Memeyekɨ 9:17 - Kakaɨyari Niukieya

¹⁷ 'Ekɨ matsi yaxeikɨa pepɨtiyuriene, neteɨterima pekawapitɨatɨ mɨkɨ memayekɨnekɨ.

Memeyekɨ 9:17 ပူးပေါင်းရင်းမြစ်များ

1 Kurinitutari 10:22

¿Nutsɨ Ti'aitame tepɨyehaxɨatɨani? ¿Kamɨtsɨ tame waɨkawa tetetɨrɨkawi, Ti'aitame tahepaɨ katitɨrɨkaɨyekaku?

Nɨ'ariekate 12:23

'Ana yapauka Ti'aitame niukieya tuayame katinikwinitɨani, Kakaɨyari hepaɨtsita 'aixɨa mɨka'utainekaikɨ, hikɨ Herurexi 'utakwitsieka kaniumɨni.

Kitsariyaxi 45:9

Xɨa'ui kemɨ'ane mɨniukixie mitawewi hepaɨtsita. Xɨa'ui kemɨ'ane mɨtari mɨtitariwe kwiepa timieme tsata. ¿Kamɨtsɨ tiyɨwe haxu kemɨ'ane mipɨna mɨpaɨ mɨtiutahɨawe: «Kepemɨtiyuriene kene'a'ɨwiya. 'Aye'ɨ pɨkahawiwietɨkari.»?

Kitsariyaxi 37:29

Nehepaɨtsita pemuyutahaxɨatɨakɨ hau'erietɨ pe'utaniuku 'aniuki nemu'enikɨ, 'atsuritsie tixikɨraɨyeme nepɨtiuyewieni 'ateta nepɨmatsi'utapirenutɨani, kemɨ'ane huye 'utɨa pemunua mɨkɨ 'utɨa nepɨmatsi'anunɨ'ani.

Kitsariyaxi 26:11

Yawé, 'amamá pepanukuhana, peru mɨkɨ mepɨka'ixeiya. 'Ateɨterima wahetsiemieme kepemɨti'ɨtetsa meke'ixeiya, 'ana meke'uyutitetewiya, taikɨ meke'utixɨtsitɨarieni memɨmetsi'aye'unie muwahetsiemieme.

Kitsariyaxi 10:15

¿Kamɨtsɨ tiyɨwe hatsa yɨweme muyuxatani keyuri mikumaɨwa, yatɨni tixitekeme yɨweme muyuxatani keyuri kemɨ'ane mikumaɨwa? 'Itsɨ mɨyɨweni hepaɨ mikuhananenikɨ kemɨ'ane mekwe'e, yatɨni kɨye mɨkaxani mɨyɨweni hepaɨ menukukwenikɨ waɨkawa matsi haheteme keyuri mexa.

Kuwi 40:9

¿'Amamá kuta nemamá hepaɨ titɨrɨkaɨye? ¿'Aniuki kuta neniuki hepaɨ tiutatɨrarɨka?

Kuwi 9:4

Mɨkɨ waɨkawa katinimaiweni tɨrɨkariyaya kanimariweni. ¿Kemɨ'ane pɨyɨwe 'itamieme 'aixɨa 'iyari mɨyɨxɨna?

Memeyekɨ 9:16

Peru hikɨ nepɨmatsihayewa 'akuxi para pemɨretimanikɨ kenemɨtiyurieni, para nemukuxaxatsiwanikɨ naitsarie kwiepa.

Memeyekɨ 9:18

'Ayumieme 'uxa'a hikɨ hepaɨ 'upaukakaku, nekanenunɨ'amɨkɨ wiyeri teemakame mɨkatiyɨwekai hepaɨ hatsuaku 'Ekipitu mukamarixɨtsietɨtɨ.

'Etsekieri 28:6

'Ayumieme, Yawé naimekɨmɨyɨwe mɨpaɨ kanaineni: »”Metsɨ xeniu kakaɨyari hepaɨ petimaiwetɨ pekanayuyeitɨwani,

Tanieri 5:20

Peru kepauka 'iyarieya matsi 'axatiuka'iyaritɨ matɨa meta muyuta'ɨrixɨ, ti'aitame 'uwenieya kaniunawaiyarieni, xawatɨriya kemɨrexeiyakai katiniunawaiyarieni,