Mikeyaxi 2:6 - Kakaɨyari Niukieya

⁶ 'Ikɨ Kakaɨyari niukametemama mɨpaɨ mepɨnetekɨhɨawe: «'Ari ketineuhayewa petihekɨatatɨ. Pepɨkataraxaxatɨwani kename teka'unarieni».

Mikeyaxi 2:6 ပူးပေါင်းရင်းမြစ်များ

'Amuxi 2:12

Peru xeme winu xepɨwaranu'itɨaxɨa 'aitsika memuyɨhɨritɨa meta Kakaɨyari niukametemama xepɨkawarupitɨa nehetsiemieme memɨtehekɨatanikɨ.

Kitsariyaxi 30:10

Memɨtaneniere Kakaɨyari hetsie timiemekɨ, mɨpaɨ mekateniwakɨhɨaweni: «Kexemɨtetanenierekɨ xeketeneuhayewa», meta Kakaɨyari niukametemama mɨpaɨ mekateniwakɨhɨaweni: «Tawariri tita yuri mɨraine xepɨkatatekuxaxatɨwani. Witsimɨranuyɨtɨka pɨta xeketatenekuxaxatɨwani, xeketenekuxatani witsiketemɨteku'eriwa.

Nɨ'ariekate 5:40

Yuhetsɨa mewarutahɨaweka nɨ'ariekate mewarutiwaka mɨpaɨ mekateniwaruta'aitɨani memɨkatiniunikɨ Ketsutsi hetsɨa memiemetetɨtɨ. Mekaniwarutixɨna.

Nɨ'ariekate 7:51

»Xeme xekɨipi pɨtsetse'i, yu'iyaritsie yunakata xepɨka'inɨaritɨariewawe Kakaɨyari 'inɨarieyakɨ, xeme yuheyemekɨ xepeye'unie 'Iyari Mɨtiyupata yututsima wahepaɨ.

Nɨ'ariekate 5:28

mɨpaɨ katiniwarutatieni: —Tame tamɨ tepɨtexe'uta'imaiyakai xemɨkate'ɨkitanikɨ mɨkɨ kemɨtitewa hetsiemieme. Matsi pɨta, xeme Kerutsareme yɨ'ɨkitɨarikakɨ xepɨte'utihɨniyaxɨ, xeme tahetsie xepɨte'ahɨpa mɨkɨ tewi xuriyayakɨ.

Nɨ'ariekate 4:17

Matsi tawariri mukakuxaxatsiwanikɨ teɨteri watsata, kɨmɨ tepɨwata'imaiya mɨkɨ hepaɨtsita xeime memɨkatekuxaxatɨwanikɨ».

Mikeyaxi 6:16

'Ekɨ 'aixɨa 'anemekɨ 'Umiri 'aitsikaya pekaniuweiyani meta naime 'Akawi nuiwarimama kememɨteyurie, yapepɨtiuyeika 'ɨxatsieya kemutiyuane. 'Ayumieme pemɨka'unarienikɨ nekameniyetuamɨkɨ, meta 'ateɨterima nekaniwatewinɨamɨkɨ. Teɨteri 'axakemematekɨhɨaweni pepinewieka».

'Amuxi 7:13

Tawariri Weteri pepɨkarehekɨatani, 'ena ti'aitame tukieya manuwe kanihɨkɨtɨni, meta 'ikɨ kwieyaritsie tuki manuwe.

'Etsekieri 21:2

«Tewi pemunu'aya, Kerutsareme hepa keneutanieri, watukite hepaɨtsita ketineutaxata meta 'Ixaheri kwieyari hepaɨtsita,

'Etsekieri 20:46

«Tewi pemunu'aya, tatsutɨa keneukanieri, mɨkɨ hepaɨtsita ketineutaxata Nekexi mu'ɨtsiyatsie.

'Etsekieri 3:26

Ne 'aneni mɨwerekɨ yanepɨtiyurieni, mɨpaɨ pekaniuwetɨ pepayani, pemɨwatatieni pepɨkayɨweni, tsepa kwinimieme 'axamemɨteyuruwamete.

Nɨawari 74:9

Tepɨka'ixeiyari tapatera 'ateewa 'uyewiekame, Kakaɨyari niukameyari pumawe, 'etsiwa tɨma tepɨkatemate kemɨreutere mɨpaɨ tiyɨanetɨ.

Kitsariyaxi 29:10

Yawé xehetsie kanikawiwieni 'iyari waɨkawa xemeukutsukɨ, Kakaɨyari niukametemama mekaneniereme puwarayeitɨa, Kakaɨyari hetsie timiemekɨ memɨtaneniere wahɨxie pɨwareutinaxɨa.

'Amuxi 7:16

'Ayumieme Yawé niukieya keneu'eni. 'Ekɨ mɨpaɨ peputaine: »“'Ixaheritsixi pepɨkatiwakuxaxatɨwani, 'Itsahaki nuiwarimama wahamatɨa petikuxatatɨ ketineuhayewa”.

Mikeyaxi 3:6

Hikɨ 'ayumieme, mepɨyɨriyarieni tawari tixaɨtɨkɨ mepɨkatexeiyatsitɨarieni, mepɨkayɨwekaxɨaniri memɨtetaxata kemɨtiyɨni 'arike». 'Ikɨ Kakaɨyari niukametemama wahetsiemieme tau pakayune, tukarikɨ wahetsiemieme yɨriya payani.