Mikeyaxi 2:3 - Kakaɨyari Niukieya

³ 'Ayumieme, Yawé mɨpaɨ kanaineni: «Hikɨta nepɨta nekanihɨkɨtɨni nemɨne'iyaritɨa wahetsie nemi'atɨanikɨ 'axamɨtiwayuriekakɨ, mɨkɨ tsata memayuye'una mepɨkayɨwekaxɨani. Mepɨkaku'uwaniri heitserie meheutanenieretɨ meyuti'ɨretɨ, maye'akɨri tukari ke'axamemɨ'itɨarienikɨ.

Mikeyaxi 2:3 ပူးပေါင်းရင်းမြစ်များ

'Amuxi 5:13

'Ayumieme mɨya mɨ'anekɨ mɨtimaiwe kayuwatɨ pɨta puyeika, 'ikɨ tukari 'aixɨa mɨka'anenekɨri.

Keremiyaxi 8:3

Naitsarie kwiepa hakewa nemɨwareutanɨ'axɨa memutawikwei 'ikɨ nuiwaritsie miemete 'axamemɨte'u'iyari, kemɨ'ane memuyuhayewa memɨkwinikɨ mepuyuwaɨriyani matsi memayeyuyurinikɨ pɨkatixaɨ. Mɨpaɨ kanaineni Yawé Naimekɨmɨtɨrɨkaɨye”.

Keremiyaxi 18:11

Hikɨta ketiniwarutaxatɨa Kura kiekatari meta Kerutsareme, mɨpaɨ ketiniwarayehɨtɨa Yawé mɨpaɨ kanaineni: “Nekaniha'aritɨaka 'uximatɨarika xehetsiemieme nekaniwewieka kehepaɨ nemɨtiyurieni xehepaɨtsita. Huye 'axamɨ'ane xekeneuhayewa, xeketenehɨwa, 'aixɨa xekeneyuyuri pɨta ke'axaxemɨte'u'uwakaikɨ meta ke'axaxemɨteyuriekaikɨ”.

Tsatiyaku 2:13

Kemɨ'ane mɨkatiyukanenimaya, 'itsɨkame ka'inenimayatɨ pitahɨawe. Matsi kemɨ'ane mɨtiyukanenimaya, Kakaɨyari 'inenimayatɨ kanitahɨawimɨkɨ.

Hiwerika 5:5

Memɨtatsi'uweiya takeputsatsie mekana'uweni, tepu'u'uxe xeikɨa, temuka'uxipieni tepɨkayɨwawe.

Hiwerika 2:17

Yawé kaneye'atɨani kemɨtiku'eriwakai, kaneye'atɨani yuniuki, meripaitɨ kemutayɨkai. Kametsinenimayatɨ kwiepa kamenehɨani, katiniupitɨani mɨmatsi'aye'unie mɨmatsitananaimanikɨ, mɨkɨ pɨtata watɨrɨkariya mariweme kanayeitɨani.

'Epetsutari 5:16

xekeneyukumexuitɨaka 'aixɨa xemɨteyurienikɨ, mexi tukari xepitɨarie hipatɨ tukari 'axamɨ'anenekɨ.

Xumatari 16:4

Nemayenierenikɨ ne, mekaniukweriwa'itɨarieni mekaniukwi'iwatɨma. Ne nexaɨtame pamɨpariyutsi nepɨkawapitɨa, matsi yunaitɨ memɨyutixexeɨriwa memɨkahuriyutsixi pamɨpariyutsi mepɨwapitɨata nehamatɨa.

Mikeyaxi 2:1

Xɨa'ui kemɨ'ane xeikɨa memɨyu'iyaritɨa 'axamemɨteyurienikɨ, me'uheitɨ 'akuxi ke'axamemɨteyurienikɨ memitiwewiwa. 'Amɨtikataretsie, mɨpaɨ mepɨte'eye'atɨwa mɨkɨ tɨrɨkariya memexeiyakɨ yuhetsie.

'Amuxi 2:14

Hikɨ xewitɨ muyuta'una pɨkayɨweni kwinimieme mɨranautsawe, meta mɨtɨrɨkaɨye tɨrɨkariyaya hawaikɨ pɨkarenake, meta kwinimieme mɨreuyutamieme yutukari pɨkatawikweitsitɨani.

Tanieri 4:37

'Ayumieme ne, Nawukurunutsuxi, nekaninɨawani, mariweme nekaneyeitɨwani meta 'aixɨa nekanaineni Ti'aitame muyuawitsie makawe hepaɨtsita, yuheyemekɨ kemɨtiheitserie mɨtiyurienekɨ meta heitserie mexeiyakɨ, meta puyuwaɨriya memɨyuti'ɨre tixaɨtɨ mɨkatiwarayeitɨani.

Hiwerika 1:14

»'Axakenemutiuyuri pahete nehetsie yuku hepaɨ, Kakaɨyari katiniuyurieni mɨnetsi'utitɨtɨa. Nekɨipitɨa kanenakatɨtɨani, 'ariri kɨmana nekani'uxeni. Kaneniyetuani 'iya teɨteri wahetsɨa kemɨ'ane nemɨkawakema nemɨwatanewieni wahetsɨa.

Keremiyaxi 43:2

'Atsariyaxi 'Utsahiyaxi nu'aya, Kuhanahani Kareya nu'aya, meta yunaitɨ teɨteri memɨyuti'ɨrekai mɨpaɨ Keremiyaxi mekateniuta'eiya: «Kepemɨtikuxata kani'itarikatɨni. Yawé takakaɨyari mɨpaɨ pɨkamerahɨawe kename 'Ekipitu tekaheuhuni mana temetitenikɨ.

Keremiyaxi 36:23

Kepauka Yehuri yapapaɨmeme mɨyeterɨwarɨmekai hahaikakame yatɨni nanaukakame, ti'aitame ti'utɨwame nawaxayakɨ nenuxitekekaitɨni taipa neiwiwakaitɨni. Mɨpaɨ xapa mukwikwiya naime katiniutaxɨtɨani, naitɨ taipa kaniutaxɨni.

Keremiyaxi 34:17

»'Ayumieme Yawé mɨpaɨ kanaineni: “Mepɨkanetsi'anu'eniwawe, yu'iwama memɨkawahayewawekɨ. 'Ayumieme ne xehetsiemieme yanekanaineni mɨtitatuiyanikɨ —Yawé mɨpaɨ kanaineni—: kuyaxa nenitatuamɨkɨ, kwiniya meta haakaxa, kemɨxetiyuriekɨ kwiepa te'aitamete yunaitɨ menitimamakuni.

Keremiyaxi 27:12

Tserekiyaxi Kura kwieyaritsie ti'aitame, yaxeikɨa nekatiniutahɨawe: «Wawiruniyatsie ti'aitame hetsɨa xeketeneuta'uximayata, yaxeketenekahuni meta teɨterimama yunaime, mɨpaɨ xeteyurietɨ xepayeyuyurini.

Kitsariyaxi 5:19

Mɨpaɨ mekaniutiyuaneni: «Kakaɨyari keyumexɨitɨaka, kemɨtiyurieni keyukumexuitɨani tame temixeiyakɨ, 'ahurawa kehayani meta yaketiɨyɨni 'Ixaheri hetsiemieme Mɨpatsie kemɨtiyurimɨkɨ, mɨpaɨ yatemɨtehetimanikɨ».

Kitsariyaxi 3:16

Yawé mɨpaɨ kanaineni: «Tsiyuni niwemama 'ukari kwinimieme mekateniyuti'ɨreni yɨkɨipi mehutseratɨkaitɨ mekaniku'uwani, xeime kwamanamɨtɨ kemɨtiuneniere meta kememɨte'ɨkɨka mepuyumatsiɨkɨ, yu'ɨkatetsie memɨteheutapietɨka mete'utiyuitɨwatɨ.

Hutarieka 'inɨari 28:48

'Ayumieme haakakɨ hariyakɨ xepɨte'uka'eniwani, meta xepɨmamaweni yemekɨ tixaɨtɨ xepɨkatehexeiyani, meta memɨxe'aye'unie tewa'uximayatsiriwamete xepakɨne, Yawé xekakaɨyari mɨwaranɨ'ani xehetsɨa. Mɨkɨ tepɨa yukuyari xekatutsitɨa mepɨxe'atekirieni, hikɨ mɨpaɨ mepɨxeteka'una.

'Amuxi 3:1

Xekeneu'eni 'ixaheritsixi, 'ikɨ Yawé niukieya kemaine xehepaɨtsita, yunaime nuiwari hetsiemieme 'Ekipitu nemɨwarayewitɨ:

'Amuxi 3:2

«Xeme xeikɨa nekanixe'anayexeiya yunaime kwiepa memɨtama watsata. 'Ayumieme, nekatinixe'akapitɨamɨkɨ naimekɨ ke'axaxemɨte'uyuri».

Kitsariyaxi 29:20

Memɨteyukananaima mepɨka'u'uwaniri, memɨteyukatawe'erie mekanikumawerikuni, Meta yunaitɨ kemɨ'ane memɨkakutsu 'axameteyurietɨ mekaneuyehɨiyakuni.