Memeyekɨ 6:4 - Kakaɨyari Niukieya

⁴ Metatsiere tɨratu tepuwewi kwie Kanani miemekɨ wahetsiemieme mayanikɨ, meripaitɨ memakutekaitsie 'ateewa kiekatari wahepaɨ me'anetɨ.

Memeyekɨ 6:4 ပူးပေါင်းရင်းမြစ်များ

Tsutɨarika 28:4

'Ekɨta kematsiyetuirieni meta 'anuiwarima 'Apɨrahami 'aixɨa kemuyuriekai, 'ikɨ xepiini mayanikɨ hikɨ temanu'uwa teewanarixi wahepaɨ, 'Apɨrahami kemɨtiutahɨawarie 'ikɨ kwie hepaɨtsita.

Tsutɨarika 15:18

Mɨkɨ tukaritsie Yawé 'Apɨrami hetsɨa tɨratu kaniuwewieni. Mɨpaɨ katinitahɨawe: —'Ikɨ kwie nepɨwayetuirieni 'anuiwarima, haa 'Ekipitu mieme manuyeka, meta 'amɨpa manuyekatsie paitɨ 'Eupɨrate mɨtitewatsie.

Tsutɨarika 26:3

Mana keneuyeikani yatewimekɨ. Ne'ahamatɨa nepuyeikani, 'aixɨa nepɨmatsiyurieka, karikɨ matsi 'ekɨ meta 'anuiwarima nepɨxeyetuirieni 'ikɨ naime kwie. Mɨpaɨ yurikɨ nepɨreye'atɨani 'apaapa 'Apɨrahami kenemɨrahɨawekai.

Nɨ'ariekate 7:5

Kakaɨyari pɨka'imi 'ena mɨtinakeni niyɨ'ɨkakɨ mɨkatakenikɨ, matsi Kakaɨyari mɨpaɨ katinitahɨawe kename 'ipitɨanikekai mɨkɨ, piinieya mɨrayanikɨ, 'arike hetsiena memɨyekɨnekekaita wapiini mɨrayanikɨ, tsepa yuniwe mɨkahexeiyakai 'akuxi.

Kitsariyaxi 55:3

Kayuwatɨ xekeneneu'eni, nehetsɨa xekeneu'axɨa, xekeneneu'eni, 'axekaniu'uwakuni. Xehamatɨa tɨratu nepɨwewieni yuheyemekɨ mieme, Rawiri nemɨnaki'eriekɨ.

Nɨawari 105:12

Kepauka 'akuxi temɨkayumuirekai, teewanarixi tekanihɨkɨtɨkaitɨni yakɨ teyupaɨmetɨ mɨkɨ kwieyatsie,

2 Tsamuheri 23:5

»Kakaɨyari yuheyemekɨ nenuiwarima kaneniupitɨani, tɨratu yuheyemekɨ nehamatɨa kaniuwewieni, naime 'aixɨa hauti'aneme, mɨkayɨwe mɨpatsieni. Kakaɨyari yakatiniyuriemɨkɨ nemɨrayu'iwanikɨ, meta yamɨraye'anikɨ naitɨ tita nemɨreuyehɨwa.

Tsutɨarika 28:13

Metatsiere Yawé kaniuxeiya 'auriena 'uweme, mɨpaɨ tikɨhɨaweme: «Ne Yawé nepɨhɨkɨ 'ateukari Kakaɨyarieya 'Apɨrahami meta 'apaapa 'Itsahaki. 'Ekɨ yaxeikɨa 'anuiwarima 'ikɨ kwie nepɨxeyetuirieni mana hikɨ pemanukatsie.

Tsutɨarika 23:4

—Neuxei, ne 'ena nepɨkakiekame, peru kwie terɨ xepɨnetsituirieni muwa ne'ɨya nemeutatenikɨ.

Tsutɨarika 17:13

Yunaitɨ xewitɨ pɨkayukuhayeikawani, 'akie memɨtinunuiwa meta kemɨ'ane pemɨwatinawe, xitekiya 'inɨariyari meke'uwewiyarieni. Mɨpaɨ pɨtiyuhayewa netɨratu xewaiyaritsie kayeiwetɨ, tɨratu yuheyemekɨ mɨhɨkɨkɨ.

Tsutɨarika 17:4

«'Ikɨ tɨratu 'ahamatɨa nekaniwewieka: 'Ekɨ yumɨireme nuiwarite wapaapa pekanayeimɨkɨ.

Tsutɨarika 15:13

Yawé mɨpaɨ 'Apɨrami katiniutahɨawe: —Mɨpaɨ ketinemaika 'anuiwarima xeime kwieyaritsie mepɨtiteni yapaɨmexɨa, mana mepɨteta'aitɨarieni, menanaimarietɨ, nauka tsienituyari wiyari.

Tsutɨarika 6:18

Peru 'ekɨ hamatɨa ne tɨratu tepexeiyani, kanuwa 'amɨtimariwetsie xekaneutahaxɨakuni 'ekɨ meta 'aniwema, 'a'ɨya meta 'amu'e'ema.

Tsutɨarika 12:7

Mana Yawé 'Apɨrami mɨpaɨ katiniutahɨawe: «Ne 'ikɨ kwie 'anuiwarima nekaniwayetuiriemɨkɨ». Hikɨ mana 'Apɨrami tenutsari mawari wewiwame kaniutawewieni Yawé hetsiemieme, mana mitahɨawixɨkɨ.

Tsutɨarika 26:4

Nepɨwatimɨiriya 'anuiwarima xurawetsixi wahepaɨ, 'ikɨ naime kwie nepɨxeyetuirieni, 'anuiwarima wahekɨ yunaitɨ nuiwarite kwiepa memɨtama 'aixɨa mepɨ'itɨarieka.

'Inɨatsie 10:29

Hikɨ Muitsexi Huwawi Xehueri mariyani tewiyari nu'aya mɨpaɨ katiniutahɨawe: —Tame tepayekɨnirɨme Yawé kwie mɨtatsi'axatɨatsie. Hikɨmɨ tanaitɨ tekaniyehuni 'aixɨa temɨteheyuxeiyanikɨ, Yawé 'ixaheritsixi wahetsiemieme 'aixɨa mɨtiuka'iyarikɨ.

Memeyekɨ 6:8

Nekanixe'anuwitɨmɨkɨ kwietsie mɨpaɨ kenemɨtinehɨritɨa 'Apɨrahami, 'Itsahaki, Kakuwu, nemɨwayetuirienikekai, ne Yawé, nepɨxeyetuirieni mɨkɨ kwie mana xemɨtitenikɨ”».

Memeyekɨ 13:4

Xeme hikɨ xekanayekɨnikuni, 'ikɨ weiya metseriyaritsie.

Memeyekɨ 13:5

Mɨkɨ metseriyaritsie meta xekaneiwewikuni 'ixɨarari, kepauka Yawé mɨxeheta'atɨani kwie xe'ukiyarima mɨwaruxatɨatsie kename wayetuirieni. Kanixatsiwani kananeutsixi wakwietsie, meta hetitsixi, 'amuxeutsixi, heweutsixi meta kewutseutsixi: kwiepa hakewa retsi waɨkawa meta xiete maxuawe.

Nɨawari 105:11

kepauka mɨpaɨ mutayɨ: «Kanani kwieyari nekameniyetuiriemɨkɨ, piinitɨarika 'ahetsie mɨtinakenikɨ».