Mikeyaxi 3:1 - Kakaɨyari Niukieya

¹ Hikɨ mɨpaɨ nekaniutayɨni: «Xekeneu'enana, Kakuwu nuiwarimama wakuwexinaruritsixi, xemɨ'itsɨkate 'ixaheritsixi wahetsiemieme: ¿Kareuyewetse xeme xemimaika tita mɨtiheitserie?

Mikeyaxi 3:1 ပူးပေါင်းရင်းမြစ်များ

'Utseyaxi 5:1

»'Ikɨ niuki xekeneu'eni xeme mawari wewiwamete. Xekeneu'enana 'ixaheritsixi. Xekene'enanaka ti'aitame nuiwarimama. Xehetsie pɨmieme kexemɨte'anutaxɨriyani. Mitsipa kiekariyaritsie xeme xekateni'irɨwiyarieka, Tawuxi hɨriyaritsie winiyari 'amɨtewi xekaniutawieka.

Kitsariyaxi 1:10

Yawé niukieya xekeneu'eni, xeme Tsuruma hetsie xemɨte'aita. Xekeneu'eni takakaɨyari 'ɨkitɨarikaya, Kumuxa kiekatari.

1 Kurinitutari 6:5

Nexetewiyatsitɨanike 'ipaɨ nekatinikuxatani. ¿Nixewitɨ 'akatiuyeika xetsata waɨkawa timaiwetɨ, yɨwetɨ mɨwaxanetanikɨ 'iwamama kememɨteyuxaneta?

'Amuxi 4:1

'Ikɨ niuki xeme xekeneu'eni, wakaitsixi Watsani miemete, Tsamariya hɨriyaritsie xemu'uwa, haweri memɨ'anene xemɨwananaima meta tixaɨtɨ memɨkatehexeiya, yɨkɨnama mɨpaɨ xemɨtewakɨhɨawe: «Xeketatenahapaniri tepanu'ieni».

Nɨawari 14:4

¿Kamɨtsɨ 'atsimekatemate yunaitɨ 'axamemɨteyurie, neteɨterima memɨwakwa'a paa memɨhɨkɨtɨni hepaɨ? Hatsuaku Yawé mepɨkahahɨaweni.

Hutarieka 'inɨari 16:18

»'Itsɨkate xekaniwatihɨawikuni 'aixɨa memɨte'akayuruwanikɨ heitseriemekɨ yu'iwama watsata, xexuime kiekaritsie Yawé xekakaɨyari 'anuiwarite mɨwayetuirienitsie.

'Etsekieri 9:9

Yawé mɨpaɨ kanetiniuta'eiya: «'Ixaheri kiekariyari meta Kura kiekariyari 'axakememɨte'uyuri pɨmariwe. 'Ikɨ kwieyaritsie pɨhɨne nanaimarika, kiekari tita mɨkatiheitseriekɨ pɨhɨne. Mɨkɨ mɨpaɨ mekateniku'eriwani: “Yawé 'ikɨ kwieyari kaniuku'eirieni. Yawé kaniumaweni kapɨniere”.

'Etsekieri 34:2

«Tewi pemunu'aya, 'Ixaheritsie muxatsi wahɨwemete wahetsiemieme ketineutaxata, ketiniwarutaxatɨa, mɨpaɨ ketiniwaraye'eritɨa, Yawé naimekɨmɨyɨwe mɨpaɨ kanaineni: “Xɨa'ui xeme, 'Ixaheritsie muxatsi wahɨwemete, xeme xeikɨa yɨkɨmana xemɨyu'ɨwiya. ¿Kamɨtsɨ tehɨwemete muxatsi mekatewa'ɨwiyani?

Mikeyaxi 2:13

Panuyekani kemɨ'ane muhuyetarɨmeni, meta mɨkɨtatsiere huye mepuyuwewirieximeni, kitenie mekaniuyekɨnikuni hikɨ mekaniyehuni, mexi tiwa'aitɨwame 'umieni 'anuyekaitɨ, mexi Yawé 'anuyekaitɨ 'umieni.

Nehemiyaxi 13:17

Hikɨ Kura kwieyaritsie kiekatari wahetsiemieme memanuyetei 'ukirawetsixi nekaniwarutatieni, mɨpaɨ nekatiniwarutahɨawe: «Xeme 'axaxekateniyurieka xawati kapatsiekame xemayeitɨwakɨ.

Kitsariyaxi 10:2

Tixaɨ memɨkatehexeiya wahetsie heitserie kememɨtehexeiya memukunama, meta kemɨtiheitserie memɨkawapitɨa neteɨterima memɨte'uka'eniwa. Wiuraxi wa'ikwai mepɨtewanawairie meta nutuite mepɨwanawatɨwe.

'Etsekieri 22:6

Neuxei, 'Ixaheri kwieyaritsie te'aitamete pekaniwarexeiyani, 'akaye 'utɨma yɨtɨrɨkariyakɨ xeikɨa xuriya mekanitayeuriwani.

'Etsekieri 34:3

Xeme waretsiyari xepɨ'ie, meta muxatsi wahuxari kamixayari xepanakatɨkɨ, meta xepɨwakwa'a muxatsi memɨwaiyatɨka, matsi muxatsi xepɨkawa'ɨwiya.

'Amuxi 6:1

Xɨa'ui xeme Kerutsareme xemɨtama kayuwatɨ xemexeiya, xɨa'ui meta xeme Tsamariya hɨriyaritsie xemɨtama 'aixɨa 'iyari xemu'uwa. Xɨa'ui xeme xemɨmamariwawe 'ikɨ kwieyaritsie xemu'uwa, teɨteri 'ixaheritsixi memɨxe'ayexeiya xeikɨa.