Mikeyaxi 2:2 - Kakaɨyari Niukieya

² Kwie mɨraka'etsitɨre mehiwe'erietɨ, yupiini mekanayeitɨwani, meta kiite, mɨkɨta yukii mekanayeitɨwani. Waɨriyarika me'inanaimatɨ 'uki mekateni'aitɨaka meta tɨɨriyamama, tewi meta tita mɨrexeiyakai.

Mikeyaxi 2:2 ပူးပေါင်းရင်းမြစ်များ

Kitsariyaxi 5:8

Xɨa'ui 'iya kemɨ'ane yukii waɨkawa mexeiya meta kwie mɨraka'etsitɨre waɨkawa yupiini memɨte'ayeitɨwa nixeime tɨma mekahayewirietɨ mana mɨtayerɨnikɨ, yuxaɨta xeikɨa 'axeikɨa metitetɨ mepuyukuhayeikawa.

'Amuxi 8:4

'Ikɨ xekeneu'eni, xeme memɨteheuyehɨwa xemɨwatiketsina meta haweri memɨ'anene xemɨwakuya 'ena kwiepa.

Keremiyaxi 22:17

»Peru 'ahɨxite meta 'a'iyari 'iwarika 'axamɨti'ane xeikɨa pukuwautɨwe, mepɨtekuwautɨwe xeikɨa 'atsimemɨkate'u'iyari waxuriya memɨtayeurienikɨ meta waɨriyarika memɨte'aitanikɨ meta nanaimarikakɨ».

'Etsekieri 18:12

tixaɨtɨ mɨkarexeiya waɨriyarika ti'aitɨatɨ, tinawayatɨ, meta kemɨ'ane mɨrepinirie 'ixurikieya ka'iyetuirietɨ, meta kakaɨyarixi warahɨawetɨ, waɨkawa 'axatiyurienetɨ.

1 Timuteu 6:10

Teɨteri kememɨte'ihiwe'erie tumini, mɨkɨ nanaritsie kaniutineikani naitɨ 'axamɨti'anene, hipatɨ me'ihiwe'erietɨ, mepeuyexɨri yuri mekate'erietɨ mepakɨ, meta mepɨte'uka'eniexɨa waɨkawa hiwerikakɨ.

Mateu 23:13

»Xɨa'ui xeme, 'inɨarikɨ xemɨte'ɨkitamete, meta xeme paritseutsixi, xemɨte'itawamete. Xepɨtewareunamiriwa teɨteri meheutahaxɨanikɨ Kakaɨyari mɨra'aitatsie, meta xemetɨtɨ xepɨkaheutahake meta mɨkɨ memanuyehaku xepɨkawapitɨa.

Marakiyaxi 3:5

«Hikɨ ne nekaninuamɨkɨ nexetaxanetake. Ne nemunierixɨ nepaneyeitɨani memɨteyukewaiya wahetsiemieme, memɨwakumaɨwa kayu'ɨitama kayukɨnama, meta memɨte'itawa, teyu'uximayatsiriwamete memɨwakwamana, wiuraxi meta nutuite memɨwananaima, meta 'ateewa kiekatari heitserie memexeiyani memɨkawapitɨa, ne 'etsiwatɨma mekanetsi'ayemakatɨ —Yawé Naimekɨmɨtɨrɨkaɨye mɨpaɨ kanaineni—.

Mikeyaxi 3:9

Xeme 'ikɨ xekeneu'eni, Kakuwu nuiwarimama wakuwexinaruritsixi, meta 'itsɨkate 'Ixaheri kwieyaritsie miemete, tita mɨtiheitserie xepɨxani'erie meta xepitituna niuki heitserie mɨtikuxata,

'Etsekieri 22:12

Hipatɨta mana mepu'uwa meteyumemiwatɨ tumini me'iwatɨ 'awie. 'Axapetiyurienetɨ, pemɨwaniɨtɨa waɨkawa perana'iwatɨ, 'a'iwa pekanihiweritɨaka, meta 'ayumieme pekanenatɨmaiya. Yawé mɨpaɨ kanaineni.

2 Te'aitamete 9:26

“Takai 'ena nepixei, Nawuhuti xuriyaya meta niwemama. 'Ayumieme hikɨ mɨkɨkɨ pekatinayukatuamɨkɨ, 'ena 'axeikɨa. Ne, Yawé mɨpaɨ nekanaineni”. Kenanukukweka kaxarieya, mana kenehɨwa mɨkɨ kwieyaritsie, mɨpaɨ Yawé niukieya kemainekai.

Memeyekɨ 20:17

»'A'iwa kiiya pepɨkahiwe'erieka, meta 'ɨyaya, meta 'iparewiwameya 'uki 'uka, meta tuuruya, puxuya, naime tita mɨrexeiya pepɨkatihiwe'erieka».

Kuwi 31:38

»Xɨka nekwie nehepaɨtsita hahiwani, meta naitɨ xurukuyari xɨka 'utitsuanani,

1 Te'aitamete 21:1

Merikɨtsɨ yapaɨmexɨa tukari 'anukayaku mɨpaɨ katiniuyɨni: Nawuhuti titewatɨ Ketsireri kiekame, yukaxie haraweriyari kanexeiyakaitɨni mɨkɨ kiekariyaritsie, ti'aitame 'Akawi paratsiyuya 'aurie, Tsamariya mɨti'aitametɨkai.

'Etsekieri 8:17

Mɨpaɨ kanetiniutahɨawe: «Tewi pemunu'aya, ¿'ikɨ petiwaxeiya? 'Ikɨkɨ Kura 'axamekateyuriekame mekaniyu'erieka, mɨkɨta kwiepa 'axamɨti'ane katiniwiwieka, meta netsihaxɨatɨatɨ mɨkatihayewa. Neuxei yamekanetenihaxɨatɨaka, nekani'ukweni tupiriya 'axamu'ɨa.

'Etsekieri 22:13

»”Peru ne nemamakɨ nepɨtitahutsuni neha'atɨ, 'axa'anemekɨ tumini pemukaxeikɨ, meta hipame pemɨwarukwikɨ kaye'utɨma.

'Etsekieri 33:26

Metatsiere, yu'ixiparatetsie xepauwawaɨre, 'axaxeteyurietɨ kemɨkanetinake, 'ahepaɨ tewi 'ɨyaya xepɨwakumaɨwa, ¿Mɨya xeteyurietɨ mɨkɨ xekwie tihɨkɨtɨni?”

'Etsekieri 46:18

Ti'aitame teɨteri tiwapiini pɨkatiwanawairieni, meta tita mɨtiwapiini pɨkatiwakunamirieni. Yuniwema pɨtiwayetuirieni tita mɨrexeiya xeikɨa, mɨpaɨ pɨ'aneni nixewitɨ neteɨterima yupiini pɨkatinawaiyarieni”».

'Amuxi 2:7

Haweri memɨyɨa wamu'utsie mepa'uwe kwie tumuanariyari memɨhɨkɨtɨni hepaɨ, meta memɨteheuyehɨwa wahuye mepɨyeitɨa. Paapaya meta nu'aya xeime xeikɨa 'ukaratsi hamatɨa mepukahipite, mɨpaɨ meteyurietɨ kenemɨtipatsie nekapatsiekame mepɨnetsi'ayeitɨwa.

Mikeyaxi 6:12

Xikutsixi kiekaritsie kiekatari 'axamepɨte'u'iyari, kiekatari mepɨte'itawa, yuteta yuneni mepexeiya ti'itawame.

Kitsariyaxi 3:14

Yawé 'iwaurika kaniwewimɨkɨ 'ukirawetsixi wahepaɨtsita meta yuteɨterima wahɨxie memanuyetei: «Xeme kaxie xekaniukaxɨtɨani, tixaɨtɨ mɨkarexeiya tipiiniteya xekiita katineyepika.

'Etsekieri 45:9

»”Yawé naimekɨmɨyɨwe mɨpaɨ kanaineni: 'Ariri xeketeneuhayewa. 'Ixaheritsie te'aitamete. Xeketeneuhayewa 'axaxeteyurietɨ meta xetenawatɨwetɨ. 'Aixɨa'anemekɨ meta heitseriemekɨ xekeneu'uwani. Xeketeneuhayewa neteɨterima xetewanawatsirietɨwetɨ. Yawé mɨpaɨ kanaineni.

'Amuxi 4:1

'Ikɨ niuki xeme xekeneu'eni, wakaitsixi Watsani miemete, Tsamariya hɨriyaritsie xemu'uwa, haweri memɨ'anene xemɨwananaima meta tixaɨtɨ memɨkatehexeiya, yɨkɨnama mɨpaɨ xemɨtewakɨhɨawe: «Xeketatenahapaniri tepanu'ieni».