Memeyekɨ 7:19 - Kakaɨyari Niukieya

¹⁹ Yawé Muitsexi mɨpaɨta katiniutahɨawe: «'Aruni mɨpaɨ ketineutahɨawi, yu'itsɨ ke'utikweni hapa keheitatsera 'Ekipitu miemetsie, naitɨ 'akite, hamuyehapane, meta haa mukamarike mukumane xuriya mayanikɨ. Xuriya puxɨaweni naitɨ kemɨyewa 'Ekipitu kwieyaritsie, kɨyexi tsiepaitɨ, tetexi tsiepaitɨ naitɨ».

Memeyekɨ 7:19 ပူးပေါင်းရင်းမြစ်များ

Memeyekɨ 14:21

Hikɨ Muitsexi yu'itsɨ kaneutatsera haramara heima, Yawé 'eka kaneyenɨ'ani mɨkɨ tɨkarikɨ tau manatineika mieme karima kaniu'ekakaitɨni 'anari haramara kananutayepiere, ya'atayeutɨ heutanetɨ kanayewani, kwie wakitɨ kanahekɨare. Haa haramara kananutayepiere,

Memeyekɨ 14:26

Hikɨ Yawé mɨpaɨ Muitsexi katiniutahɨawe: «'Amamá keneutatsera haramara heima, para haa mɨwareuyehɨanikɨ 'ekipitutari meta wakaxetate metatsierie teɨteri memutei».

Memeyekɨ 10:21

Yawé Muitsexi mɨpaɨ katiniutahɨawe: «'Aheima keneme'i muyuawitsie, naitsarie mɨkɨyɨrekɨ waɨkawa yemekɨ yumayɨinɨatɨ».

Memeyekɨ 10:12

Merikɨte Yawé mɨpaɨ Muitsexi katiniutahɨawe: «'Amamá keneutatsera naitsarie 'Ekipitu, memɨ'axɨanikɨ 'utsikari naitsarie kwiepa mɨtixuawe memɨtekakɨmekɨ meta naime tee wiyeriyari mɨtiuhayewaxɨ».

Memeyekɨ 8:16

Yawé Muitsexi mɨpaɨ katiniutahɨawe 'Aruni mɨpaɨ mɨtitahɨawekɨ: «'A'itsɨ keneutatsera kwiepa ketineukawaxɨa, naitɨ 'Ekipitu kwieyaritsie kwauni xaipɨtsi memayexɨrienikɨ».

Memeyekɨ 9:33

Merikɨte Muitsexi 'anuyeyaka Parahuni mɨtiwa'aitatsie, nenewieri Yawé kaniupitɨani, 'anari kwitɨwa kaneunuani tɨranari meta tee wiyerimatɨ, kwiepa naitsarie.

Tsutɨarika 1:10

Muwaki «kwie» Kakaɨyari katiniterɨwa, haa muyukuxeɨri «haramara» katiniterɨwa. 'Ixeiyatɨ Kakaɨyari «'Aixɨa pɨ'ane», kaniutayɨni.

Memeyekɨ 4:9

Peru xɨka 'ikɨ hutame 'inɨarikɨ yuri mekamete'uta'eririeni, haa keneuhanimie Niru mieme, kenetayeuri kwiepa, kepauka haa manutateni kwiepa xuriya kanayeimɨkɨ.

Memeyekɨ 14:16

'Ekɨta 'a'itsɨ keneutatsera haramara heima, haa kananutayepierimɨkɨ mana memukɨnekɨ 'ixaheritsixi 'ayewakikaku.

2 Te'aitamete 4:29

'Eritseu Kihetsi mɨpaɨ katiniutahɨawe: —Keni'akuha'aritɨaka, ne'itsɨ kenakwetɨ kenemie huyeta. Xɨka xeime pehanukunake, pepɨkaheiwaɨritɨaka, xɨka xewitɨ matsihahɨaweni, pepɨkaheiku'eiyani. Kepauka pemeta'ani, mɨkɨ 'itsɨ nunutsi nierikayatsie kenateka.

Kitsariyaxi 5:25

'Ayumieme Yawé haxɨaya kaniutani yuteɨterima wahepaɨtsita, hetsiena yumamá kananukuhana meta kaniwani, hɨrite kaniwatayuatɨkani, mɨkite xatsi hepaɨ mekateniyukuhayeikawani mɨranuyekɨkatɨretsie hixɨapa. Mɨyatɨtɨ haxɨaya pɨkatiuhayewaxɨ, yumamate 'akuxi kanitatseratɨkani.

'Awakuki 3:8

¿Petiha'akai, Yawé, kepauka pemiwa hatɨate? ¿Petiha'akai haa mɨtɨrɨkawi hepaɨtsita? ¿Waɨkawa petiha'akai haramara hepaɨtsita 'ayumieme 'akawayutsixi wahetsie peranutiya, meta 'akaxetate kuyaxa miemete memɨtehayu'iwa wahetsie?

Kitsariyaxi 19:10

Mepɨ'iyɨrienita 'ixuriki memɨwewie, yunaitɨ te'uximayatamete mekaniyutihɨawikuni.