Mikeyaxi 1:13 - Kakaɨyari Niukieya

¹³ Rakixi kiekatari, kawayutsixi kaxetate xekeniwaranawɨtɨiri. Xeme xehetsɨa putsutɨrixɨ Tsiyuni niweya 'axamɨtiyurienikɨ, xeme meri xepɨte'utsutɨa ke'axamɨtiyurienekai 'Ixaheri.

Mikeyaxi 1:13 ပူးပေါင်းရင်းမြစ်များ

2 Te'aitamete 18:17

Hikɨ Rakixi mɨrakutewatsie 'ukaitɨ 'Atsiriyatsie ti'aitame yuparewiwame kanenɨ'ani yu'ɨtɨa mieme ti'aitame, meta xeime yuparewiwame mexɨakame mieme, meta xeime kuyaxi tiwa'aitɨwame, kuyaxi meyumɨireme mewarawitɨkɨme, 'Etsekiyaxi hamatɨa memɨtehetixatakɨ Kerutsareme paitɨ. Hikɨ mekanekɨne Kerutsareme, me'uye'axɨaka, haa wapaitɨ meukatuarike manuhuyeritɨarie hetɨa mekaniwa'uni, 'Ekwame Kwieya makuma huyeyari 'utɨa.

2 Kemɨtiuyɨ 32:9

Tsenakeriwi, 'ana Rakixi mɨrakutewatsie kaniukateitɨni yunaime yukuyaxima wahamatɨa, hipame yuparewiwamete kaniwarutanɨ'ani mɨpaɨ memɨtewaretahɨawekɨ 'Etsekiyaxi, Kura kwieyaritsie ti'aitame, meta yunaime Kuratsie kiekatari Kerutsareme kiekariyaritsie memu'uwakai:

Kutsuhexi 10:3

'Ayumieme 'Arunitsereki xapa kaneutanɨ'axɨani 'ikɨ te'aitamete wahetsɨa: Huhani Hewuruni kiekame, Pirani Karimuti kiekame, Kapiha Rakixi kiekame meta Rewixi 'Ekuruni kiekame.

Matsiɨkɨtɨ kemɨratɨa 2:20

Perutsɨ ne nepɨrayexeiya 'ahepaɨtsita, 'ukaratsi Ketsaweri pemɨpitɨakɨ yamɨtiyurienenikɨ kemɨtinake, niukame pɨyuxata Kakaɨyari hetsɨa mieme. Peru kemɨti'ɨkita, pɨtiwa'itaiya nehetsɨa miemete te'uximayatamete memɨwakumaɨwanikɨ kemɨ'ane mɨkayɨkɨna mɨkayɨ'ɨya, meta memikwakakɨ tita kakaɨyarixi memɨtemawiyarie.

Matsiɨkɨtɨ kemɨratɨa 2:14

Perutsɨ ne nepɨrayexeiya 'ahepaɨtsita: muwa pemɨwarexeiyakɨ mɨkɨ Warami 'ɨkitsikayatsie memɨtewiya, mɨpaɨ pɨtita'ɨkitɨa Waraki mɨwakunuitɨanikɨ 'ixaheritsixi, kakaɨyarixi memɨtemawiyarie memɨtekwakakɨ mɨwa'iniekakɨ, meta hipame wakɨnama wa'ɨitama memɨwakumaɨwanikɨ.

Mikeyaxi 1:5

'Ikɨ naitɨ mɨya katiniyɨmɨkɨ Kakuwu nuiwarimama 'axamemɨte'uyurikɨ, 'ixaheritsixi teɨteriyari 'axamemɨte'uyurikɨ. Tsamariya kanihɨkɨtɨni ya'aneme meutiwiwiexɨa 'Ixaheri 'axamɨtiyurienikɨ. Meta Kerutsareme kanihɨkɨtɨni kakaɨyarixi watukite 'etsimupepe mati'ukai hɨri 'amanutitɨtɨtsie Kura kwieyaritsie.

'Etsekieri 23:11

»Tsepanetɨ taruya munierixɨ 'Ahuriwá kemɨyɨ, mɨkɨ matsi kwinimieme tiuka'iyaritɨ kanayani keyuri kurieya.

Keremiyaxi 4:29

Tupikɨ temɨmɨmete meta kawayutsixi wahetsie memutei wayuariya me'enietɨ yunaitɨ kiekatari mepɨtananautsa. Hipatɨ 'ɨtsita mepɨtahake, hipatɨta 'aitsie mepeutiwɨwɨre. Naitɨ kiekari puku'eiriwaxɨ, xewitɨ tɨma kiekame pɨka'uyuhayewaxɨ.

Keremiyaxi 3:8

yaxeikɨatatsiere punierixɨ kenemɨtiku'eiri 'Ixaheri mɨnetsihehɨa, 'eiriya xapayari kenemɨtitawewiri hipame wahamatɨa mukahuikɨ. Mɨyatɨtɨ taruya, Kura 'axamɨtiuka'iyari, pɨka'utima, yaxeikɨa pɨnetsi'uku'eiri, hipame wahamatɨa hunetɨ kanayani.

Kitsariyaxi 37:8

Kepauka kuyaxi tiwa'aitɨwawe mɨretima kename 'Atsiriya kwieyaritsie ti'aitame kiekari Rakixi mɨrakutewatsie 'ayeyakai, 'ayumieme kaneyani, hikɨ ti'aitame kanetaxeiya yumieneme Riwina hamatɨa.

Kitsariyaxi 10:31

Marimena kaniuyuta'una, Kewini kiekatari hakewa memeyuti'awieta mekaniwautɨweni.

2 Kemɨtiuyɨ 11:9

'Arurahini, Rakixi, 'Atseka,

2 Te'aitamete 8:18

Kurani Yawé kemɨkatinake katiniuyurieni, 'Ixaheri kwieyaritsie te'aitamete ke'axamemɨte'uyuri mɨpaɨ pɨtikatɨa, 'Akawi niwemama ke'axamemɨte'uyuri wahepaɨ, metatsiere 'Akawi nu'aya 'uka kaniutiwitɨni paitɨ.

1 Te'aitamete 16:31

Kwinimieme matsi 'axapɨtiuyuri Keruwuhani Nawati nu'aya kemɨkatiuyuri, Ketsaweri kaniutiwitɨni 'Eti-Wahari nu'aya tsiruniyutsixi tiwa'aitɨwame, hikɨ kanitsutɨani Wahari ti'uximayatsirietɨ meta 'eyexeiyatɨ.

1 Te'aitamete 14:16

Yawé 'ixaheritsixi kaniwaku'eirimɨkɨ Keruwuhani ke'axamɨtiuyurikɨ meta 'ixaheritsixi 'axameteyuriekame muwarayeitɨakɨ».

Kutsuhexi 15:39

Rakixi, Wutsikati, 'Ekuruni,

Memeyekɨ 32:21

Meta 'Aruni mɨpaɨ katiniutahɨawe: —¿Kememate'utahɨawixɨ 'ikɨ teteɨteri? ¿Ketitayari teɨteri petiwarupitɨa 'axamemɨteyurienikɨ?

Tsutɨarika 19:17

Mewarayewitɨkari kiekaritsie, xewitɨ niuki tuayame mɨpaɨ kaniutayɨni: —Xekeneuyuta'una. Yu'utɨma xepɨka'anakuneniereni mayeweritsie xepɨkahewa'uweni. Hɨritsie paitɨ xekeneuyuta'una, nɨkahɨrixɨa xe'ukwini.

1 Te'aitamete 4:28

Metatsiere tsewara mepɨ'atɨwakai meta mɨaxa Tsamuruni kawayutsiximama kuyaxa miemete meta te'ikatɨariwamete wahetsiemieme.

2 Te'aitamete 14:19

Hipatɨ meheye'unietɨ mehakɨneku Kerutsareme kiekariyaritsie, 'Amatsiyaxi kaniyuta'una Rakixi paitɨ, peru mekanenukuweiya, mana paitɨ mekanimieni.

Kitsariyaxi 36:2

Ti'aitame 'Atsiriya kiekame Rakixi paitɨ 'ukaitɨ kuyaxi tiwa'aitɨwame kanenɨ'ani, yumɨireme kuyaxi warawitɨkɨme, ti'aitame 'Etsekiyaxi hamatɨa mɨretaxatakɨ Kerutsareme paitɨ. Kepauka kuyaxi tiwa'aitɨwame, haa wapaitɨ meukatuarike manuhuyeritɨarie manuyekatsie mu'uxipi, 'Ekwame Kwieya makuma huyeyari manuyehane 'utɨa,

Kuwi 39:10

¿Petiyɨwe xɨka pe'itamu'uyaritɨani kaunarikɨ xuruku mɨtiwewienikɨ? ¿'A'ɨtɨma mumieni 'ukwietsanarɨmetɨ tiyɨwe?

Keremiyaxi 34:7

Hikɨ mekaniyeweiyakaitɨni Wawiruniya kwieyaritsie ti'aitame kuyaximama Kerutsareme memietɨwetɨ, meta Kura kwieyaritsie kiekarite 'akuxi muyuhayewanekai, tatsɨari Rakixi meta 'Atseka mɨkɨ xeikɨa kiekarite kuraruteya 'amatitetewatɨka pɨhɨkɨtɨkai.