Memeyekɨ 6:12 - Kakaɨyari Niukieya

¹² Peru Muitsexi Yawé mɨpaɨ katiniutahɨawe: —'Ixaheritsixi matsi mepɨkanetsiheu'enieri Parahuni kenetiu'enieni meta 'aixɨa nepɨkatiuxaxata.

Memeyekɨ 6:12 ပူးပေါင်းရင်းမြစ်များ

Memeyekɨ 4:10

Muitsexi mɨpaɨ kaniutayɨni: —Yawé, ne hatsuaku 'aixɨa nepɨkarekuxatani, 'ikɨ pɨkati'ane takai mɨtiuyukatsutɨa 'atu mɨtiuyukatsutɨa yahikɨ penetikuhɨawekaku, heitseriemekɨ waɨriyarika nepɨtiutaxaxata.

Keremiyaxi 1:6

Ne mɨpaɨ nepɨtita'ei: «Yawé nekakaɨyari. Xɨa'ui 'akuxi 'aixɨa nepɨkareutaxatawe meta temaikɨ nepɨhɨkɨ yakɨnepɨnemate».

Memeyekɨ 6:30

Peru Muitsexi Yawé mɨpaɨ katiniutahɨawe: —¿Neranu'enienikuta Parahuni, ne 'aixɨa nepɨkatiuxaxata?

Keremiyaxi 6:10

¿Kemɨ'ane nepɨtahɨawe? ¿Kemɨ'ane nepayemari'itɨani? ¿Kemɨ'ane pɨnetsi'enieni? Yunakata mepeukanatɨka mepɨkaheti'enatɨkɨka. Yawé niukieya 'axamepɨte'enie, mepixani'erie memi'enienikɨ.

Nɨ'ariekate 7:51

»Xeme xekɨipi pɨtsetse'i, yu'iyaritsie yunakata xepɨka'inɨaritɨariewawe Kakaɨyari 'inɨarieyakɨ, xeme yuheyemekɨ xepeye'unie 'Iyari Mɨtiyupata yututsima wahepaɨ.

Mawari 26:41

mɨkɨkɨ waɨriyarika mepɨnetsi'upitɨa nemɨwaranɨnɨ'anikɨ memɨwaraye'unie wakwietsie, xɨka wa'iyari kemɨtiyumate tixaɨtɨ mekateheyeitɨatɨ meta meheyutimaixɨame 'axakememɨte'uyurikɨ,

Memeyekɨ 6:9

Muitsexi, 'ikɨ naime tiniwarutaxatɨani 'ixaheritsixi peru memutiwaɨripiekaikɨri, mete'uka'eniwatɨ mete'aitɨarietɨ 'ayumieme mepɨka'i'eni.

Memeyekɨ 3:13

Muitsexi matsi mɨpaɨ kaniutayɨni: —Xɨka neheyani 'ixaheritsixi xɨka mɨpaɨ netiwaretahɨawe: “Xe'ukiyarima wakakaɨyari pɨnetsiheyenɨ'a xehetsɨa”. ¿Kenetiwaretahɨawe xɨka mɨpaɨ meneteheta'iwawiya: “¿Keri titewa?”

Keremiyaxi 9:26

'Ekipitu nekatinikwinitɨamɨkɨ meta Kura, 'Erumi, 'Amuni, Muhawi, meta yunaime makumawetsie memu'uwa yumu'utsie memuyukaxika. Yunaitɨ nuiwarite xitekiya 'inɨariyari mepɨkahexeiya, peru matsi 'ixaheritsixi xitekiya 'inɨariyari yu'iyaritsie mepɨkahexeiya».

Kitsariyaxi 6:5

Hikɨ nekaniutahiwa: «Xɨa'ui ne, nehetsie pɨrahɨiwa. Tewi nepɨhɨkɨ neteta mɨkati'itiya pɨrayeneika meta teɨteri 'axame'utiyuaneme watsata nepuyeika, matsi Ti'aitame nepuxei, Yawé Naimekɨmɨtɨrɨkaɨye».

Hutarieka 'inɨari 30:6

Yawé xekakaɨyari pɨxeparewieni yu'iyaritsie xemɨtehatɨmaiyakɨ 'axamɨti'ane kwiepa timieme meta 'anuiwarima wahetsie, mɨkɨ xeikɨa xemɨnaki'eriekakɨ naime yu'iyarikɨ meta kexemɨteyumatekɨ, mɨpaɨ 'ana tukari xemexeiyanikɨ.

Memeyekɨ 3:11

Peru Muitsexi Kakaɨyari mɨpaɨ katiniutahɨawe: —¿Ne tita netihɨkɨ Parahuni hɨxie nemɨtaniunikɨ meta 'ixaheritsixi nemɨwarayewitɨnikɨ?

Memeyekɨ 4:1

Muitsexi tawarita kaniuta'iwauni: —¿Keneheyɨanenita xɨka yuri mekaneteheta'eririeni xɨka mekanetsihe'enieni? ¿Keneheyɨaneni xɨka mɨpaɨ menetehahɨaweni: “Yawé 'ahɨxie pɨkaheyuhekɨataxɨ”?

Memeyekɨ 6:13

Hutarieka Yawé Muitsexi 'Aruni mame kaniwarutahɨawe, 'ixaheritsixi wahetsiemieme meta Parahuni ti'aitame hetsiemieme katiniwarutaxatɨani, mɨpaɨta katiniwaruta'aitɨani 'ixaheritsixi 'Ekipitu memɨwarayewitɨnikɨ.