Mikeyaxi 1:5 - Kakaɨyari Niukieya

⁵ 'Ikɨ naitɨ mɨya katiniyɨmɨkɨ Kakuwu nuiwarimama 'axamemɨte'uyurikɨ, 'ixaheritsixi teɨteriyari 'axamemɨte'uyurikɨ. Tsamariya kanihɨkɨtɨni ya'aneme meutiwiwiexɨa 'Ixaheri 'axamɨtiyurienikɨ. Meta Kerutsareme kanihɨkɨtɨni kakaɨyarixi watukite 'etsimupepe mati'ukai hɨri 'amanutitɨtɨtsie Kura kwieyaritsie.

Mikeyaxi 1:5 ပူးပေါင်းရင်းမြစ်များ

'Amuxi 8:14

Meta mepatixɨrieni yuheyemekɨ 'iya Tsamariya kakaɨyariximama wahetsɨa memɨyuhɨritɨa, meta mɨpaɨ me'utiyuatɨ: “Rani kakaɨyariximama, me'ayeneniereme memɨwa'erie. Meta Weritsewa kakaɨyariximama pemɨwarayexeiya”».

Keremiyaxi 2:19

'Axakepemɨtiuyuri mɨkɨ 'ahetsie pɨrahɨani, heitserie yapemɨkatikatɨakɨ pepe'atimani. Keneutimaixɨa ke'axamɨ'ane meta kemɨtiuka'eniexɨani xɨka Yawé 'akakaɨyari 'uku'eirieni meta xɨka pekanetsi'ayemakatɨ pe'ayani —Ti'aitame mɨpaɨ kanaineni, Yawé Naimekɨmɨtɨrɨkaɨye—.

Hiwerika 5:16

Tamu'utsie kuruna tepɨka'anamanari. Xɨa'ui tametsɨari: 'axatekateniuyurieni.

Keremiyaxi 6:19

Neuxei, kwiepa xemɨtama naitsarie xekeneu'enana: 'Ikɨ teɨteri wahetsie 'uximatɨarika nepɨ'atɨani, ke'axamemɨteyɨkɨhɨawekaikɨ xeikɨa, neniuki memɨka'u'enikɨ, matsi ne'ɨkitɨarika mepehɨa.

Keremiyaxi 4:18

Kepemɨtiuka'iyari kepemɨtiyuriene 'ayumieme 'ikɨ mɨya pepɨranuyemie. 'Ikɨ 'a'uximatɨarika kanihɨkɨtɨni. Kwinimieme pɨratsiwi. Pɨmatikwinitɨa 'a'iyaritsie».

Keremiyaxi 2:17

Mɨpaɨ pekatinanuyemieni 'akakaɨyari Yawé pemuku'eirikɨ, mɨmatsi'uwitɨximekai 'ahuyeta.

1 Te'aitamete 13:32

Karikɨ yurikɨ kanaye'atɨariemɨkɨ niukieya, Yawé niukieya 'enietɨ kemutayɨ, mɨratimawatɨre Weteri mieme hepaɨtsita meta yaxeikɨa naitsarie kakaɨyarixi watukite muwetɨka hɨritsie Tsamariya kiekariteyaritsie wahetsiemieme».

'Amuxi 6:1

Xɨa'ui xeme Kerutsareme xemɨtama kayuwatɨ xemexeiya, xɨa'ui meta xeme Tsamariya hɨriyaritsie xemɨtama 'aixɨa 'iyari xemu'uwa. Xɨa'ui xeme xemɨmamariwawe 'ikɨ kwieyaritsie xemu'uwa, teɨteri 'ixaheritsixi memɨxe'ayexeiya xeikɨa.

'Utseyaxi 7:1

ne kepauka 'Ixaheri nemu'uayema, 'Epɨrahini meta Tsamariya ke'axamemɨteyuriekai waɨkawa mɨkɨ naitɨ pɨtihekɨare. Mɨkɨ mepɨtewa'itaiyakai, kepauka mɨtinawarienekaitsie kiita, yumɨiretɨ kaye'utɨma mepɨtenawatɨwe.

Keremiyaxi 5:25

Ke'axaxemɨte'uyuri xeme naime 'ikɨ pɨtixe'unawairi, 'axamɨti'ane xemɨtehexeiya pɨxekunamirie ke'aixɨa xemɨ'itɨariekakeyu.

2 Kemɨtiuyɨ 34:3

Hikɨ 'atahairieka wiyaritsie ti'aitatɨ, 'akuxi temaikɨtɨtɨ, Kutsiyaxi kanitsutɨani yututsi Rawiri Kakaɨyarieya kuwaunetɨ. Tamamata heimana huta wiyaritsie kanitsutɨani Kura kwieyari meta Kerutsareme kiekariyari wa'itietɨ, tuki 'etsimɨpepe kaniuti'una, meta 'uka kakaɨyariyari 'Atserá 'ɨkiyarite, tetexi kakaɨyarixiyari meta tepɨakɨ memɨwewiyatɨka.

2 Kemɨtiuyɨ 34:4

Hɨxiena kaniuti'unarieni waharitsixi memɨte'atimawiyarɨwakai, meta 'ɨkwa matitaiyarɨwakai, meta kaniutimurarieni 'Atserá 'ɨkiyarite, meta tetexi kakaɨyarixiyari metatsiere tepɨakɨ memɨwewiyatɨka mekaniutitararieni tumuanari mekanayeitɨarieni, hikɨ mɨkɨ tumuanari kanakuwiwiyani memɨtewamawiriekai memakateukie heima.

Kitsariyaxi 7:9

Tsamariya 'Epɨrahini kanimu'uyatɨni, meta Xemariyaxi nu'aya Tsamariya kanimu'uyatɨni. Xɨka xeme nehetsie yuri xekate'erieka, yuheyemekɨ 'axepɨkateheutere”».

'Amuxi 7:9

»'Itsahaki kakaɨyarixi mɨtiwaratimawiriwakaitsie naitɨ kaniti'unimɨkɨ, meta kaniti'unimɨkɨ 'ixaheritsixi watukite, nekaninuamɨkɨ 'ixipara nehakwetɨ Keruwuhani paratsiyuyata».

Mikeyaxi 1:13

Rakixi kiekatari, kawayutsixi kaxetate xekeniwaranawɨtɨiri. Xeme xehetsɨa putsutɨrixɨ Tsiyuni niweya 'axamɨtiyurienikɨ, xeme meri xepɨte'utsutɨa ke'axamɨtiyurienekai 'Ixaheri.

1 Te'aitamete 11:7

Mɨkɨ tukaritsie pɨtiyurienekai Tsarumuni kepauka, Kerutsareme tau manatineika hepatsie xeime yemuritsie mitawewi tuki muhawitsixi wakakaɨyari 'axamɨ'ane Kemuxi hetsiemieme, xeimeta tsiere kaniutawewieni 'amunitsixi wakakaɨyari 'axamɨ'ane Muruki hetsiemieme.

1 Te'aitamete 16:24

Merikɨtsɨ 'Umiri, xeime Tsemexi titewakame Tsamariya hɨriyari kaniunanairieni, haika tewiyari heimana 'ataxewi kiruyarikɨ pɨrata, hikɨ mana kiekari kaniutawewieni. Tsemexi hetsiemieme meripaitɨ mɨkɨ hɨri mɨtipiinieyatɨkaikɨ Tsamariya katiniterɨwa.

Keremiyaxi 23:13

»Kwinimieme 'axati'aneme nepɨtixeiya Kakaɨyari niukametemama Tsamariyatari wahetsie: mekatenihekɨatani Wahari hetsiemieme, mɨpaɨ neteɨterima 'ixaheritsixi mekateniwareuyexɨrieni.

Keremiyaxi 23:14

Meta Kakaɨyari niukametemama Kerutsareme kiekatari 'axamɨti'ane wahetsie nepɨtixeiya: kayɨ'ɨitama wahamatɨa mepɨhitɨwe, mete'itawatɨ mepu'uwa, 'axateyuruwamete waheima mepunua, nixewitɨ pɨkatihayewawe 'axatiyurienetɨ. Mɨkɨ yunaitɨ Tsuruma hepaɨ mekani'aneni nehepaɨtsita, meta Kerutsaremetari Kumuxa hepaɨ mekani'aneni».

'Etsekieri 16:46

'Akuri Tsamariya kanihɨkɨtɨni, kiekari 'ayeta mukuma meta kiekari 'auriena mamanetɨka, 'ataru Tsuruma kanihɨkɨtɨni, kiekari 'atsutɨa mukuma meta kiekari 'auriena mamanetɨka.