Mikeyaxi 1:7 - Kakaɨyari Niukieya

⁷ Yunaitɨ kakaɨyariximama mekanititarariekuni, tuminikɨ memuyumayɨinɨa wa'iwarikakɨ memɨwewiyatɨkakɨ taipa katineuxɨriyamɨkɨ. Ne wakakaɨyarixi yunaime nepɨwatitemɨxikita. Naitɨ tita mɨtiyutiwewi tuminikɨ kumayɨiwatɨ me'iwakaikɨ, tuminikɨ muyumayɨinɨa mɨtipitɨarieni tawari payani.

Mikeyaxi 1:7 ပူးပေါင်းရင်းမြစ်များ

Hutarieka 'inɨari 23:18

»Yawé 'akakaɨyari tukieyata pepɨkahei'ɨweni tumini mɨpaɨ peyɨanetɨ pehe'iwame, meta mɨkɨkɨ pepɨkare'akatuayani kepemutayɨ mawariyari mayanikɨ, mɨkɨ tihutame Yawé 'akakaɨyari katinixani'erieka.

'Utseyaxi 2:12

Kaxie haraweriyari kemɨrexeiyakai meta piní, kename mɨkɨ tuxexerimama mete'iyetuiriekai. Maku'ɨtsiya nepayeitɨani, yeuta memɨte'u'uwa mekanitikwaikuni xeikɨa.

Matsiɨkɨtɨ kemɨratɨa 18:3

Yunaitɨ nuiwarite memuti'ikɨ memikumaɨwanikɨ kawa'ɨyatɨkaku, mana kiekatari te'aitamete yunaitɨ mɨkɨ mekanikumaɨwakaitɨni, meta tetuayamete mana kiekatari, xikutsixi mekanakɨne witsi'aneme muyupitɨakaikɨ 'anayuhayewamekɨ».

'Utseyaxi 8:6

Neuxei keneu'ena 'Ixaheri: Mɨkɨ tsikeru Kakaɨyari pɨkahɨkɨ, mɨkɨ tewi pɨwewiyaya. Mɨkɨ tsikeru Tsamariya mieme kanitatarariemɨkɨ.

Matsiɨkɨtɨ kemɨratɨa 18:9

Kepauka kwiepa te'aitamete memikumaɨwakai kawa'ɨyatɨkaku meta witsiti'aneme memɨte'iyetuiriwakai, mɨkɨ mekaniutitsuanakuni me'ixeiyatɨ kwauni 'atineikame tai 'itaxɨtsitɨaximekaku.

Kuheri 3:3

Neteɨterima mepuyuta'iwiri kemɨ'anetsie mɨtinakenikɨ, tɨɨri mepuwarupataxɨ 'ukari tuminikɨ memɨyuwitɨnɨa wahekɨ, meta memɨtitarɨwenikɨ, 'ukari tɨɨrixi winukɨ mepuwarutua.

'Utseyaxi 2:5

Wamaama tuminikɨ muyuwitɨnɨa kanihɨkɨtɨni, Mɨwarutiniwexɨ ka'uyukatewiyatɨ. Mɨpaɨ kaniutayɨni: “Netuxexerima wahamatɨa nepukuyeikani, memɨnetemikwa memɨnetsiharitɨa, muxa huxarieya, rinu 'ixurikiyari, nehatseiti meta tita nemɨranuye'e”.

Kitsariyaxi 27:9

Mɨpaɨ Kakuwu 'axakemɨtiuyurikɨ pɨti'itiyarieni, mɨpaɨ xeikɨa katiniyɨmɨkɨ 'axakemɨtiuyuri mɨreuyehɨwiyarienikɨ: tetexi kakaɨyarixi memɨte'atimawiyarɨwa naitɨ tumuanari kehayani, tetexi mu'uniwe mɨtɨxieka hepaɨ, meta 'Atserá 'ɨkiyaya 'a'uwetɨ pɨkakuhayeikarɨwani meta mawari taiyame 'ɨkwa witsimu'ɨa nixewitɨ tɨma.

2 Kemɨtiuyɨ 31:1

Kepauka meutiparixɨ 'ixɨarari, yunaitɨ 'ixaheritsixi mana memu'uwakai Kura kiekariteyaritsie mekaniukakɨne tetexi mɨpatsietɨka meta 'uka kakaɨyariyari 'Atserá 'ɨkiyari memɨtitarakɨ. Metatsiere naime mekaniuti'una mawari matiwewiwa meta kakaɨyarixi watuki muxuawekai Kura kwieyaritsie meta Wenikamini, 'Epɨrahini metatsiere Manatsexi kwieyaritsie. 'Arike mɨya mete'uyurieka, mɨkɨ yunaitɨ yukiekaritetsie mekanakunuaxɨani meta yuxexuitɨ yukie.

Hutarieka 'inɨari 9:21

Hikɨ xeme tsikeru kakaɨyariyari xemeitawewiekai, mɨkɨ kakaɨyari muwewiya 'axaxeteyuriekame mɨxe'ayeitɨakai, ne nehenakahanaka taipa nekaneitataiya, 'etsipepeme nekanayeitɨani meta tumuanari nekaneyeitɨani, hikɨ mɨkɨ mɨtɨxiyari 'aki hɨritsie makanena 'utɨa nekaneikawiwieni.

Mawari 26:30

Xetukite 'etsimɨpepe kakaɨyarixi xemɨtewaranutimawiriwa nepɨka'unaxɨani, meta mawari taiyame 'ɨkwa witsimu'ɨa xematitaiyatsie nepɨka'unaxɨani, meta xekaxarite 'aneme nepɨkeni xekakaɨyarixi memɨka'ayeneniere wa'ɨkiyari waheima, nehaxɨa xehetsɨa punuani.

1 Tsamuheri 5:4

Tawarita 'uxa'arieka ximeri, kepauka memanuku'ui mekanitaxeiya yaxeikɨa rekaikame, hutarieka hetiwaritɨ katinikateitɨni, Yawé tɨratuya hɨxie 'ukaikame. Tuki kitenie paitɨ mu'uya kaniukateitɨni, mamateyata pamumurikai 'ateewa pukuhetei.

Kitsariyaxi 2:18

meta yuri memɨkakakaɨyarixi yuheyemekɨ mepukumaweriyarieni.

Kitsariyaxi 23:17

Haika tewiyari heimana tamamata wiyari 'anuyeyayu, Yawé Tiru panukuketɨani, mɨkɨ tawarita puyutuani, tuminikɨ muyumayɨinɨa payuyeitɨani yunaime te'aitamete wahamatɨa.

'Etsekieri 6:6

Tsepa hakewa xeme'uwa, xekiekari kaniti'unariemɨkɨ meta hakewa xemɨteha'atɨwa. Mawarite xematitaiya kaniti'unariemɨkɨ, xekakaɨyarixi 'ɨkiyarite 'axamɨ'anene, kwinimieme menetɨ mekanikekukɨ me'u'unitɨ, 'ɨkwa taiyame 'etsipepetɨ kanitaxɨriexɨamɨkɨ. Naime tita xemɨte'utiwewi mɨkɨ katinikumawerimɨkɨ.

'Utseyaxi 2:14

»'Ayumieme hikɨ nekatini'irɨwiyamɨkɨ: makumawetsie nekanenuwitɨmɨkɨ mana witsi'anekamekɨ nekaneitahɨawimɨkɨ.

'Utseyaxi 8:5

Tsamariya kiekatari tsikeru kakaɨyariyari xemayexeiya xekeneuku'eiri. Xehetsiemieme ne nepuyeha'a. 'Atsitake kepauka xeyu'itietɨ xemakɨne.