Memeyekɨ 6:7 - Kakaɨyari Niukieya

⁷ Ne, xeme nekiekari nepɨxe'ayeitɨani, neta xekakaɨyari. Mɨpaɨ 'ana mepɨtehetimani, kename ne Yawé nexekakaɨyari, nemɨxe'ɨxɨnaxɨ 'ekipitutari kememɨtexe'uximatɨakai.

Memeyekɨ 6:7 ပူးပေါင်းရင်းမြစ်များ

Hutarieka 'inɨari 29:13

'Ayumieme mɨkɨkɨ mɨpaɨ paine kename xeme xeteɨterimama, mɨkɨta kename xekakaɨyari hɨkɨ, xetutsima 'Apɨrahami, 'Itsahaki meta Kakuwu kemɨtiwarutahɨawixi.

Hutarieka 'inɨari 7:6

Karikɨ Yawé xekakaɨyari hetsiemieme xeme teɨteri xemɨpatsie xekanihɨkɨtɨni, mɨkɨ kanixe'anayexeiya yunaime nuiwarite watsata, teɨterimama hetsɨana miemete xemɨhɨkɨtɨnikɨ.

Hutarieka 'inɨari 4:20

Peru xeme Yawé kanixe'ayewitɨni 'Ekipitutsie, mɨkɨ putsuta hakewa tepɨa mekwaxiyarie, xeme teɨterimama xemɨhɨkɨtɨnikɨ hetsɨana miemete, hikɨ kexemɨ'ane.

Matsiɨkɨtɨ kemɨratɨa 21:7

Kemɨ'ane mɨrayu'iwa, hetsiena katininakimɨkɨ 'ikɨ naitɨ, neta Kakaɨyarieya nekanihɨkɨtɨkamɨkɨ, mɨkɨta neniwe kanihɨkɨtɨkamɨkɨ.

Hutarieka 'inɨari 26:18

Hikɨta yɨkɨmana Yawé mɨpaɨ paine kename xeme xeteɨterimama, hetsɨana miemete kename xehɨkɨ, yemekɨ kemɨtixe'utahɨawixɨ. Kamɨtsɨ, yaxeketenekahuni naime 'aitsikayatsie.

Hutarieka 'inɨari 14:2

xeme karikɨ teɨteri xemɨpatsie xekanihɨkɨtɨni Yawé xekakaɨyari hetsiemieme. Mɨkɨ kanixe'anayexeiya yunaime hipame kwiepa memɨtama watsata, xeme yemekɨ hetsɨana miemete xemɨhɨkɨtɨnikɨ.

Matsiɨkɨtɨ kemɨratɨa 21:3

Hikɨ niuki nekaniu'enieni 'uweni manuwe 'ayeneikame karima mɨpaɨ hetaineme: «Hikɨrixɨa Kakaɨyari yuteɨteri watsata kaniuyeikamɨkɨ. Wahamatɨa 'ukaitɨ kanayeimɨkɨ. Mɨkɨta teɨterimama mekanihɨkɨtɨkakuni, Kakaɨyaritɨtɨ wahamatɨa puyeikani meta pɨwakakaɨyaritɨni.

1 Pekuru 2:10

Meripaitɨ nuiwari xepɨkahɨkɨtɨkai, hikɨri Kakaɨyari teɨterimama xekanihɨkɨtɨni, meripaitɨ xepɨkanenimayatsiekai, hikɨri xeputinenimayatsie.

Hepɨrayutsixi 11:16

Matsi mepihiwe'eriekai kwie 'aixɨa mɨ'ane taheima mieme. Kakaɨyari 'ayumieme pɨkayutewiya mɨkɨ wakakaɨyari mɨramamatiwanikɨ, kiekari puwarukuha'aritsitɨiri.

Xumatari 8:31

¿Keri te'utiyuaneni xɨka mɨpaɨ 'aneni? Xɨka Kakaɨyari tatsinaki'erieka, ¿kepaikɨ pɨtatsi'uxiwe'erieka?

Mateu 22:32

“Ne 'Apɨrahami, 'Itsahaki meta Kakuwu wakakaɨyari nekanihɨkɨtɨni”? Mɨkɨ mɨkite pɨkawaxata, kename wakakaɨyari maine. Memayeneniere pɨta wakakaɨyari kaniyuxatani, tsepa memukwi.

Tsakariyaxi 13:9

Peru mɨkɨ memuyuhayewaxɨ taipa nekaniwakayatsamɨkɨ, 'aixɨa nepɨwayurieni pɨrata ke'aixɨa mɨ'itɨariwa taipa hepaɨ, nepɨwata'inɨata huru taipa kemɨti'inɨatsiwa hepaɨ. Hikɨ 'ana menetsi'ayexeiyatɨ mepakɨne neta nepɨwata'eiya. Ne mɨpaɨ nepɨtayɨni: “Mɨkɨ mepɨneteɨterima”, mɨkɨta mɨpaɨ mepɨtiyuani: “Yawé takakaɨyari kanihɨkɨtɨni”».

'Utseyaxi 1:10

»Peru 'uxa'atɨni warie 'ixaheritsixi teɨteriyari, yumɨiretɨ mepakɨne xiekari haramaratetsita mɨtika mɨkayu'inɨatsinɨa hepaɨ. Kepauka tukari maye'ani xeme hakewa mɨpaɨ xemɨteheterɨwarie: “Mepɨkaneteɨterimari”, mana mɨpaɨ xepɨteterɨwarieni: “Kakaɨyari mayeyuri niwemama”.

Keremiyaxi 31:33

»'Ikɨ tɨratu kanihɨkɨtɨni 'iya tukari 'anuyeyayu nemɨwawewirieni 'ixaheri teɨteriyari —Yawé mɨpaɨ kanaineni—: Wa'eriwametsie ne'inɨari niukiyari nepɨwapitɨani meta wa'iyaritsie nekanika'utɨamɨkɨ. Ne wakakaɨyari nekanihɨkɨtɨkamɨkɨ mɨkɨta neteɨterima mepɨhɨkɨtɨni.

Kitsariyaxi 41:20

teɨteri memɨnenierekɨ meta mɨpaɨ memɨtemaikakɨ, meta kwi memɨyɨ'ɨwiyakɨ meta mɨpaɨ memɨtehetimamatenikɨ, Yawé tɨrɨkariyaya mɨyamɨtiuyurikɨ, 'Ixaheri Kakaɨyarieya mɨpatsie mɨtiutawewikɨ.»

Nɨawari 81:6

«'Ika nekamaniunawairieni pemetɨkɨkai, kiriwa mahete 'ari pekaniunawaiyarieni.

Memeyekɨ 16:12

«Nekaniwaru'enieni 'ixaheritsixi kememɨteniukixie. Mɨpaɨ ketiniwarutahɨawi kakɨyɨriwekaku 'akuxi, wai xekanitikwaikuni, 'uxa'ata ximeri pakɨ xekanitihuxaikuni. 'Anari mɨpaɨ mekatenetimaikuni kename Yawé wakakaɨyari nehɨkɨ».

Memeyekɨ 6:6

'Ayumieme kenemie mɨpaɨ ketiniwaretahɨawi 'ixaheritsixi: “Ne Yawé nepɨhɨkɨ, ne nepɨxexɨna 'ekipitutari kememɨtexe'uximatɨa, ne nepɨxexɨna kexemɨte'uximayatamete, ne nepɨxexɨna waɨkawa 'inɨari newewietɨ meta mamariwawemekɨ 'aixɨa nepɨtiyurieni.

Memeyekɨ 2:11

Kepauka Muitsexi 'amuyutama, yu'iwama kaniwarekuxeiya, kaniuniere kememɨte'uximatɨariekai. Xeime kaniuxeiya 'ekipitutanaka hepɨrayu tewiyari tiwayakaku.

Memeyekɨ 16:6

Merikɨtsɨ Muitsexi 'Aruni matɨa 'ixaheritsixi mɨpaɨ mekateniwarutahɨawe: —'Ikɨ taikaiyaritsie xepɨtehetimani kename Yawé tiuyuri 'Ekipitu mɨxe'ayewitɨ,

Mawari 11:44

Ne Yawé xekakaɨyari nepɨhɨkɨ, xekeneyupatani xepatsietɨ xekeneyuhayewani, ne nemupatsiekɨ. 'Ayumieme xeka'itiyatɨ xepɨkayuhayewani kwiepa yutawima memɨteku'uwa wahekɨ.

Mawari 11:45

Ne Yawé nekanihɨkɨtɨni, nemɨxe'ayewitɨ 'Ekipitu kwieyaritsie, xekakaɨyari nemayanikɨ. Xemeta xekenepatsieka ne nemɨpatsiekɨ.

Kitsariyaxi 49:23

Te'aitamete yuniwema wahepaɨ mepɨwatiwaweriya, meta wa'ɨitama mepɨmatsitiwaweririeni. 'Ahɨxie mepɨtihɨxima'uni kwiepa, kwie mepakutsena pemiketsina. 'Ana mɨpaɨ pepɨretimani ne Yawé nemɨhɨkɨkɨ, mepɨkatewiyatsitɨarieni kemɨ'ane nehetsie yuri memɨte'erie».

Kitsariyaxi 49:26

Yanepɨtiyurieni memɨmatsi'aye'unie yuwaiyari memɨtikwanikɨ, meta yuxuriyakɨ memɨtitarɨwenikɨ winu mɨhɨkɨtɨni hepaɨ. Hikɨ 'ana yunaitɨ teɨteri mɨpaɨ mepɨtehetimani ne, Yawé, 'awikweitsitɨwame nemɨhɨkɨkɨ, ne, Mɨtɨrɨkaɨye Kakuwu hetsiemieme, Nemumatsixɨname nemɨhɨkɨkɨ».

Kitsariyaxi 60:16

Nuiwarite waretsikɨ pepɨtikwaka, te'aitamete memɨtehexeiyakɨ pepɨtsitsitɨarieka. Hikɨ 'ana mɨpaɨ pepɨretimani kename, ne Yawé, 'awikweitsitɨwame nehɨkɨ, kename ne, nemɨtɨrɨkaɨye Kakuwu hetsiemieme, nemumatsiwikweitsitɨwame nehɨkɨ.

Kitsariyaxi 63:8

Mɨpaɨ nepaine: «Yurikɨ neteɨterima mepɨhɨkɨ, neniwema hatsuaku memɨkanete'itaiya». Mɨpaɨ pɨratɨa wawikweitsitɨwame

Keremiyaxi 30:22

Xeme neteɨterima xepɨhɨkɨtɨni, neta Xekakaɨyari nepɨhɨkɨtɨni”».

'Etsekieri 20:19

Ne Yawé xekakaɨyari nekanihɨkɨtɨni. Ne'aitsika xekeneuweiyani, meta ne'inɨari niukiyaritsie yaxeketenekahuni.

Tsutɨarika 26:3

Mana keneuyeikani yatewimekɨ. Ne'ahamatɨa nepuyeikani, 'aixɨa nepɨmatsiyurieka, karikɨ matsi 'ekɨ meta 'anuiwarima nepɨxeyetuirieni 'ikɨ naime kwie. Mɨpaɨ yurikɨ nepɨreye'atɨani 'apaapa 'Apɨrahami kenemɨrahɨawekai.

Tsutɨarika 28:13

Metatsiere Yawé kaniuxeiya 'auriena 'uweme, mɨpaɨ tikɨhɨaweme: «Ne Yawé nepɨhɨkɨ 'ateukari Kakaɨyarieya 'Apɨrahami meta 'apaapa 'Itsahaki. 'Ekɨ yaxeikɨa 'anuiwarima 'ikɨ kwie nepɨxeyetuirieni mana hikɨ pemanukatsie.

Memeyekɨ 7:17

Yawé mɨpaɨ kanaineni: ‘Hikɨ pepɨretimani kename ne Yawé nehɨkɨ.’ 'Ikɨ kɨye nemekwe'ekɨ haa Niru mieme nekaniwamɨkɨ, hikɨ mɨkɨ haa naitɨ xuriya kanayeimɨkɨ.

Memeyekɨ 13:3

Muitsexi mɨpaɨ katiniwarutahɨawe yunaime 'ixaheritsixi: «Xekena'eriwani 'ikɨ tukari kepauka xemayekɨ 'Ekipitu, hakewa xemɨtehe'uximayakai xekatehepitɨarietɨ meta hakewa Yawé mɨxehayewitɨ yutɨrɨkariyakɨ yatiyurienetɨ. Paa xepɨkakwaka kuxanariyariekame.

Memeyekɨ 13:14

»'Uxa'atɨni warie, kepauka memɨxeteta'iwawiya xeniwema: “¿'Ikɨta tita ti'inɨariyari?”, mɨpaɨ xepɨtewatahɨawe: “Yawé waɨkawa mariweme tiyurienetɨ pɨtatsi'ayewitɨ 'Ekipitu kwieyaritsie hakewa waɨriyarika temɨtehe'aitɨariekai.

Memeyekɨ 14:4

Ne, nepipitɨani 'iyarieya tse'ime Parahuni, mɨxe'anukuweiyakɨ. Peru ne mariweme nepaneyeitɨani Parahuni hɨxie meta kuyaximama wahɨxie. 'Ana 'ekipitutari mɨpaɨ mepɨtehetimani kename ne Yawé nehɨkɨ». Hikɨ mɨpaɨ mekaniuyɨni 'ixaheritsixi.

Memeyekɨ 14:18

Kepauka mɨpaɨ nemɨtiyurieni, 'ana 'ekipitutari mɨpaɨ mepɨtehetimani kename ne Yawé nehɨkɨ».

Memeyekɨ 15:2

Yawé pɨnetɨrɨkariya meta pɨnekwikari, mɨkɨ pɨnetsiwikweitsitɨwame. Mɨkɨ pɨnekakaɨyari, nepinɨawani, mɨkɨ nepaapa Kakaɨyarieya pɨhɨkɨ, 'ayumieme 'aixɨa nepaineni hetsiena mieme.

Memeyekɨ 15:16

mɨkɨtsɨ wahetsie pɨtinakeni marika. Yawé, kepemɨtitɨrɨkaɨyekɨ, mekaniuwawetɨ mepakɨne tetexi wahepaɨ kepaukake 'ateɨterima memanuyekɨne, teɨteri 'ahetsiemieme pemɨwarutinanai.

'Inɨatsie 15:41

Ne Yawé xekakaɨyari nekanihɨkɨtɨni, nemɨxe'ayewitɨ 'Ekipitu xekakaɨyari nemayanikɨ. Ne Yawé nepɨhɨkɨ».

Hutarieka 'inɨari 29:5

Huta tewiyari wiyari tsepa nemɨxe'uwitɨximekai makuwakitsie, xe'ixuriki xekakai pɨka'utitsanixɨ.

Hutarieka 'inɨari 29:12

'Ena xepɨyuxeɨrie xeme xeyunaitɨ hikɨ tɨratu xemɨwewienikɨ Yawé xekakaɨyari hamatɨa, hikɨ miwewie xehamatɨa, meta mitseyuma yuhɨritɨatɨ yamɨtikayanikɨ.

1 Te'aitamete 8:60

'Ana mɨpaɨ yunaitɨ teɨteri kwiepa memɨtama mepɨtemaika kename Yawé Kakaɨyari hɨkɨ, kename tawari xewitɨ 'umawe.

1 Te'aitamete 20:28

Tewi Kakaɨyari hetsɨa mieme kaninuani 'ixaheritsixi tiwa'aitɨwame hetsɨa mɨpaɨ katinitahɨawe: «Yawé mɨpaɨ kanaineni: “Tsiriyutsixi mɨpaɨ memɨteku'eriwakɨ kename Yawé kakaɨyari hɨritsie mieme hɨkɨ peru makuweritsie katixaɨ. Ne nepɨwayetuani mɨkɨ memɨyumɨire kuyaxi 'ahetsɨa, mɨpaɨ pemɨretimanikɨ kename ne Yawé nehɨkɨ”».

Nehemiyaxi 1:10

»Mɨkɨ mepɨ'ateɨterima te'a'uximayatsiriwamete pemɨwarutixɨnaxɨ peti'atuaka waɨkawa mariweme petiyurienetɨ kepemɨtitɨrɨkaɨye.

Nɨawari 100:3

Yawé xekenemaika Kakaɨyari mɨhɨkɨkɨ, mɨkɨ pɨtatsi'utawewi, hetsɨana tepɨmiemete. Tepɨteɨterimama, tame muxatsimama tepɨhɨkɨ kuraruyata miemete.

Kitsariyaxi 51:15

Ne Yawé nemɨhɨkɨkɨ 'akakaɨyari, ne haramara neputayuitɨwa, hamewarieya putixiuwarɨka, Yawé Naimekɨmɨtɨrɨkaɨye nekatinitewaka.