Mikeyaxi 2:7 - Kakaɨyari Niukieya

⁷ Kakuwu nuiwarimama mɨpaɨ mekaniutiyuaneni: «¿Kamɨtsɨ Yawé tinewatɨ 'ari tiuhayewaxɨ? ¿Kamɨtsɨ mɨyatiuka'iyari? ¿Tamɨ niukieya 'aixɨa katiyuyuruwa? ¿Tamɨ tame 'aixɨa mɨtiuka'iyari hepaɨ tekate'u'uwa?»

Mikeyaxi 2:7 ပူးပေါင်းရင်းမြစ်များ

Nɨawari 84:11

Yawé tau hepaɨ kani'aneni meta tepɨa tahetsie nunuwame, Kakaɨyari tahetsiemieme witsipɨtikuxata. Yawé kaniwareu'enieka heitseriemekɨ memu'uwa wahetsie karahɨpatɨ.

Keremiyaxi 15:16

Kepauka 'aniuki nemukaxexeiyakai, ne nepitikwa'akai, mɨkɨ pɨnetemawierikatɨkai meta ne'iyari pɨtemawierikayatɨkai, kepemɨtitewakɨ nehetsie nematsihexeiyakɨ, Yawé, Kakaɨyari Naimekɨmɨtɨrɨkaɨye.

Nɨawari 15:2

Hetsiena mɨkarahɨiwa xeikɨa kaniyɨweni, 'aixɨa mɨtiyuriene yu'iyarikɨ yurikɨ mɨtikuxata,

Tsakariyaxi 4:6

Hikɨ niuki tuayame mɨpaɨ kanetiniutahɨawe: «'Ikɨ Yawé kaniniukieyatɨni Tsuruwaweri hetsiemieme kanihɨkɨtɨni: »“Kuyaxi watɨrɨkariyakɨ pɨkatiyɨni meta nixeime tɨrɨkariyayakɨ, matsi Ne'iyari mupatsiekɨ pɨta —Yawé Naimekɨmɨtɨrɨkaɨye mɨpaɨ kanaineni—.

'Utseyaxi 14:9

Kemɨ'ane mɨtimaiwe kaneitimaitɨyeikani, kemɨ'ane waɨkawa mɨtiuyemate. Kaniyuritɨni Yawé huyeya kanixeuraɨyeni, mɨkɨ 'utɨma mekaniuhuni heitserie memexeiya, peru kemɨ'ane 'axamemɨteyurie mekanetiketamɨrikeni meteyukahiwe'erietɨ.

Kitsariyaxi 50:2

¿Titayari nemunuatsie xeime tɨma nekatiutaxei? ¿Titayari xewitɨ kanetiuta'ei nemɨxe'utahɨawixɨtsie? ¿Kamɨtsɨ nekatiyɨwe nemɨxe'utawikweitsitɨanikɨ? ¿Kamɨtsɨ netɨrɨkariya katiyɨwe mɨxe'uxɨna? 'Etsiwa ne neyutahaxɨatɨayu haramara kanakawaukeni, meta hatɨa makumawe nekanayeitɨwani, haa heuyewekakaku tsapari mekanitakukuweni hariyakɨ, meta mekanitipɨkeni.

Temaiwawemete 28:18

Kemɨ'ane 'aixɨa mɨtixeiyarie heitseriemekɨ yamɨtikamie mɨkɨ kaniyutawikweitsitɨamɨkɨ, matsi kemɨ'ane 'axatiyurienetɨ 'amuyeika putsuta kaneukawemɨkɨ.

Temaiwawemete 10:29

Yawé huyeyatsie yamemɨtekahu kaniwa'ɨwiyani, kaniwaka'unanita 'axamemɨteyurie.

Temaiwawemete 10:9

Kemɨ'ane heitseriemekɨ 'amuyeika, 'aixɨa 'iyari 'apuyeika, 'axatiuka'iyaritɨ 'amuyeika teɨteri mepɨtehetimani kemɨtiyuriene.

2 Timuteu 3:5

Kakaɨyari mayexeiya hepaɨ mepɨteyuhekɨaka, peru mepɨyuhekɨatani katɨrɨkaɨyeme memɨ'eriekɨ tita memɨte'ayexeiya. Ta'aurie kenawetsi mɨya memɨ'anene wahetsɨa pemɨka'uyeikanikɨ.

2 Kurinitutari 6:12

Ketemɨtexexeiya, ta'iyaritsie 'aixɨa tepɨteku'eriwa, peru xeme 'aixɨa xepɨkatatexeiya yuhetsie.

Xumatari 7:13

Kamɨtsɨ, ¿mɨkɨ tita 'aixɨa mɨti'ane nehetsiemieme nemɨmɨnikɨ 'ayumiemeyari ratɨa? Pɨkatixaɨtsietɨ. Matsi, para mɨmatsiɨkɨnikɨ 'axakemɨti'ane, tita 'axanemɨtiuyuri kaneniumieni, 'ikuyuitɨwatɨ tita 'aixɨa mɨti'ane. 'Ayumieme 'aitsika muxuawekaikɨ, kwinimieme 'axa'anetɨ kanayani tita 'axanemɨtiuyuri.

Wani 8:39

Mɨkɨ mɨpaɨ mekatenita'eiya: —Tame ta'ukiyari 'Apɨrahami kanihɨkɨtɨni. Ketsutsi mɨpaɨ katiniwarutahɨawe: —'Apɨrahami xɨka xexiɨyarimamatɨnike, 'Apɨrahami kemɨtiyurienekai mɨpaɨ xepɨteyuriekakeyu.

Mateu 3:8

Yaxeketeneu'uwani xematsiɨkɨtɨ xemɨte'uhayewaxɨkɨ 'axaxeteyurietɨ.

Mikeyaxi 3:9

Xeme 'ikɨ xekeneu'eni, Kakuwu nuiwarimama wakuwexinaruritsixi, meta 'itsɨkate 'Ixaheri kwieyaritsie miemete, tita mɨtiheitserie xepɨxani'erie meta xepitituna niuki heitserie mɨtikuxata,

Keremiyaxi 2:4

Yawé niukieya xekeneu'eni Kakuwu xiɨyarimama, yunaitɨ 'Ixaheri nuiwarima teɨterimama.

Kitsariyaxi 58:1

»Keneutahiwa karima, pepɨka'utimamaweni. Kwi keneutahiwa kuxineta hepaɨ. Neteɨterima keniwarutaxaneta memɨnetsi'aye'uniekɨ, 'axamemɨte'uyurikɨ, Kakuwu nuiwarimama.

Temaiwawemete 14:2

Kemɨ'ane 'aixɨa 'anemekɨ mumie Yawé kanayemakaxeni, kemɨ'ane Yawé xani'erietɨ mumie mɨkɨ 'axakatiniyurieneni.

Temaiwawemete 2:7

Mɨkɨ kaniwaparewieka 'aixɨa memɨte'u'iyari. Meta kaniwa'ɨwiyani kemɨ'ane heitserie memu'uwa.

Nɨawari 119:65

Yawé, ti'a'uximayatsiriwame 'aixɨa ketinexeiyani, 'aniuki kemainekɨ.

'Inɨatsie 11:23

Yawé Muitsexi mɨpaɨ katiniuta'eiya: —¿Kamɨtsɨ Yawé tɨrɨkariyaya reu'atɨka? Hikɨtsɨ pekaninierimɨkɨ, xɨka neniuki nehaye'atɨamɨkɨ yatɨ pɨtikatixaɨ.

Nɨawari 119:68

'Ekɨ 'aixɨa pepɨtiuka'iyari, meta 'aixɨa pepɨtiyuriene, 'a'aitsikate keneneuti'ɨkitɨa.

Nɨawari 18:26

kayuwatɨ pepuyeika kemɨ'ane kayuwatɨ muyeika hamatɨa, peru kemɨ'ane mutiuyukananaima hamatɨa petimaiwetɨ pepuyeika.