Memeyekɨ 6:3 - Kakaɨyari Niukieya

³ Ne nepɨnehekɨataxɨ 'Apɨrahami, 'Itsahaki, meta Kakuwu wahɨxie, ne Kakaɨyari Naimekɨmɨtɨrɨkaɨye, peru kenemɨtitewa yemekɨ nepɨkawarutaxatɨa, Yawé nemɨtitewa.

Memeyekɨ 6:3 ပူးပေါင်းရင်းမြစ်များ

Nɨawari 83:18

Meketehetimani 'ekɨ Yawé pemɨhɨkɨkɨ, mɨpaɨ pemɨtitewa, mɨpaɨ meketemaika 'ekɨ xeikɨa 'Amutewi pemɨhɨkɨkɨ 'ena kwiepa naitsarie.

Nɨawari 68:4

Kakaɨyari xekenenɨawani, kemɨtiuka'iyari nɨawariyari, xekenehiwieka kemɨ'ane haiwitɨritsie 'akaitɨ mukuyeika, hɨxiena xekeneyutemamawieka. Yawé katinitewaka.

Memeyekɨ 3:14

Kakaɨyari Muitsexi mɨpaɨ katiniutahɨawe: —Ne nepɨhɨkɨ kemɨ'ane nemɨhɨkɨ. Mɨpaɨ pekatiniwarekɨhɨawemɨkɨ 'ixaheritsixi: “Ne nepɨhɨkɨ, pɨnetsiheyenɨ'a xehetsɨa”.

Tsutɨarika 48:3

Kutse kaniutahɨawe mɨpaɨ 'utaitɨ: —Kakaɨyari Naimekɨmɨtɨrɨkaɨye kaneniutahɨawe Rutsi kiekaritsie, Kanani kwieyaritsie. 'Aixɨa kaneniuyurieni,

Tsutɨarika 17:1

Kepauka 'Apɨrami nauka tewiyari heimana tamamata heimana 'atanauka wiyari mexeiyakai, Yawé mɨpaɨ katinitahɨawe: «Ne Kakaɨyari Naimekɨmɨtɨrɨkaɨye nekanihɨkɨtɨni, nehɨxie keneuyeikani 'aixɨa ketineyurienetɨ.

Kitsariyaxi 44:6

»Yawé mɨpaɨ kanaineni, Yawé Naimekɨmɨtɨrɨkaɨye, 'Ixaheri ti'aitameya meta 'iwikweitsitɨwame: “Ne mexɨakame nekanihɨkɨtɨni meta 'imatɨreme netɨhɨkɨ, tawarita xewitɨ kakaɨyaritɨtɨ kaniumaweni.

Tsutɨarika 35:11

Tawarita Kakaɨyari mɨpaɨ kaniutayɨni: «Ne Kakaɨyari Naimekɨmɨtɨrɨkaɨye nekanihɨkɨtɨni. Kenexiɨka kene'amɨiriyani. 'Ahetsie mepɨyekɨne yumɨiretɨ 'anuiwarima xeikɨa, manata te'aitamete mepɨtixuawere.

Matsiɨkɨtɨ kemɨratɨa 1:4

Ne, Wani, nekatinixe'utɨirieka 'atahuta kiekariyaritsie xemɨyutixexeɨriwa 'Atsiya kwieyaritsie: 'Aixɨa ketiuka'iyarini xehetsiemieme, meta kexepitɨaka yu'iyaritsie xemɨka'uximatɨariekakɨ. Mɨpaɨ pɨtiyurieneni kemɨ'ane 'amuyeikakai meta 'amuyeika meta 'umamie, yaxeikɨata 'atahuta 'iyarite mɨkɨ 'uwenieya hɨxie memɨti'u,

Wani 8:58

Ketsutsi mɨpaɨ katiniwarutahɨawe: —Yurikɨ mɨpaɨ nekanaineni, 'Apɨrahami katinuiwawekaku 'akuxi, 'anekaniuyeikani ne.

Kitsariyaxi 42:8

»Ne Yawé nekanihɨkɨtɨni, mɨpaɨ nekatinitewaka. Hipame kenemɨtimariwe nepɨkawapitɨa, meta nenɨawari kakaɨyarixi nepɨkawapitɨa.

Tsutɨarika 22:14

'Ayumieme 'Apɨrahami mana pɨtiuterɨwaxɨ: «Yawé pɨrayetuirieni tita mɨreuyehɨaka». 'Ayumieme teɨteri mɨpaɨ meputiyuane: «Hɨritsie Yawé pɨrayetuirieni».

Tsutɨarika 13:18

Hikɨ 'Apɨrami kaniuyupata kaneyani Hewuruni 'aurie paitɨ makuxiuya, Mamɨre 'iteɨrieya maku'u 'aurie. Manata mawari taiyame kaniutawewieni Yawé hetsiemieme.

Tsutɨarika 28:3

Kakaɨyari Naimekɨmɨtɨrɨkaɨye 'aixɨa kematsiyurieka waɨkawa peke'utaxiɨni, 'ahetsie memɨyekɨnekɨ nuiwarite yuwaɨkawatɨ.

Memeyekɨ 15:3

Yawé kuya meuyutamiewe kanihɨkɨtɨni, Yawé katinitewaka.

Memeyekɨ 23:21

Keneu'enieka yaketinekamieni. 'Axapepɨkareyurieneni hɨxiena, nehetsiemieme kaniyɨaneni, pɨkamereuyehɨwirieni xɨka mɨpaɨ pereyurieni.

Xuti 1:20

Nuhemi mɨpaɨ katiniwarutahɨawe: ―Nuhemi xepɨkanete'uterɨwani. Marara pɨtari xekeneteneuterɨwani. Naimekɨmɨtɨrɨkaɨye nehatsiwime pɨnetsi'ayeitɨa.

Keremiyaxi 16:21

'Ayumieme, hikɨ 'ikɨ 'ɨkitsika nepɨxewewirieni, netɨrɨkariya nepɨxehekɨatsitɨiya. 'Anake mɨpaɨ xepɨtehetimani ne Yawé nemɨtitewakɨ.

Keremiyaxi 33:2

«Mɨpaɨ kanaineni Yawé mɨtitewa, kwie mutawewi 'aixɨa mɨtiuyuri mikama:

'Etsekieri 20:5

Mɨpaɨ ketiniwarayemari'itɨa ne Yawé naimekɨmɨyɨwe mɨpaɨ nekanaineni: “Kepauka 'Ixaheri nemanayexei, mɨpaɨ nekatiniwaruhɨritɨani kename Kakuwu nuiwarimama wakakaɨyari nehayanikekai. Kepaukata nemuyuhekɨataxɨ wahetsɨa 'Ekipitu paitɨ, mɨpaɨ nekatiniwaruhɨritɨani: ‘Ne Yawé nepɨhɨkɨ xekakaɨyari’.

'Etsekieri 37:6

Tatá xehexeiyame nekanixe'ayeitɨamɨkɨ, wai hetsiena mɨkanenikɨ yanetiniyurimɨkɨ, meta nawi nekanixekaweriexɨamɨkɨ, tukari 'iyayari xemexeiyanikɨ nekanixepitɨamɨkɨ, hikɨ 'ana xe'ayenenieretɨ xekanakɨnikuni hekwamekɨ. 'Ana mɨpaɨ xepɨtehetimani kename ne, Yawé nehɨkɨ’ ”».

'Etsekieri 37:13

Kepaukari xeteukiya nemɨwatiyepiexɨani meta muwa nemɨxehewatihapani, hikɨ 'ana neteɨterima, mɨpaɨ xepɨtehetimani kename ne, Yawé nehɨkɨ.