ne matsi, yanepɨtiuyuri xeme xemɨxani'eriwanikɨ meta tixaɨtɨ xemɨkate'eriwanikɨ yunaime teɨteri wahɨxie, ne'aitsikate xemuku'eirikɨ, hipame xeikɨa xepɨwakuxaxatɨwakai 'aitsikate».

'Inɨatsie 22:7

Hikɨ 'ukirawetsixi Muhawi meta Mariyani kiekatari Warami mekatenekuxatɨani Waraki kemainekai, mekaniu'axɨani tumini me'a'ɨtɨ mete'ipitɨanike xɨka ya'utayɨnike 'ixaheritsixi 'axamɨwayurienikɨ.

Keremiyaxi 5:12

Mɨkɨ Yawé hepaɨtsita mekateniu'itani, mɨpaɨ paitɨ matsi mekaniutiyuaneni: «Kakaɨyari pɨka'uyeika. Tahetsie 'axati'anetɨ pɨkatinuani, kuyaxa tahetsie pɨkanuani meta haakaxa».

Tsupuniyaxi 3:4

Kakaɨyari niukametemama mana kiekatari mepɨte'itawa, Kakaɨyari mepuku'eiri. Mawari wewiwamete piinite netukita timieme katipatsiekame mepɨte'ayeitɨa, meta 'aitsika kemaine yamepɨkatekahu.