Memeyekɨ 7:23 - Kakaɨyari Niukieya

²³ Wa'atɨtɨ tixaɨtɨ 'atsipɨkatiɨyɨ ta'aurie haweka yuparatsiyuta kaneyani.

Memeyekɨ 7:23 ပူးပေါင်းရင်းမြစ်များ

Marakiyaxi 2:2

Xɨka xekanetsihanu'enieni meta xɨka xekayuwaɨriya mariweme xemɨnetsi'ayeitɨani, xehetsɨa 'axamɨ'ane nepanunɨ'ani, ke'aixɨa nemɨxeyuriekai nepipata 'axanepɨxeyurieka. 'Ari matsi 'axanekanixe'uyurieni, xeme heitseriemekɨ xemɨkanetsi'ayexeiyakɨ —Yawé Naimekɨmɨtɨrɨkaɨye mɨpaɨ kanaineni—.

'Awakuki 1:5

«Xekeniwaruxeiya nuiwarite. Kwixekeniwaruxeiya meta xemamatɨ xekeneuyuhayewa. 'Ikɨ tukariyaritetsie yanepɨtiyurixime tixaɨtɨ yaxemɨkateha'eriwa tsepa xewitɨ mɨpaɨ mɨtixe'uxatɨa yuri xepɨkate'erieka.

'Etsekieri 40:4

Mɨkɨ tewi mɨpaɨ kanetiniutahɨawe: «Tewi pemunu'aya, ketineuxeiya keneu'ena, naime ketita nemɨmetixeiyatsitɨani, 'ayumiemetsɨ 'uwa pekani'atɨarieni. Hikɨta kenemie, ketiniwarutaxatɨa 'ixaheritsixi naime tita pemɨtixeiya».

Keremiyaxi 36:24

Ti'aitame meta memanuyetei tɨma mepɨka'utimama, nitɨma yukamixa mepɨkaheukatsanaxɨa.

Keremiyaxi 5:3

Yawé, 'ekɨ pepɨtikuwaune 'ateɨterima yamemɨtekahunikɨ. Pepɨtiwarukwinitɨa mɨkɨ teɨteri, matsi pɨkawarekwinixɨ, pepɨwarutayuniyaxɨ, matsi mepɨka'uyuwaɨri 'aixɨa memuyuyurienikɨ. Yunierika meputseiriyaxɨ 'ai hepaɨ, mepɨka'uyuwaɨri memɨtehayewakɨ.

Kitsariyaxi 26:11

Yawé, 'amamá pepanukuhana, peru mɨkɨ mepɨka'ixeiya. 'Ateɨterima wahetsiemieme kepemɨti'ɨtetsa meke'ixeiya, 'ana meke'uyutitetewiya, taikɨ meke'utixɨtsitɨarieni memɨmetsi'aye'unie muwahetsiemieme.

Temaiwawemete 29:1

Kemɨ'ane mɨixa tierikayarikɨ mɨkaheu'ena yapauka kanika'unariemɨkɨ kanenimayatsietɨ.

Temaiwawemete 24:32

Kenemɨrenierixɨ ne'iyaritsie nepika'ɨnaxɨ, netixeiyatɨ mɨpaɨ nepɨretima:

Temaiwawemete 22:17

Memɨtemaiwawe waniuki kene'enieka yemekɨ kememutiyuane, 'a'iyaritsie 'aixɨa ketineu'ahɨawi kenematikɨhɨawe ne'ɨkitɨarikatsie.

Nɨawari 62:10

'Axamɨti'anetsie xepɨkatewiyani witsixepɨkateku'eriwani yu'inawarikɨ, tsepa xepiinite mɨtiutimɨirixɨ, mɨkɨ hetsie yu'iyari xepɨkatewiyatsitɨaka.

Kuwi 7:17

»¿Tewi ketita tihɨkɨ, waɨkawa meuyewetse pemeyeitɨwa, meta hetsiena mieme pemɨ'ahɨawenikɨ,

1 Tsamuheri 4:20

Teniweritɨwamete me'ixeiyaka mɨximekaku mɨpaɨ mekatenitahɨawe: «Kene'awaɨriyani, 'ukitɨme pekanayexeiya». Peru mɨkɨ pɨkawaruta'ei, pɨkawaranu'eni.

Hutarieka 'inɨari 32:46

«Xekena'eriwani yemekɨ 'ikɨ tukaritsie kenemɨtixe'utahɨawixi, yuniwema mɨpaɨ xeketeniwarutaxatɨa 'ikɨ 'aitsika niukiyaritsie heitseriemekɨ yamemɨtekahunikɨ.

Memeyekɨ 9:21

hipatɨta mepɨkahenu'eni Yawé niukieya, mepɨwaruhayewaxɨ tehɨwemete yaxeikɨata yutewama.

Memeyekɨ 7:22

Yaxeikɨata temaiwawemete 'awie memɨte'uyematekɨ mɨkɨ 'ekipitutari yaxeikɨa mekateniuyurieni, mɨpaɨ Parahuni yu'iyari kaniutseiriya kemainekai Yawé kemɨtiwarahɨawekai, 'Aruni pɨka'anu'eni meta Muitsexi.

Memeyekɨ 7:24

Hikɨ 'ekipitutari putsu mekaniutiwewietɨkɨne Niru hatetsitayaritsie, haa 'aixɨa mɨ'ane mehauwautɨkaitɨ, memɨkayɨwawekaikɨri hatɨa mieme memɨtiharenikɨ.

Memeyekɨ 9:20

Hipatɨ Parahuni te'uximayatsiriwamete mekaniutimamani Yawé niukieya me'u'enieka, meyumexɨitɨatɨ kiita mekaniwareuta'ɨna yuteɨterima meta yutewama,

Temaiwawemete 28:14

'Aixɨa kani'itɨarieka kemɨ'ane Yawé yuheyemekɨ mayemakaxe, matsi kemɨ'ane yu'iyari mɨtse'iriya 'axa'anekɨa kaniyuhayewamɨkɨ.

Kitsariyaxi 47:7

Mɨpaɨ peputayɨ: “'Uka neheyemekɨ ti'aitame nepɨhɨkɨtɨni”. Peru mɨpaɨ pepɨkatimaikai, meta pepɨkaheitimaixɨa kepemɨreutiparekekai.