Mikeyaxi 2:12 - Kakaɨyari Niukieya

¹² Kakuwu, yurikɨ mɨpaɨ nekanaineni, ne yunaime 'ateɨterima nekaniwakuxeɨrimɨkɨ. 'Ixaheri, yurikɨ mɨpaɨ nekanaineni, ne nekaniwakuteɨximɨkɨ memuyuhayewaxɨ. Nepuwakuxeɨrieni muxatsi kuraruta memeuta'ɨnarieni hepaɨ, muxatsi wahepaɨ, maku'ɨxaya hixɨapa, memɨyuwaɨkawani hepaɨ tɨranari mepɨwewieni.

Mikeyaxi 2:12 ပူးပေါင်းရင်းမြစ်များ

'Etsekieri 36:37

»Yawé naimekɨmɨyɨwe mɨpaɨ kanaineni: Meta nepɨnewaɨriya teɨteri 'ixaheritsixi memɨnetsitawawirienikɨ memuyutimɨirekɨ, muxatsi wahepaɨ memuyutipaɨmerekɨ.

Mikeyaxi 7:18

Pumawe Kakaɨyari 'ahepaɨ tiuka'iyaritɨ, 'axamɨti'ane mɨtareuyehɨwiriwa meta tixaɨtɨ mɨkarayeitɨwa ke'axamemɨte'uyuri teɨterima memuyuhayewaxɨ. 'Aheyemekɨ pepɨkaha'a, naki'eriya mɨmatsinakekɨ pɨta.

Mikeyaxi 7:14

'A'itsɨ pe'akwetɨ 'ateɨterima keniwahɨneni, muxatsi 'atewama, yuxaɨta 'ɨtsita memɨkie, 'ɨtsi hixɨapa. Watsani meta Karaha mu'ɨxayatsie ketiniwarutimikwa meripaitɨ hepaɨ.

Mikeyaxi 5:7

Kakuwu nuiwarimama memuyuhayewa, teɨteri meyumɨireme watsata, haɨtsi Yawé hetsɨa mieme hepaɨ mepɨ'aneni, wiyeri 'amayetsuye tupiriya hetsie mɨkaxɨrɨwe hepaɨ, teɨteri memɨka'inɨ'a, meta tixaɨtɨ mɨkatiwarawawiriwa.

'Amuxi 1:12

'Ayumieme tai nepanunɨ'ani Temani kiekatari wahetsie, Wutsira kiekatari wakuraru 'aixɨa mɨ'ane mɨtaxɨtsitɨanikɨ».

'Utseyaxi 1:11

Kura teɨterimama meta 'Ixaheri teɨterimama wahamatɨa mekaniyutaxewirikuni, xeime xeikɨa ti'aitame mehexeiyatɨ mepakɨne yukiekaritsie, 'ana Ketsireri mariwetɨ kanayeimɨkɨ.

'Etsekieri 37:21

meta mɨpaɨ ketiniwaraye'eritɨa Yawé naimekɨmɨyɨwe mɨpaɨ kanaineni: “'Ixaheritsixi nekaniwakuxeɨrimɨkɨ, tsepa kemɨ'ane nuiwarite watsata memu'uwa meta nekaniwarakunuitɨamɨkɨ wakwietsie.

'Etsekieri 34:31

ne yurikɨ mɨpaɨ nepaine ne xekakaɨyari nepɨhɨkɨ, xemeta nemuxatsima, muxatsi nekuraruta miemete”».

'Etsekieri 34:22

ne nekaniwatawikweitsitɨamɨkɨ nemuxatsima, tawariri xepɨkatewakwinitɨaka. Ne 'aixɨa nepɨtiyurieni yuxexuime muxatsi wahetsiemieme.

'Etsekieri 34:11

»”Yawé naimekɨmɨyɨwe mɨpaɨ kanaineni: Ne nekɨmana nekaniwatiwaumɨkɨ meta nemuxatsima nekaniwa'ɨwikamɨkɨ.

Keremiyaxi 23:3

Keyupaɨmetɨ memuyuhayewatɨwe neteɨterima nekaniwakuxeɨrimɨkɨ kemɨ'ane kwieyaritsie nemɨwareutanɨ'axɨa nekaniwarakunuitɨamɨkɨ wakwietsie, mematiwaweretsie memayutimɨiriyatsie.

Kitsariyaxi 34:6

Yawé 'ixiparaya kanixuriyamaka, tsipuri meta muxatsi waxuriyakɨ, kaniwiyamaka, muxatsi 'ukitsi wamumé wiyayari xiteyarikɨ. Yawé mawarika puwewie Wutsira paitɨ, meta puwarukwi 'Erumi kwieyaritsie yumɨireme.

Kitsariyaxi 27:12

'Iya tukaritsie Yawé tɨriku pɨtiketsini 'Eupɨrate hayari manuye'anetsie paitɨ 'itsutɨame 'Ekipitu hayari manuyekatsie paitɨ ye'atɨkaime, xeme 'ixaheritsixi yuxexuitɨ xepeu'itsanariexɨani xemukuxeɨriyanikɨ.

Kitsariyaxi 11:11

'Iya tukaritsie Yawé tawarita yumamá kaneutatseramɨkɨ yuteɨterimama memuyuhayewatɨwe muwakuxeɨrienikɨ, 'Atsiriyatsie memuyuhayewaxɨ, 'Ekipitu, Paturutsi meta Kutsi, 'Erami, Tsinaxi meta Kamati, meta haramara hatetsitayari 'ametetewatsie.

Keremiyaxi 3:18

»Mɨkɨ tukaritsie Kura nuiwariyari mepuyutinɨni 'Ixaheri xiɨyarimama wahamatɨa, yunaitɨ mekanayekɨnikuni tayeta kwie mukumatsie, mekani'axɨakuni kwie watutsima nemɨwayetuiritsie.

Tsutɨarika 36:33

Kepauka Wera mumɨ, hetsienamieme katiniuta'aita Kuwawi Tsera nu'aya, Wutsira meyeyakai.

Kitsariyaxi 5:17

Muxatsi mepɨtetikwani yu'ɨxata memɨyɨaka hepaɨ, tsipuri mepɨtetikwani xikutsixi mematitekaitsie.

Mikeyaxi 2:13

Panuyekani kemɨ'ane muhuyetarɨmeni, meta mɨkɨtatsiere huye mepuyuwewirieximeni, kitenie mekaniuyekɨnikuni hikɨ mekaniyehuni, mexi tiwa'aitɨwame 'umieni 'anuyekaitɨ, mexi Yawé 'anuyekaitɨ 'umieni.

Mikeyaxi 4:8

'Ekɨta, Muxatsi Watuxiyu, yemuri kuraru 'amatitetewa Tsiyuni kiekariyari: 'ahetsɨa kaninuamɨkɨ meripai tɨrɨkariya kepemɨrexeiyakai, mariwemekɨ kepemɨti'aitakai Kerutsareme kiekariyari».

Mikeyaxi 5:8

Kakuwu nuiwarimama memuyuhayewa nuiwarite watsata, yumɨireme teɨteri watsata, maye yeutarite watsata kemɨtiyumate mɨkɨ hepaɨ mepɨ'aneni, maye temaikɨ muxatsi watsata kemɨtiyumate hepaɨ, kepauka watsata meutahani puwatixutsina meta puwatikwa'a, nixewitɨ wahetsie mɨtanuani mɨkayɨwekɨ.

1 Kemɨtiuyɨ 1:44

Kepauka mumɨ Wera, 'utɨmanata katiniuta'aita Kuwawi Tsera nu'aya, Wutsira kiekametɨtɨ.

'Etsekieri 34:13

Ne nuiwarite watsata nekaniwatiwaumɨkɨ, tsepa kemɨ'ane kwieyaritsie memu'uwa nekaniwakuxeɨrimɨkɨ, wakwietsie pɨta nekaniwa'atɨamɨkɨ. 'Ixaheri hɨriyaritsie nekaniwahɨnemɨkɨ, mayeweweritsie meta naitsarie kiekari mukumanetsie.

Tsupuniyaxi 3:20

Mɨkɨ tukaritsie ne nekanixe'atɨamɨkɨ, mɨkɨ tukaritsie nepɨxekuxeɨrieni. Xeme xemariwame waɨkawa nepɨxe'ayeitɨani yunaime teɨteri kwiepa memɨtama watsata kepauka nemɨxehakunuitɨani mɨkɨ wahɨxie 'ateewa xehehapanieku». Mɨpaɨ kaniutayɨni Yawé.