Memeyekɨ 7:3 - Kakaɨyari Niukieya

³ Ne Parahuni 'iyarieya nepɨtseiriya tsepa 'inɨari mamariwaweme nemutiwewi 'Ekipitu.

Memeyekɨ 7:3 ပူးပေါင်းရင်းမြစ်များ

Memeyekɨ 4:21

Yawé Muitsexi mɨpaɨ katinahɨawekaitɨni mɨkatikuhayeikawanikɨ: «Kepauka 'Ekipitu pemunuani pepɨkatikuhayeikawani tita nematiuta'ɨkitɨa, Parahuni hɨxie 'inɨari pemɨwewienikɨ mamariwaweme. Neta 'iyarieya nepɨtseiriya neteɨterima mɨkawapitɨanikɨ.

Memeyekɨ 11:9

Yawé Muitsexi mɨpaɨ katiniutahɨawekaitɨni kename Parahuni kahenu'enienikekai, meta kename mɨpaɨ matsi reuyewekai, Yawé mariweme mɨtiyurienikɨ 'Ekipitu waɨkawamexɨa.

Xumatari 15:19

tɨrɨkariya nehexeiyakaku 'inɨarite mamariwawemekɨ mɨtiyɨnikɨ, tɨrɨkariya nehexeiyakaku Kakaɨyari 'Iyarieya hetsɨa miemekɨ. Kerutsareme neheyeyaka 'Iririku paitɨ neheuyeyuneka nekanaye'ani yemekɨ netikuxatatɨ niuki 'aixɨa manuyɨne Kɨritsitu hepaɨtsita,

Nɨ'ariekate 7:36

Mɨkɨri kaniwarayewitɨni 'inɨari tiuyurieka mamariwaweme tiuyurieka 'Ekipitu kwieyaritsie, Haramara Mɨxetatsie, makumawetsieta yatiyurienetɨ huta tewiyari wiyari.

Nɨ'ariekate 2:22

»'Ixaheri teɨteriyari, 'ikɨ niuki xekene'enieka: Kakaɨyari xetsata pitahekɨataxɨ Ketsutsi natsaretitanaka mariwemekɨ tiyurienetɨ tɨrɨkaɨyemekɨ, wahɨxiyatsitɨatɨ meta 'inɨarikɨ tiyurienetɨ mɨkɨ hetsiemieme, Kakaɨyari kemɨtiuyuri xeme xekatenimaika.

Wani 4:48

Ketsutsi 'ayumieme mɨpaɨ katinitahɨawe: —Xɨka 'inɨarite xeka'uxeiya, mamariwaweme, yuri xepɨkateta'erieni.

Nɨawari 135:9

'Ekipitu kwieyaritsie, Kakaɨyari 'inɨari mamariwaweme kanenɨ'ani Parahuni hetsie meta yunaime te'i'uximayatsiriwamete wahetsie.

Mikeyaxi 7:15

Mariweme ketineuyuri wahɨxie, 'Ekipitu kwieyaritsie pemɨwarayewitɨtsie hepaɨ.

Kitsariyaxi 51:9

Kenanutanieri, Yawé tɨrɨkariyaya. Kenanutanieri, tɨrɨkariya kamixayari kenanakatɨki. Kenanutanieri meripaitɨ hepaɨ, meripaitɨ memu'uwakai wahepaɨ. ¿'Ekɨ pekatiuyuri Xahawi pemutaxite, meta hapa kiekame pemanuyetse?

Nehemiyaxi 9:10

Mariweme pepɨtiuyuri waɨkawamexɨa Parahuni hetsɨa, 'iparewiwametemama meta yunaitɨ teɨteri, penieretɨ kememɨtewananaimakai 'ateɨterima kememɨwayuriekai. Mɨpaɨ petiuyurieku hikɨ pepukuxaxatsiwa naitsarie.

Hutarieka 'inɨari 7:19

Xepunenierixɨ waɨkawa waruta'inɨataka 'inɨarite mamariwawemekɨ kemɨtiuyuri, waɨkawa yutɨrɨkariyakɨ Yawé xekakaɨyari xehayewitɨnike 'Ekipitu kwieyaritsie, hikɨta yaxeikɨa katiniyurimɨkɨ yunaime teɨteri wahetsie kemɨ'ane pemɨwamakaxe.

Hutarieka 'inɨari 4:34

Xewitɨ tawari kakaɨyaritɨtɨ meutahanikɨ xeime nuiwaritsie pumawe, muwarayewitɨnikɨ yuhetsiemieme wata'inɨatame, 'inɨarite tiwewietɨ, kwinimieme yemekɨ mamariwawemekɨ, kuyaxa wewietɨ, yumamá tɨrɨkaɨyemekɨ tatseratɨ, waɨkawamekɨ makaxiwame, Yawé xekakaɨyari xehetsiemieme mɨtiuyuri hepaɨ 'Ekipitu, xeme xenenierekaku.

Memeyekɨ 9:16

Peru hikɨ nepɨmatsihayewa 'akuxi para pemɨretimanikɨ kenemɨtiyurieni, para nemukuxaxatsiwanikɨ naitsarie kwiepa.

Memeyekɨ 4:29

Hikɨ Muitsexi 'Aruni hamatɨa 'ixaheritsixi mekaniwarukuxeɨrieni.

Memeyekɨ 4:7

Tawarita Kakaɨyari mɨpaɨ kaniutayɨni: —Tawarita 'akamixatɨa keneukume'i. Muitsexi tawarita yukamixatɨa kaneukumeni, kepauka mewakuha 'aixɨa kani'anekaitɨni naitɨ kemeu'anekai matɨari.

Xumatari 9:18

'Ayumieme kaninenimayaka kemɨ'ane mɨnenimayatamɨkɨ, tse'ime kanayeitɨani kemɨ'ane tse'ime mayeitɨamɨkɨ.

Memeyekɨ 3:20

'Ayumieme netɨrɨkariya nepɨhekɨata, nepɨtiwakwinitɨani 'ekipitutari 'inɨari kenemɨtiwewieni mariwemekɨ watsata. Naitɨ mɨkɨ ranuyeyayu Parahuni pɨxepitɨani xemɨyehukɨ.

Memeyekɨ 7:13

Mɨya tiuyɨku Yawé kemɨtiwarahɨawekai, Parahuni yu'iyari kaniutseiriya pɨkawaru'eni kememɨtekuxatakai.

Memeyekɨ 11:10

Muitsexi 'Aruni matɨa 'inɨari 'ikɨ mɨmamariwawe mepuwewi Parahuni hɨxie, peru Yawé 'iyarieya putseiriyaxɨ, mɨkɨ kwieyaritsie memayekɨne 'ixaheritsixi pɨkawarupitɨa.

Memeyekɨ 14:4

Ne, nepipitɨani 'iyarieya tse'ime Parahuni, mɨxe'anukuweiyakɨ. Peru ne mariweme nepaneyeitɨani Parahuni hɨxie meta kuyaximama wahɨxie. 'Ana 'ekipitutari mɨpaɨ mepɨtehetimani kename ne Yawé nehɨkɨ». Hikɨ mɨpaɨ mekaniuyɨni 'ixaheritsixi.

Nɨawari 78:12

wapaapama wahɨxie mariweme kemɨtiuyuri, 'Ekipitutsie Tsuhani kwieyaritsie.

Temaiwawemete 21:1

Ti'aitame 'iyarieya 'aki'utua haa muhane hepaɨ kani'aneni Yawé yatinɨ'akaku, 'itanɨ'awakaku mɨkɨ hakewa meinake.