Mikeyaxi 1:1 - Kakaɨyari Niukieya

¹ 'Ikɨ niuki kanihɨkɨtɨni Yawé Mikeyaxi Muretseti kiekame kemɨtiutaxatɨa, kepauka memɨte'aitakaitsie Kutani, 'Akatsi meta 'Etsekiyaxi, Kura kwieyaritsie te'aitamete. 'Ikɨ kanihɨkɨtɨni kemɨtiunieritɨarie mɨkɨ Tsamariya hepaɨtsita meta Kerutsareme hepaɨtsita.

Mikeyaxi 1:1 ပူးပေါင်းရင်းမြစ်များ

Keremiyaxi 26:18

kename, 'Etsekiyaxi kepauka mɨti'aitametɨkai, Mikeyaxi Muretseti kiekame yunaime Kura kwieyaritsie kiekatari wahetsiemieme mɨpaɨ tiuxatakai: «Mɨpaɨ kanaineni Yawé Naimekɨmɨtɨrɨkaɨye: “Tsiyuni kanakukwietsanariemɨkɨ kwie mɨraka'etsitɨre hepaɨ, Kerutsareme 'unitɨ kanayeimɨkɨ, meta tuki yemuriyari 'ɨtsita kanayeimɨkɨ”.

Kitsariyaxi 1:1

Kemɨtiunierixɨ Kitsariyaxi 'Amuxi nu'aya Kura nuiwariyari hepaɨtsita meta Kerutsareme, 'Utsiyaxi, Kutani, 'Akatsi meta 'Etsekiyaxi, Kura kwieyaritsie te'aitamete mete'aitakaku.

'Utseyaxi 1:1

'Ikɨ Yawé kaniniukieyatɨni 'Utseyaxi Weherí nu'aya kemɨtiyetuiri, 'Utsiyaxi, Kutani, 'Akatsi meta 'Etsekiyaxi kepauka memɨte'aitakai Kura kwieyaritsie, meta Keruwuhani Kuhatsi nu'aya ti'aitakaku 'Ixaheri kwieyaritsie.

'Amuxi 1:1

'Ikɨ 'Amuxi kaniniukieyatɨni. Mɨkɨ muxatsi wahɨweme pɨhɨkɨtɨkai Tekuha paitɨ. Mɨpaɨ katiniuniere 'ixaheritsixi teɨteriyari wahepaɨtsita. 'Ana 'Utsiyaxi pɨti'aitametɨkai Kura kwieyaritsie, meta Keruwuhani Kuhatsi nu'aya 'Ixaheri kwieyaritsie pɨti'aitametɨkai. Yakatinikuxatakaitɨni huta wiyari heuyewekakaku 'akuxi kepauka kwie mutayua.

Mikeyaxi 1:5

'Ikɨ naitɨ mɨya katiniyɨmɨkɨ Kakuwu nuiwarimama 'axamemɨte'uyurikɨ, 'ixaheritsixi teɨteriyari 'axamemɨte'uyurikɨ. Tsamariya kanihɨkɨtɨni ya'aneme meutiwiwiexɨa 'Ixaheri 'axamɨtiyurienikɨ. Meta Kerutsareme kanihɨkɨtɨni kakaɨyarixi watukite 'etsimupepe mati'ukai hɨri 'amanutitɨtɨtsie Kura kwieyaritsie.

'Amuxi 6:1

Xɨa'ui xeme Kerutsareme xemɨtama kayuwatɨ xemexeiya, xɨa'ui meta xeme Tsamariya hɨriyaritsie xemɨtama 'aixɨa 'iyari xemu'uwa. Xɨa'ui xeme xemɨmamariwawe 'ikɨ kwieyaritsie xemu'uwa, teɨteri 'ixaheritsixi memɨxe'ayexeiya xeikɨa.

'Utseyaxi 8:14

'Ixaheri kemɨ'ane mitawewi patɨmai, meta yɨkɨmana paratsiyute puyutiwewiri, meta Kura kiekaritetsie waɨkawa kuraru 'amatitetewa kanawewietɨyani, peru ne wakiekarite 'aixɨa mɨreukunatɨkatsie tai nepaukaxɨriexɨani mɨwatixɨtsitɨanikɨ».

'Utseyaxi 4:15

»Xɨka 'ekɨ, 'Ixaheri, mɨpaɨ peyɨaneni, Kura hetsie pepɨkarahɨpani. »Kirikari xepɨkaheuhuni Weti-'Aweni tukita xepɨkaheutahakeni, mɨpaɨ xepɨkahaitɨkani xeyɨhɨritɨatɨ: “Yawé 'apuyeika”.

Kitsariyaxi 7:9

Tsamariya 'Epɨrahini kanimu'uyatɨni, meta Xemariyaxi nu'aya Tsamariya kanimu'uyatɨni. Xɨka xeme nehetsie yuri xekate'erieka, yuheyemekɨ 'axepɨkateheutere”».

'Awakuki 1:1

'Ikɨ kemɨtiyɨni niukiyari kanihɨkɨtɨni 'Awakuxi Kakaɨyari niukameya kemɨtiunieritɨarie.

2 Pekuru 1:21

Mɨkɨ niuki kepauka munua, tewi mɨpaɨ mɨtinakekaikɨ xeikɨa hatsuaku pɨka'atɨarie, matsi pɨ'atɨarie 'Iyari Mɨtiyupata wakuyuitɨwakaku teɨteri memɨpatsiekai, mɨkɨ yamekatenikuxatakaitɨni Kakaɨyari hetsɨa miemekɨ.

2 Te'aitamete 15:5

Mɨyatɨtɨ, Yawé ti'aitame kaniu'uximatɨani nawi kwiniyayarikɨ, hatsuaku pɨka'anayewe mɨya'anetɨ kaniumɨni. Ti'aitame 'Atsariyaxi yuxaɨta xeikɨa kiita mayekateikɨ, nu'aya Kutani paratsiyu kaniuhɨritɨarieni meta mɨkɨ kwieyaritsie mɨti'aitanikɨ.

2 Te'aitamete 15:32

Hutarieka wiyari ti'aitakaku Pekaki Xemariyaxi nu'aya 'Ixaheri kwieyaritsie, Kutani 'Utsiyaxi nu'aya kanitsutɨani Kura kwieyaritsie ti'aitatɨ.

2 Te'aitamete 16:1

Pekaki Xemariyaxi nu'aya tamamata heimana 'atahuta wiyari ti'aitakaku, 'Akatsi Kutani nu'ayata ti'aitame kanayani, Kura kwieyaritsie.

2 Te'aitamete 18:1

Merikɨtsɨ haika wiyari 'Ixaheri kwieyaritsie ti'aitakaku 'Utseyaxi 'Eraha nu'aya. 'Etsekiyaxi 'Akatsi nu'aya Kura kwieyari hetsiemieme ti'aitame kanayani.

2 Kemɨtiuyɨ 28:1

'Akatsi kepauka mitsutɨa ti'aitatɨ xeitewiyari wiyari pexeiyakai, Kerutsareme kiekariyaritsie 'ukaitɨ pɨtiuta'aitaxɨ tamamata heimana 'ataxewi wiyari. Peru yututsi Rawiri hepaɨ pɨka'anekai, 'Akatsi yapɨkatiuyuri Yawé Kakaɨyari kemɨtinake.

2 Kemɨtiuyɨ 29:1

'Etsekiyaxi xeitewiyari heimana 'auxɨwi wiyari kanexeiyakaitɨni kepauka mitsutɨa ti'aitatɨ, Kerutsareme 'ukaitɨ katiniuta'aita xeitewiyari heimana 'atanauka wiyari. Maamaya 'Awiyaxi pɨtitewakai Tsakariyaxi nu'aya.

Kitsariyaxi 7:1

'Akatsi, Kutani nu'aya, 'Utsiyaxi teukarieya, Kura kwieyaritsie katini'aitakaitɨni. Mɨkɨ tukaritsie Xetsini, ti'aitame Tsiriya kwieyaritsie, Pekaki Xemariyaxi nu'aya, ti'aitame 'Ixaheri kwieyaritsie, Kerutsareme mekaniu'axɨani me'itamienike, matsi mɨkɨ mepɨka'ɨyɨwekaxɨa me'e'iwake.

Mikeyaxi 3:9

Xeme 'ikɨ xekeneu'eni, Kakuwu nuiwarimama wakuwexinaruritsixi, meta 'itsɨkate 'Ixaheri kwieyaritsie miemete, tita mɨtiheitserie xepɨxani'erie meta xepitituna niuki heitserie mɨtikuxata,

Kitsariyaxi 1:2

Muyuawi, xekeneu'enana. Kwie, meta keneu'ena. Yawé mɨpaɨ kanaineni: «Ne tɨɨri nekaniwarutiwaweriya 'ameyumateme nekaniwarayeitɨani, peru mɨkɨ menetsi'aye'unietɨ mekanakɨne.