Memeyekɨ 9:14 - Kakaɨyari Niukieya

¹⁴ Hikɨri 'imatɨrieka waɨkawa mariwemekɨ nepɨmatsi'anunɨ'airieni kwiniya 'ahetsiemieme, yaxeikɨata te'a'uximayatsiriwamete wahetsie, para mɨpaɨ pemɨretimanikɨ kename xewitɨ 'umawe 'ena kwiepa nehepaɨ tiyurienetɨ.

Memeyekɨ 9:14 ပူးပေါင်းရင်းမြစ်များ

Memeyekɨ 8:10

Parahuni mɨpaɨ katinita'eiya: —'Uxa'a kwitɨwa. Muitsexi mɨpaɨ kaniutayɨni: —Mɨpaɨ kaniyɨmɨkɨ, pekatinetimaimɨkɨ xewitɨ kakaɨyari kaniumaweni Yawé takakaɨyari hepaɨ 'anetɨ.

Matsiɨkɨtɨ kemɨratɨa 22:18

Ne yunaime 'ipaɨ nepɨtiwaraye'eritɨwa 'ikɨ xapatsie niuki kemaine memɨ'enie: Xɨka xewitɨ 'ikɨ niuki 'anutiyatsa, yaxeikɨata Kakaɨyari penutiyatsirieni kwiniya 'ipitɨatɨ 'ikɨ xapatsie kemɨre'uxa.

Matsiɨkɨtɨ kemɨratɨa 18:8

'Ayumieme kwiniya xeitukaritsie hetsiena kaninuamɨkɨ: mɨyakɨ, kwiniyakɨ meta hakakɨ pɨpitɨarieni. Taikɨ kanitataiyariemɨkɨ, kanitɨrɨkaɨyeni kemɨ'ane mitamari'itɨani Ti'aitame Kakaɨyaritɨtɨ».

Mikeyaxi 6:13

'Ayumieme ne, nekametinikwinitɨamɨkɨ nemetsitiwayatɨ, ne nepɨmetsika'una 'axapemɨtiuyurikɨ.

Keremiyaxi 19:8

'Ikɨ kiekari makumawe nekanayeitɨamɨkɨ meta 'atsieriwame. Mana kemɨ'ane muyeyani kanihɨxiyamɨkɨ kemɨtiukwinitɨariekɨ mekaniutinawekuni.

Keremiyaxi 10:6

Yawé, xewitɨ pumawe 'ahepaɨ 'anetɨ. Pepɨmariwe 'ekɨ, 'ekɨ yemekɨ pepɨmariwe meta pepɨtɨrɨkaɨye.

Kitsariyaxi 46:9

Meripaitɨ timieme xeketenaye'eri, ne Kakaɨyari nepɨhɨkɨ, tawarita xewitɨ pumawe, ne Kakaɨyari nepɨhɨkɨ, tawarita xewitɨ nehepaɨ 'anetɨ pumawe.

Nɨawari 86:8

Yawé, tawarita xewitɨ pumawe kakaɨyarixi watsata 'ahepaɨ tiuka'iyaritɨ, pumawe wewiyaya pemɨtiutiwewi hepaɨ ti'anenetɨ.

1 Kemɨtiuyɨ 17:20

Yawé, tame yatepɨtehetima 'ahepaɨ tiuka'iyaritɨ pumawe, meta tawarita xewitɨ 'ahepaɨ Kakaɨyari pumawe.

1 Te'aitamete 8:38

xɨka kwitɨwata yuxexuitɨ 'ixaheritsixi, yametehetimame yɨkɨmana ke'axamemɨte'uyuri, xɨka yumamate 'ikɨ tuki hepa mehatatseraxɨani, meyunenewietɨ meta waɨkawamekɨ mematsiwawirietɨ,

2 Tsamuheri 7:22

»Pepɨmariwe 'ekɨ, Yawé naimekɨmɨyɨwe. Tame mɨpaɨ tekatenetimani xewitɨ kaniumaweni 'ahepaɨ tɨrɨkaɨyetɨ meta tawarita yuri kakaɨyari pumawe.

1 Tsamuheri 4:8

Neuxei tameri keteyɨaka. ¿Kemɨ'ane pɨtatsiparewieni kakaɨyarixi memɨtɨrɨkawi wahetsɨa, makumawetsie memɨwaruka'unaxɨ 'ekipitutari yunaime waɨkawa kwiniyakɨ?

Mawari 26:28

kamɨtsɨ neta nepɨxe'aye'unieka. 'Atahutamexɨa nepɨxe'uximatɨani 'axaxemɨte'uyurikɨ,

Mawari 26:21

»Xɨka matsi 'akuxi menetsi'aye'unieka, meta mekanetsi'enieka, matsi tawari 'akuxi 'atahutamexɨa nepɨwa'uximatɨani ke'axamemɨte'uyurikɨ.

Mawari 26:18

»Xɨkari 'ikɨ naitɨ ranuyeyayu 'akuxi xekanetsiheu'enieka, 'atahutamexɨa nekanixe'uximatɨamɨkɨ 'axakexemɨteyuriekɨ.

Memeyekɨ 9:15

Xɨka hikɨ kwitɨwa mɨpaɨ netiuyurieni 'ahetsie, 'ateɨterima wahetsieta kwiniya kwi mayakamekɨ yunaitɨ xekanikwikuni.

Memeyekɨ 15:11

Yawé, xewitɨ pumawe kakaɨyarixi watsata 'ahepaɨ 'anetɨ. Xewitɨ pumawe 'ahepaɨ timariwetɨ meta 'ahepaɨ tipatsietɨ. 'Ekɨ, mariweme pemɨtiyuriwe, 'ekɨ yemekɨ pepɨtatsihɨxiyatsitɨa 'atɨrɨkariyakɨ.

Hutarieka 'inɨari 3:24

“Yawé Kakaɨyari, 'ekɨ pekanitsutɨani ne mati'uximayatsiriwame penetixeitsitɨatɨ kepemɨtimariwe kepemɨtitɨrɨkaɨye, xewitɨ kakaɨyari pumawe muyuawitsie meta kwiepa mɨpaɨ tiyurienetɨ kepemɨtiyuriene meta mariweme kepemɨtiyuriwe.

Hutarieka 'inɨari 4:35

»Mɨpaɨ pɨtiɨyɨ mɨkɨ naitɨ 'ahɨxie 'ekɨ mɨpaɨ pemɨtimaikakɨ kename Yawé Kakaɨyari xeikɨa hɨkɨ, meta kename tawarita xewitɨ ka'uyeika.

Kitsariyaxi 45:5

Ne Yawé nekanihɨkɨtɨni, tawarita xewitɨ pumawe, tawari xewitɨ Kakaɨyaritɨtɨ pumawe. Tsepa 'ekɨ pemɨkanetsimate, ne nepɨmatsitɨrɨkariyani,

Keremiyaxi 10:7

¿Kemɨ'ane pɨka'itimakani, yunaime nuiwarite Tiwa'aitɨwame? 'Ekɨ mɨpaɨ pɨreuyewetse 'ahetsiemieme. Yunaitɨ memɨtemaiwawe memu'uwa watsata, meta yunaitɨ te'aitamete watsata, xewitɨ pumawe 'ahepaɨ 'anetɨ.

Tanieri 5:21

teɨteri watsata kananayehanieni meta yeutanaka 'iyarieya kaniupitɨarieni, puxuri yeutari watsata kaniuyeikakaitɨni meta tewaxi wahepaɨ 'ɨxa kaniutikwani, tɨkarikɨ haɨtsiya hetsiena kaniupaparekaitɨni. Mɨkɨ naitɨ hetsiena mɨpaɨ katiniuyɨni, 'anake mɨpaɨ katinetimani kename Kakaɨyari 'Amutewi kwiepa yunaime te'aitamete kwiepa memɨtama tiwa'aitɨwame hɨkɨ meta kename mɨkɨ xeikɨa te'aitamete waranuka'uitɨwa.

Memeyekɨ 8:6

'Aruni yu'itsɨ kaneutatsera haa 'ekipitu miemetetsie, temutsi mekaniutixuawere naitsarie.