Mikeyaxi 2:1 - Kakaɨyari Niukieya

¹ Xɨa'ui kemɨ'ane xeikɨa memɨyu'iyaritɨa 'axamemɨteyurienikɨ, me'uheitɨ 'akuxi ke'axamemɨteyurienikɨ memitiwewiwa. 'Amɨtikataretsie, mɨpaɨ mepɨte'eye'atɨwa mɨkɨ tɨrɨkariya memexeiyakɨ yuhetsie.

Mikeyaxi 2:1 ပူးပေါင်းရင်းမြစ်များ

Nɨawari 36:4

Yu'utatsie kakaitɨ 'axamɨtiyurienikɨ xeikɨa pɨtiku'eriwa, 'axamɨ'ane huyeyari pɨkataunie, 'axamɨti'ane pɨkatiku'eiriwe.

Kitsariyaxi 32:7

Mɨtiyukwamana katinikuwauneni kemɨtiwakwamanakɨ, meta yakatinikuxatani kehepaɨ mɨtiwananaimanikɨ, tixaɨtɨ memɨkatehexeiya kaniwaka'unani 'itarikakɨ, tsepanetɨ tixaɨtɨ mɨkarexeiya mɨtixanetane.

Nahumi 1:11

'Ekɨ, Niniwe, 'ahetsie pɨyetɨa Yawé hepaɨtsita 'axamɨtikuxata, 'axa'anemekɨ mɨ'ɨxatsita.

Xumatari 1:30

'Awie niuki mekaniwewieka, mekaniniukixieka, Kakaɨyari mekani'uxieka, mekatenitawe'erieka naime, mekananuyehaitɨrɨweni, mekateniyukatawe'erieka, mekatenikuwautɨweni 'axakemɨtiuyurienikɨ, yupaapama mepɨkawa'enie.

Keremiyaxi 18:18

Teɨteri mɨpaɨ mekaniutiyuani: «Xekeneuyukuxeɨri tepɨtetixata Keremiyaxi hepaɨtsita. 'Inɨari niukiyari pɨkaheuyeweka mawari wewiwame hetsie, 'ɨxatsi mɨtimaiwe hetsie pɨkaheuyeweka tɨma meta niuki Kakaɨyari niukameya hetsie pɨkaheuyeweka. Niukikɨ tepeye'atɨirieni, tsepa kemaine yatepɨkateyurieni».

Kitsariyaxi 59:3

Xeme yumamatetsie xepeuxuxure, meta yu'itɨwametetsie 'axamɨti'anekɨ xepɨteheuwetɨka. Xeteni 'itarika pɨtikuxata, meta xeneni 'axa'anemekɨ pɨtikuxata.

Temaiwawemete 4:16

'Axateyuruwamete mepɨka'ukakukutsu xɨka 'akuxi 'axakatiyuriweni, mepukakukutsu kepaukake xeime memɨka'una.

Temaiwawemete 3:27

Pepɨkahe'imaiyani kemɨ'ane parewiya mɨmatsitawawirieni, xɨka perexeiyani tita mɨreuyehɨwa.

Tsutɨarika 31:29

Ne nekaniyɨweni nemɨtixe'utikwinitɨani, peru 'ikɨ tɨkaritsie 'apaapa Kakaɨyarieya pɨneretaxatɨa mɨpaɨ pɨneretahɨawixɨ: “'Amarima 'aixɨa Kakuwu pepɨka'utate'ani”.

Nɨ'ariekate 23:12

Hikɨ tau 'anatineku, huriyutsixi hipatɨ mekaniyu'enieni. Mekaniyuhɨritɨani mɨpaɨ me'utiyuatɨ: «Tepɨkatekwani meta tepɨka'anuhareni kepaukake Papuru temɨmieni».

Wani 19:11

Ketsutsi mɨpaɨ katinita'eiya: —'Ekɨ heitserie pepɨkahexeiyanikeyu nehepaɨtsita taheima miemekɨ xɨka pekapitɨariekake. 'Ayumieme kemɨ'ane mɨnetsiyetua 'ahetsɨa, mɨkɨ matsi waɨkawa 'axakatiniuyurieni.

Hutarieka 'inɨari 28:32

Xeniwema 'ukitsi meta 'ukari xaɨtsie hipame nuiwarite watsata mepɨyetuiyani, xɨka xewarutiwauni xepɨti'uxe, hatsuaku xepɨkawataxeiya.

Nɨ'ariekate 23:15

Hikɨ 'ayumieme xeme 'itsɨkate wahamatɨa yaxeketeneutahɨawi kuyaxi tiwa'aitɨwame xehetsɨa mewitɨnikɨ, 'aixɨa 'anemekɨ matsi xemɨtehetimanikɨ hepaɨtsitana. Tame kanuawekaku 'akuxi tekaniyuha'aritɨaka huyeta temeimienikɨ.

Temaiwawemete 12:2

Tewi 'aixɨa mɨtiuka'iyari mɨkɨ Yawé piparewie, matsi kemɨ'ane 'axamɨtiuka'iyari hetsiena katiniɨhɨpani.

Rukaxi 20:19

Merikɨtsɨ 'ana mɨkɨ 'inɨarikɨ memɨte'ɨkitametetɨkai meta mawari wewiwamete tewa'aitɨwamete mekatenikuwautɨwekaitɨni kememɨte'iwiyakɨ, mɨpaɨ metehetimaika mɨkɨ mɨwaxatakaikɨ mɨkɨ 'ɨxatsi hepaɨtsita ti'ɨkitatɨ, peru mekaniwamakarɨkaitɨni teɨteri.

Marikuxi 15:1

Hikɨ 'ukatareku kwitɨwa mawari wewiwamete tewa'aitɨwamete, 'ukirawetsixi, meta 'inɨarikɨ memɨte'ɨkitametetɨkai, meta hipatɨ 'itsɨkate yunaitɨ meyukuxeɨrieka meyu'enieka, Ketsutsi mekanehana hɨakame, Piratu mekaniyetuirieni.

'Etsekieri 11:2

Kakaɨyari mɨpaɨ kanetiniutahɨawe: «Tewi pemunu'aya, 'ikɨ mekanihɨkɨtɨni 'axamɨti'ane 'iyariyari memɨwewie meta 'ikɨ kiekariyaritsie 'axa'anemekɨ memɨ'ɨxatsita.

'Etsitexi 9:25

Peru kepauka 'Etsitexi ti'aitame hɨxie mutaniu, mɨkɨ xapatsie mɨpaɨ katiniu'aita kename 'Amani kemɨtiu'aitaxɨ huriyutsixi wahetsiemieme hetsiena tinakekekai, mɨkɨ meta niwemama kɨyetsie mekekaxuiyaxɨanike.

'Etsitexi 5:14

'Ɨyaya Tseretsi meta yunaitɨ hamikumama mɨpaɨ metenitahɨawe: —Kɨye 'anuyemɨtsɨme keneuta'aita huta tewiyari heimana tamamata tsikuriyari 'utewime, ximerita ti'aitame keneutawawiri Maxirukeyu mana mɨkaxuiyanikɨ. Mɨpaɨ 'aixɨa 'iyari pekanimieni 'ixɨararipa ti'aitame matɨa. 'Amani kemɨtiutahɨawarie kaninake, katiniuta'aita kɨye 'anuyemɨtsɨtɨ mɨkakerienikɨ.

'Etsitexi 3:8

Hikɨ 'Amani ti'aitame 'Atsuheru mɨpaɨ katiniutahɨawe: —'Ena mepuxuawe hipatɨ teɨteri naitsarie metaxɨrietɨ kiekari mukumanetsie watsata pemɨra'aitatsie, 'inɨari niukiyari kememɨtehexeiya kememɨte'uhu yɨkɨ pɨ'ane, hipatɨ kememɨteheixeiya. Yamepɨkatekahu 'inɨari niukiyaritsie kepemɨti'aita, 'aixɨa pɨka'ane memu'uwani me'ayenenieretɨ.

Kuwi 24:14

Kakahekɨariwekaku 'akuxi, tiyumemiwame panukukeka, tixaɨtɨ mɨkarexeiya meta mɨreuyehɨwa pukumemiwa, kepaukata mɨkɨyɨre tinawayame kanayuyeitɨwani.

Temaiwawemete 14:22

Kemɨ'ane 'axamemɨteyuriku mepeiyehɨani huye 'aixɨa mɨ'ane, matsi naki'eriya meta tita yuri mɨraine mepukaxexeiya kemɨ'ane 'aixɨa memɨteyurie.

Kitsariyaxi 29:20

Memɨteyukananaima mepɨka'u'uwaniri, memɨteyukatawe'erie mekanikumawerikuni, Meta yunaitɨ kemɨ'ane memɨkakutsu 'axameteyurietɨ mekaneuyehɨiyakuni.

'Etsekieri 33:26

Metatsiere, yu'ixiparatetsie xepauwawaɨre, 'axaxeteyurietɨ kemɨkanetinake, 'ahepaɨ tewi 'ɨyaya xepɨwakumaɨwa, ¿Mɨya xeteyurietɨ mɨkɨ xekwie tihɨkɨtɨni?”

'Etsekieri 38:10

»”Yawé naimekɨmɨyɨwe mɨpaɨ kanaineni: 'Uxa'atɨni warie yɨkɨ pepɨti'erieni meta pewaraye'unietɨ 'axa'anemekɨ.

'Etsekieri 46:18

Ti'aitame teɨteri tiwapiini pɨkatiwanawairieni, meta tita mɨtiwapiini pɨkatiwakunamirieni. Yuniwema pɨtiwayetuirieni tita mɨrexeiya xeikɨa, mɨpaɨ pɨ'aneni nixewitɨ neteɨterima yupiini pɨkatinawaiyarieni”».

Mikeyaxi 6:12

Xikutsixi kiekaritsie kiekatari 'axamepɨte'u'iyari, kiekatari mepɨte'itawa, yuteta yuneni mepexeiya ti'itawame.

Tsakariyaxi 7:10

Xepɨkawananaimaka wiuraxi meta nutuite, meta 'ateewa kiekatari metatsiere tixaɨtɨ memɨkateheuxeiya. 'Axamɨti'ane xepɨkawewieka yu'iyaritsie hipame wahetsiemieme”.

1 Te'aitamete 21:7

Mɨkɨ hepaɨtsita 'ɨyaya Ketsaweri mɨpaɨ katinitahɨawe: —¿Tamɨ 'ekɨ pekatihɨkɨ 'Ixaheri kwieyaritsie pemɨti'aita? Neuxei, kenanukukexi ketineukwa'i, 'aixɨa pekatineka'erietɨyeimɨkɨ. Ne nekamenikuniukiriemɨkɨ mɨkɨ xeniu Nawuhuti harawerieya.

Kuwi 15:35

Tita mɨkatiheitserie yuhetsie mepɨpitɨa meta 'axamɨti'ane mepɨtiniweya, wahetsie kwamanarika kanayeneikani memitiniweyani hepaɨ».

Nɨawari 36:5

Yawé, 'anaki'eriya muyuawitsie paitɨ pɨye'axe, kepemɨkatiyupata haitsie paitɨ pɨye'axe.

Nɨawari 58:3

'Axateyuruwamete 'amɨtitinuiwatsie 'axameteyurietɨ mekanakɨkani, kemɨ'ane memɨte'itawa yumaamama wahetsie paitɨ meyetetɨ mekaneuyexɨrɨweni.

Kitsariyaxi 3:14

Yawé 'iwaurika kaniwewimɨkɨ 'ukirawetsixi wahepaɨtsita meta yuteɨterima wahɨxie memanuyetei: «Xeme kaxie xekaniukaxɨtɨani, tixaɨtɨ mɨkarexeiya tipiiniteya xekiita katineyepika.

Kitsariyaxi 5:8

Xɨa'ui 'iya kemɨ'ane yukii waɨkawa mexeiya meta kwie mɨraka'etsitɨre waɨkawa yupiini memɨte'ayeitɨwa nixeime tɨma mekahayewirietɨ mana mɨtayerɨnikɨ, yuxaɨta xeikɨa 'axeikɨa metitetɨ mepuyukuhayeikawa.