Memeyekɨ 6:1 - Kakaɨyari Niukieya

¹ Yawé mɨpaɨ katinita'eiya: —Patsɨ pekaninierimɨkɨ kenemɨtiyurieni Parahuni hetsɨa. Netɨrɨkariya xeikɨa kanixepitɨamɨkɨ xemɨyehukɨ, netɨrɨkariyakɨ xeikɨa mɨkɨ kwieyaritsie xekanayeweiyariekuni.

Memeyekɨ 6:1 ပူးပေါင်းရင်းမြစ်များ

Memeyekɨ 12:33

'Ekipitutari, mepɨwamexɨitɨakai 'ixaheritsixi mɨkɨ kwieyaritsie memayekɨnekɨ. Mɨpaɨ meputiyuanekai: «Xɨka mekahekɨne tame tekanikwikuni».

Nɨawari 136:12

Yumamá mɨtɨrɨkaɨye tatseratɨ, mɨkɨ hatsuaku pɨkatatsihayewa tatsinaki'erietɨ.

Memeyekɨ 12:39

'Ekipitu tɨxi memeiyetɨkai mɨkɨkɨ paa mɨkakuxanariyarietɨka mekaniutiwewieni, mɨkɨ tɨxi 'akuxi pɨkatsinakai. Memayeweiyariekɨ 'Ekipitu, 'ayumieme tukari mepɨkahehɨi, yu'ikwai memekawewienikɨ.

Memeyekɨ 12:31

Hikɨ mɨkɨ tɨkaritsie kwitɨwa Parahuni pɨtiwarutanɨ'airi Muitsexi 'Aruni mame, mɨpaɨ pɨtiwarutahɨawixɨ: «Xekeneuhuni 'ateewapai. Xekenayekɨni nekiekaritsie xeme meta 'ixaheritsixi. Yawé xekenayexeiyani, xemɨnetekɨhɨawe hepaɨ.

Hutarieka 'inɨari 32:39

»”Hikɨ xekeneunenieri ne xeikɨa nepɨhɨkɨ Kakaɨyari nemɨyuxewi, xewitɨ tawarita 'apɨka'uyeika kakaɨyaritɨtɨ, ne mɨɨya nepɨrapitɨani meta tukari nepɨrayetuirieni, nepɨrakwinituani meta 'aixɨa nepɨrayurieni xewitɨ pɨkayɨwe mɨnetsitanewienikɨ netɨrɨkariyatsie.

Memeyekɨ 11:1

Merikɨtsɨ Yawé Muitsexi mɨpaɨ katiniutahɨawe: «Tawarita nepenunɨ'airieni kwiniya Parahuni, yaxeikɨata 'ekipitutari wahetsiemieme, mɨpaɨ tiyɨyu pɨxepitɨani xemɨyehukɨ. Kepauka mɨpaɨ mɨtiyɨni, pɨxe'anuyeweiya yuheyemekɨ.

Kitsariyaxi 63:12

yamɨtiuyuri yumamá mariwemekɨ Muitsexi tserieta mumienikɨ, kemɨ'ane haa manutayepi mana muyanikɨ, yuheyemekɨ matiwatɨ mayanikɨ?

Nɨawari 89:13

'Amamatekɨ mariweme pemɨtiuyurieni pepɨyɨwe, pepɨtɨrɨkaɨye pepɨrayu'iwa yemekɨ.

Nɨawari 12:5

Yawé mɨpaɨ kanaineni: «Hikɨ nekananukukemɨkɨ, memɨ'uximatɨarie nekaniwatawikweitsitɨamɨkɨ, tixaɨtɨ mɨkarexeiya mɨnanaimariekɨ, mɨreuyehɨwa mɨtiuka'eniwakɨ».

2 Kemɨtiuyɨ 20:17

Peru xeme xepɨkaheyutakwini wahamatɨa. Matsi kayuwatɨ xeketene'uka xeikɨa, para xemɨnenierekɨ Yawé kemɨtixetawikweitsitɨani. Kura meta Kerutsareme kiekatari, xepɨkaheumamaka meta xepɨkaheuyuyexɨrɨwani. 'Uxa'a ximeri xekenayekɨni wahepa, karikɨ, ne Yawé xehamatɨa nekaniuyeikamɨkɨ”».

2 Te'aitamete 7:19

'ana ti'aitame ti'uximayatsiriwame mɨpaɨ kaniutayɨkaitɨni: «Mɨpaɨ pepɨkahaineni. Xɨka Yawé naime muyuawitsie reuyepiexɨanike, yaxeikɨa 'atsipɨkatiyɨni». Tewi Kakaɨyari hetsɨa mieme mɨpaɨ katinitahɨawekaitɨni: «'Ekɨ peninierimɨkɨ 'ahɨxitekɨ, peru mɨkɨ 'ekɨ pepɨkatitikwani».

2 Te'aitamete 7:2

Ti'aitame parewiwameya mɨpaɨ kaniutayɨni: —Mɨpaɨ pepɨkahaineni. Xɨka Yawé naime muyuawitsie reuyepiexɨanike, yaxeikɨa 'atsipɨkatiyɨni. 'Eritseu mɨpaɨ katinitahɨawe: —'Ekɨ pekaninierimɨkɨ 'ahɨxitekɨ, peru mɨkɨ 'ekɨ pepɨkatitikwani.

Hutarieka 'inɨari 4:34

Xewitɨ tawari kakaɨyaritɨtɨ meutahanikɨ xeime nuiwaritsie pumawe, muwarayewitɨnikɨ yuhetsiemieme wata'inɨatame, 'inɨarite tiwewietɨ, kwinimieme yemekɨ mamariwawemekɨ, kuyaxa wewietɨ, yumamá tɨrɨkaɨyemekɨ tatseratɨ, waɨkawamekɨ makaxiwame, Yawé xekakaɨyari xehetsiemieme mɨtiuyuri hepaɨ 'Ekipitu, xeme xenenierekaku.

'Inɨatsie 23:23

Kakuwu hetsɨa 'ikewari pumawe, meta 'Ixaheri hetsɨa 'awie memɨte'uyemate mepɨkaxuawe. Kakuwu meta 'Ixaheri wahepaɨtsita mɨpaɨ katinitaniukiemɨkɨ: “Xeketeneuxeiya Kakaɨyari 'aixɨa kemɨtiuyuri”.

Memeyekɨ 14:13

Muitsexi mɨpaɨ kaniutayɨni: —Xepɨkaheumamaka. Xeme kayuwatɨ xeketeneteni, hikɨ kwitɨwa xemunenierixɨ xepɨhɨkɨtɨni, Yawé wikweitsitɨarika kemɨrexeiya xehetsiemieme. Hikɨ mɨkɨ 'ekipitutari xemɨwaxeiya hatsuakuri tawarita xepɨkawaxeiya.

Memeyekɨ 13:3

Muitsexi mɨpaɨ katiniwarutahɨawe yunaime 'ixaheritsixi: «Xekena'eriwani 'ikɨ tukari kepauka xemayekɨ 'Ekipitu, hakewa xemɨtehe'uximayakai xekatehepitɨarietɨ meta hakewa Yawé mɨxehayewitɨ yutɨrɨkariyakɨ yatiyurienetɨ. Paa xepɨkakwaka kuxanariyariekame.

Nɨ'ariekate 13:17

'Ikɨ 'Ixaheritsixi teɨteriyari wakakaɨyari kaniwaranuyeteɨxɨ tatutsima. Teɨteri wahetsiemieme 'aixɨa pɨtiuyuri kepauka ku'uwamete 'Ekipitu kwieyaritsie. Yɨtɨrɨkariyakɨ kaniwarayewitɨni mɨkɨ kwieyaritsie.

Memeyekɨ 7:4

Mɨkɨ pɨkaxe'enieni, hikɨ matsi ne naime netɨrɨkariya 'Ekipitu nepɨtiwewieni, mariwemekɨ netiyurienetɨ kemɨtiheitserie, nepɨwarayewitɨni kwinimieme memɨyupaɨme neteɨterima 'ixaheritsixi.

Memeyekɨ 7:5

Kepauka ne mariweme nemɨtiyurieni 'Ekipitu kwieyaritsie, kepauka ne 'ixaheritsixi nemɨwarayewitɨni, 'ana 'ekipitutari mɨpaɨ mepɨtehetimani kename ne Yawé nehɨkɨ.

Memeyekɨ 15:6

Yawé, 'atɨrɨkariya pepuhekɨataxɨ mariwemekɨ, Yawé, memɨtatsi'aye'uniekai pepɨwarutitsanaxɨa.

Memeyekɨ 13:9

'Ikɨ pɨ'inɨaritɨni xehetsiemieme xemamatsie ya xekanata pɨxehaye'eritɨwani kename, Yawé niukieya xeteta payekani mɨkɨ 'Ekipitu mɨxe'ayewitɨ, waɨkawa yutɨrɨkariyakɨ tiyurienetɨ.

Memeyekɨ 13:14

»'Uxa'atɨni warie, kepauka memɨxeteta'iwawiya xeniwema: “¿'Ikɨta tita ti'inɨariyari?”, mɨpaɨ xepɨtewatahɨawe: “Yawé waɨkawa mariweme tiyurienetɨ pɨtatsi'ayewitɨ 'Ekipitu kwieyaritsie hakewa waɨriyarika temɨtehe'aitɨariekai.

Memeyekɨ 13:16

Mɨkɨ pɨ'inɨaritɨni xemamatsie yatɨni xekanata, Yawé mɨxe'ayewitɨ 'Ekipitu yutɨrɨkariyakɨ tiyurienetɨ».

'Inɨatsie 11:23

Yawé Muitsexi mɨpaɨ katiniuta'eiya: —¿Kamɨtsɨ Yawé tɨrɨkariyaya reu'atɨka? Hikɨtsɨ pekaninierimɨkɨ, xɨka neniuki nehaye'atɨamɨkɨ yatɨ pɨtikatixaɨ.

Nɨawari 12:6

Yawé niukieya kani'itiyaka, pɨrata 'aixɨa mɨ'itɨarie hepaɨ pɨ'ane, tepɨa 'aixɨa mɨwati'itɨariwatsie 'atahutamexɨa kanikwaxiyarieka.