Memeyekɨ 9:16 - Kakaɨyari Niukieya

¹⁶ Peru hikɨ nepɨmatsihayewa 'akuxi para pemɨretimanikɨ kenemɨtiyurieni, para nemukuxaxatsiwanikɨ naitsarie kwiepa.

Memeyekɨ 9:16 ပူးပေါင်းရင်းမြစ်များ

Xumatari 9:17

'Utɨarika niukiyari Parahuni mɨpaɨ pɨtikɨhɨawe: «'Ayumieme nepɨmatsi'anukuketɨa, 'ahetsie nemɨtihekɨatanikɨ kenemɨtitɨrɨkaɨye, naitsarie kwiepa nemɨkuxaxatsiwanikɨ kemɨ'ane nemɨhɨkɨ».

Temaiwawemete 16:4

Yawé naime kemɨtiyuriene yatimaitɨ pɨtiyuriene, meta 'axatiyuruwame putawewi 'imatɨrieka tukaritsie mutika'eniexɨanikɨ.

Nɨawari 64:9

Yunaitɨ teɨteri mepɨtimamani: Kakaɨyari kemɨtiuyuri pɨtaxatsieni 'uximayatsikaya mepuku'eriwani.

1 Kemɨtiuyɨ 16:24

Nuiwarite watsata xekenekuxatani witsikemɨ'ane, meta mariwemekɨ kemɨtiyuriene xekenekuxatani yunaime teɨteri watsata.

Memeyekɨ 14:17

Ne 'ekipitutari wa'iyari nepɨtseiriya para memɨxe'anukuweiyakɨ. Ne mariweme nepɨtiyurieni. Parahuni kuyaximama, kaxetate meta teɨterimama memutei nepɨwareuyehɨani.

Kura 1:4

Hipatɨ teɨteri tatsata mekanatahaxɨani 'awie, meripai mekaniukayatsariexɨani mɨpaɨ memɨtemari'itɨarienikɨ. Kakaɨyari mepɨka'ayexeiya, mekanipata tita Kakaɨyari mɨtiwamikwa 'aixɨa tiuka'iyaritɨ, para memɨyutatuanikɨ merukuyatɨwetɨ xeikɨa. Mekaniyuku'imawani mɨpaɨ me'utiyuatɨ kename meka'imate kemɨ'ane hɨkɨatɨ mɨtakutsiyari mɨtati'aitɨwame Ketsutsi Kɨritsitu.

1 Pekuru 2:8

metatsiere mɨpaɨ paine: «mɨkɨ tetetsie mepɨtiketamɨre meta tete mɨwarekaxɨrieni kanihɨkɨtɨni». Mɨkɨ mekaniutiketamɨreni niukitsie yamemɨkatekahukɨ, mɨpaɨ memɨteyurienikɨ memɨ'ayumiemetetɨkaikɨ.

Xumatari 9:22

Yaxeikɨatatsiere, Kakaɨyari matsiɨkɨme 'ayeitɨamɨtɨ kemɨtiha'a, meta tihekɨatamɨtɨ kemɨtitɨrɨkaɨyekɨ, pɨtiunewi waɨkawa tiuka'eniwatɨ mɨhekarienikɨ mɨ'ayumiemetɨkai hetsiemieme meta mɨka'unarienikɨ mɨha'aritsiekai hetsiemieme.

Marakiyaxi 1:11

Karikɨ, nuiwarite watsata nekanayexeiyarieka, tau 'amɨranatineni 'atsita kepauka manukayune. Naitsarie 'ɨkwa witsimu'ɨa kanitaiyarieka meta mawari hɨkɨatɨ kaniwewiyaka nehetsiemieme, ne nemɨmariwekɨ nuiwarite watsata —mɨpaɨ kanaineni Yawé Naimekɨmɨtɨrɨkaɨye—.

Memeyekɨ 18:11

Hikɨri nepɨtimate Yawé matsi pɨmariwe keyuri hipatɨ kakaɨyarixi, 'ixaheritsixi mepɨnanaimariekai 'ekipitutari mariwemete mepayuyeitɨakai».

Memeyekɨ 14:4

Ne, nepipitɨani 'iyarieya tse'ime Parahuni, mɨxe'anukuweiyakɨ. Peru ne mariweme nepaneyeitɨani Parahuni hɨxie meta kuyaximama wahɨxie. 'Ana 'ekipitutari mɨpaɨ mepɨtehetimani kename ne Yawé nehɨkɨ». Hikɨ mɨpaɨ mekaniuyɨni 'ixaheritsixi.

1 Pekuru 2:19

'Aixɨa pɨtikɨhɨawarɨwani xɨka hiweritɨarieka Kakaɨyari ha'eriwatɨ, xɨka tiukakukuineni heitseriemekɨ ka'itɨarietɨ.

Marakiyaxi 1:14

»'Axake'itɨarieka 'iya mɨtiyukwamana, xeime muxa 'uki 'aixɨa mɨ'ane hexeiyatɨ, xɨka ya'utayɨni kename 'iyetuani Yawé hetsɨa, 'ariketa mɨwitekie pɨta xɨka yetuani. Karikɨ ne ti'aitame mɨmariwe nekanihɨkɨtɨni, meta yunaime nuiwarite wahetsɨa nekanayexeiyarieka —Yawé Naimekɨmɨtɨrɨkaɨye mɨpaɨ kanaineni—.

1 Tsamuheri 4:8

Neuxei tameri keteyɨaka. ¿Kemɨ'ane pɨtatsiparewieni kakaɨyarixi memɨtɨrɨkawi wahetsɨa, makumawetsie memɨwaruka'unaxɨ 'ekipitutari yunaime waɨkawa kwiniyakɨ?

Memeyekɨ 9:15

Xɨka hikɨ kwitɨwa mɨpaɨ netiuyurieni 'ahetsie, 'ateɨterima wahetsieta kwiniya kwi mayakamekɨ yunaitɨ xekanikwikuni.

Memeyekɨ 9:17

'Ekɨ matsi yaxeikɨa pepɨtiyuriene, neteɨterima pekawapitɨatɨ mɨkɨ memayekɨnekɨ.

Nehemiyaxi 9:10

Mariweme pepɨtiuyuri waɨkawamexɨa Parahuni hetsɨa, 'iparewiwametemama meta yunaitɨ teɨteri, penieretɨ kememɨtewananaimakai 'ateɨterima kememɨwayuriekai. Mɨpaɨ petiuyurieku hikɨ pepukuxaxatsiwa naitsarie.

Nɨawari 76:10

Tewi haxɨaya nɨawari 'ahetsiemieme payeika, Kemɨ'ane memuyukuhayewa meteka'eniexɨame 'ixɨarari mekameniwewiriekuni.

Nɨawari 106:8

Peru Kakaɨyari pɨwarutawikweitsitɨa, yuhetsiemieme mariweme mayuyeitɨanikɨ, yutɨrɨkariya matsiɨkɨme mayeitɨanikɨ.

Keremiyaxi 32:20

'Ekɨ mariwemekɨ kepemɨtiuyuri meta 'inɨaritekɨ 'Ekipitu kwieyaritsie, hikɨta 'akuxi yapepɨtiyuriene, 'Ixaheri kwieyaritsie meta naitsarie 'ena kwiepa, mɨpaɨ pemɨtiyurienekɨ 'aixɨa pepɨraxaxatsiwa.

'Etsekieri 39:21

»Nexawatɨriya matsiɨkɨme nepayeitɨani nuiwarite wahɨxie. Yunaitɨ mɨkɨ mepɨneniere kehepaɨ 'aixɨa nemɨtiyurieni heitseriemekɨ meta kenemɨtiwakwinitɨakai.

'Inɨatsie 14:21

Yurikɨ nehetsiemieme mɨpaɨ nekanaineni, meta nexawatɨriya kwiepa naitsarie mɨhɨnekɨ,

Kutsuhexi 4:24

'Ikɨ mɨyapɨtiuyɨ yunaitɨ nuiwarite memɨtehetimanikɨ Yawé mɨmariwe, xeme xemitsutɨanikɨ xeheyemakatɨ yuheyemekɨ xemeyexeiyanikɨ».

2 Tsamuheri 7:23

Hakewatsɨ nuiwari 'ateɨterima 'ixaheritsixi wahepaɨ me'anetɨ mepe'uwa. 'Ikɨ nuiwari xeikɨa pekaniuxɨna 'ena kwiepa, 'ateɨterima pewarayeitɨanike meta wahetsie pemetimatiwakɨ kepemɨtimariwe. Mariwemekɨ pekatiniuyurieni kepauka 'ateɨterima wahɨxie, 'Ekipitu kwieyaritsie kepemɨtatiutawikweitsitɨa, nuiwarite kananitari kepemɨtiwarayeweiyaxɨa meta wakakaɨyarixi.

2 Te'aitamete 19:35

Kwitɨwa mɨkɨ tɨkaritsie Yawé niukieya tuayameya kanayeyani, hikɨ kaniwarukwini xeitsienituyari heimana nauka tewiyari heimana 'auxɨwi miriyari (185.000) kuyaxi 'atsiriyutsixi. 'Uxa'arieka ximeri kepauka wa'iwama memanuku'ui, mana yunaitɨ mɨkɨ mekwikwi'itɨ mekanitiheteitɨni.