Memeyekɨ 5:22 - Kakaɨyari Niukieya

²² Muitsexi Yawé mɨpaɨ katiniutahɨawe: —Neuxei, Yawé, ¿titayari 'ikɨ kiekari 'axapetiyuriene? ¿Mɨpaɨ mɨti'anenikɨ penereyenɨ'a?

Memeyekɨ 5:22 ပူးပေါင်းရင်းမြစ်များ

Keremiyaxi 20:7

Yawé, pepɨnetsi'ukwamanaxɨ 'aniuki witsi'anemekɨ, neta nepɨmatsi'anu'eni. 'Ekɨ matsi waɨkawa pepɨtɨrɨkaɨyekai, pepɨnetsi'a'iwaxɨ. Yunaitɨ teɨteri mepɨnetsinanaima, yamepɨnete'atse tukarikɨ.

'Awakuki 2:3

Karikɨ kepemɨtiunierixɨ yakatiniyɨmɨkɨ yemekɨ kepauka tukaritsie yamɨtiyɨnikekai, tukari kaniyemieni maye'anikɨ, mɨkɨ tukari pɨkahayewarieni mɨka'aye'anikɨ. Tsepanetɨ 'amɨreɨtewini yakatiyɨwetɨ, keneta'ikwewani, mɨkɨ tukari kanaye'amɨkɨ kahauyewekamekɨ.

Nɨawari 73:25

¿Kemɨ'ane 'aku muyuawitsie nepexeiya metsɨ 'ekɨ xeikɨa? Xɨka 'ahamatɨa ne'uyeikani, kwiepa timiemeri nepɨkareuyehɨwa.

1 Te'aitamete 19:10

Mɨpaɨ katinitahɨawe 'Eriyaxi: —Ne nepɨmatsinaki'erie waɨkawa yemekɨ, Yawé Kakaɨyari Naimekɨmɨtɨrɨkaɨye pemɨhɨkɨ. 'Ixaheritsixi mekaniku'eirieni 'atɨratu, mawari taiyame 'ahetsɨa mieme mekaniuti'una, meta 'ahetsɨa miemete 'aniukamete mekaniwarukwini 'ixiparakɨ. Ne xeikɨari nekaniuyeikani nexaɨtame, hikɨta ne mekaneniwautɨweni menetsimienike.

1 Te'aitamete 19:4

hikɨ kaneyani makumawetsie xeitukari kaniumiekaitɨni. Kepauka 'umietɨ 'ɨtsi hetɨa kaninuani, mɨkɨ 'etɨriyayatɨa kaniutayerɨni 'ari heumɨmɨtɨ, mana mɨpaɨ kaniutayɨni: «Yawé 'aku, 'ari nepu'uxeri. Netukari keneneunawairi, ne'ukiyarima ke'aixɨa memɨte'u'iyarikai mɨpaɨkuta nepɨkatiuka'iyari».

1 Tsamuheri 30:6

Hikɨ Rawiri kaneumakaitɨni, karikɨ kuyaximama me'itituaxixɨanike pɨ'eriekai mɨpaɨ memɨtekuxatakaikɨ, memɨte'uka'eniwakaikɨ yuniwema yunaime memɨwarutatɨmaikɨ. Matsi Rawiri kaniutɨrɨkariyarieni, Yawé yukakaɨyari hetsie yuri ti'erietɨ.

'Inɨatsie 11:11

Muitsexi Yawé kaniutahɨawe nenewierikɨ: —Xɨka ne neti'a'uximayatsiriwametɨni, ¿titayari peneti'uximatɨa? ¿titayari pekanetiparewie, teɨteri yunaitɨ nehetsie memɨte'uhɨpanikɨ penetihɨritɨa?

Memeyekɨ 17:4

Hikɨ Muitsexi Yawé kaniutahɨawe, mɨpaɨ katinita'iwawiya: —¿Kenetiyurieni 'ikɨ teɨteri wahetsiemieme? Peuyewetse 'etsiwa xeikɨa memɨnetsimienikɨ tetexikɨ.

Keremiyaxi 12:1

'Ekɨ, Yawé heitseriemekɨ pekatinikuxatani kepauka nemɨniukixie 'ahamatɨa. Matsi hikɨ nepɨmatitaxatɨanikeyuta 'etsiwa tita mɨtiheitserie hepaɨtsita. ¿Titayari 'axamemɨte'u'iyari 'aixɨa mete'itɨarie? ¿Titayari teyukwamanamete kayuwatɨ mete'u'uwa?

Keremiyaxi 4:10

Ne mɨpaɨ nekaniutayɨni: «Neuxei, Yawé nekakaɨyari, pepɨwakwamanane 'ikɨ teɨteri meta Kerutsaremetari. Mɨpaɨ peputayɨ: “Kayuwatɨ mepexeiyani”, peru xɨari 'ixipara wakɨipitɨa peuwe».

Kutsuhexi 7:7

Kutsuhexi Kakaɨyari mɨpaɨ katiniutahɨawe: ―Yawé Kakaɨyari, ¿Titayari 'ikɨ teɨteri petiwaranawitɨ Kurutanitsie, meta petiwayetua 'amuxeutsixi wahetsɨa memɨkwinikɨ? Matsi kuta haa manuyeka 'anutaɨye temɨneyuhayewakaitɨni.