Memeyekɨ 8:1 - Kakaɨyari Niukieya

¹ Yawé Muitsexi mɨpaɨ katiniuta'aitɨani: «Kenemie Parahuni hetsɨa mɨpaɨ ketinetahɨawi, Yawé mɨpaɨ paine: “Keniwarupitɨa neteɨterima memɨyehukɨ memɨnetsi'ayexeiyanikɨ.

Memeyekɨ 8:1 ပူးပေါင်းရင်းမြစ်များ

Memeyekɨ 3:18

'Ukirawetsixi 'ixaheritsixi mepɨmatsi'anu'enieni, hikɨ mɨkɨ meta 'ekɨ ti'aitame hɨxie xepeti'uni mɨpaɨ xepetiyuani: “Yawé, hepɨrayutsixi takakaɨyari kanekuyeixɨani katatinekuxatɨani. Ketaneupitɨa temɨyehukɨ haika tukari te'uhutɨ mana Yawé takakaɨyari temɨteheitimawirienikɨ”.

Memeyekɨ 3:12

Kakaɨyari mɨpaɨ katinitahɨawe: —Ne 'ahamatɨa nepuyeikani. Meta ne'inɨari nepɨmatsiwewirieni kename ne nehɨkɨ nemɨmatsihanunɨ'ani: Kepauka pemɨwarayewitɨni neteɨterima 'Ekipitu kwieyaritsie, yunaitɨ xeme xenetsi'ayexeiyatɨ xepakɨne 'ikɨ hɨritsie.

Memeyekɨ 5:1

Mɨpaɨ metewarutahɨaweka Muitsexi 'Aruni Parahuni hɨxie mekaniti'uni mɨpaɨ mekatenitahɨawe: —Mɨpaɨ paine Yawé 'ixaheritsixi takakaɨyari: “Keniwarupitɨa neteɨterima makumawetsie paitɨ memɨyehukɨ 'ixɨarari memɨwewienikɨ nehetsiemieme kemɨnetinake”.

Memeyekɨ 7:16

Mana mɨpaɨ ketinetahɨawi: “Yawé hepɨrayutsixi wakakaɨyari pɨnetsiheyenɨ'a mɨpaɨ nematitahɨawekɨ: ‘Keniwarupitɨa neteɨterima memayekɨnekɨ, memɨnetsihayexeiyanikɨ humapaitɨ makumawetsiepai.’ Hikɨ pemɨka'awaɨriyakɨ,

Memeyekɨ 4:23

Mɨpaɨ nepɨmarahɨawe keneupitɨa neniwe mɨnetsi'ayexeiyanikɨ, peru 'ekɨ pepɨka'itaunie mɨyemiekɨ. 'Ayumieme, 'aniwe mexɨakame tukarieya nekaninawairiemɨkɨ”».

Memeyekɨ 5:3

Mɨkɨta mɨpaɨ mekaniutiyuani: —Hepɨrayutsixi wakakaɨyari 'upɨtatsihanakirɨme, 'ayumieme tame haika tukari tepuhuni makumawetsiepai, Yawé temɨtehetimawirienikɨ takakaɨyari. Xɨka mɨpaɨ tekate'uyurieni waɨkawa pɨtatiukwinitɨawe, tixaɨtɨ 'upɨranɨ'ani kwiniya yatɨni pɨtatsi'ukwiwe yu'ixiparakɨ.

Memeyekɨ 7:25

'Atahuta tukari panukatɨa kepauka Yawé Niru hayari muwa.

Memeyekɨ 8:2

Xɨka pekawarupitɨani temutsi nepɨwanetɨani naitsarie 'akwie kemɨyewa.

Memeyekɨ 8:20

Yawé Muitsexi mɨpaɨ katiniutahɨawe: «'Uxa'a ximeri pekananukukemɨkɨ, Parahuni 'utɨa pekaniyemieni, hata mɨkatenitsie mɨpaɨ pekatinitahɨawimɨkɨ: “Mɨpaɨ paine Yawé: ‘Neteɨterima keniwarupitɨa memɨyehukɨ memɨnetsi'ayexeiyanikɨ.

Memeyekɨ 9:1

Hikɨ Yawé Muitsexi kaniutanɨ'ani, Parahuni mɨpaɨ mɨtitaxatɨanikɨ: «Mɨpaɨ kanaineni Yawé hepɨrayutsixi teɨteriyari wakakaɨyari: “Keniwarupitɨa neteɨterima memayekɨnekɨ memɨnetsi'ayexeiyanikɨ”.

Kutsuhexi 8:18

Mɨpaɨ Yawé Kutsuhexi katiniuta'aitɨani: «'Ɨrɨ 'amɨtewi pemakwe'e 'Ahi hepa keneukatsera, kiekari 'ahetsɨa nekaniyetuamɨkɨ». Kutsuhexi mɨpaɨ katiniuyurieni.

Nɨawari 105:30

Naitɨ 'Ekipitu kwieyaritsie temutsi mekaniutaweni, te'aitamete wakiita paitɨ mepuxuawekai.