Memeyekɨ 5:2 - Kakaɨyari Niukieya

² Parahuni mɨpaɨ kaniutayɨni: —¿Kemɨ'ane mɨkɨ Yawé pɨhɨkɨ, para ne nemenu'enienikɨ 'ixaheritsixi nemɨwapitɨanikɨ? Ne Yawé nepɨkamate, ne nepɨkawapitɨani 'ixaheritsixi memɨyehukɨ.

Memeyekɨ 5:2 ပူးပေါင်းရင်းမြစ်များ

Memeyekɨ 3:19

Nepɨtimate ti'aitame 'Ekipitu kiekame pɨkaxehepitɨani, waɨriyarika ne'ipitɨayuke xekanayekɨnikuni.

Kuwi 21:15

¿Kemɨ'ane Naimekɨmɨtɨrɨkaɨye pɨhɨkɨ, tame temeyexeiyanikɨ? ¿Ketita teteha'iwa xɨka xeikɨa tame nenewieri te'iyetuirieka?”

2 Te'aitamete 18:35

Mɨkɨ kakaɨyarixi mɨkɨ kwieyaritetsie miemete nixewitɨ yukwieyari pɨka'utawikweitsitɨa nehetsɨa. ¿Merikɨte Yawé ketiyɨwe Kerutsareme mɨtawikweitsitɨani nehetsɨa?»

2 Tetsarunikatari 1:8

Heitseriemekɨ kaniwaranutaxɨriemɨkɨ mɨkɨ memɨka'imate Kakaɨyari, mɨkɨ yamemɨkatekahu Tati'aitɨwame Ketsutsi niukieya 'aixɨa manuyɨne hetsie.

Xumatari 1:28

Mɨpaɨ memɨkateku'eriwakaikɨ kename 'aixɨa 'ane Kakaɨyari ma'eriwanikɨ, 'ayumieme Kakaɨyari kaniwayetuani kemɨkatinake yamemɨteku'eriwanikɨ, kemɨkatinake memɨteyuriekakɨ.

Wani 16:3

Mɨpaɨ mekateniyurikuni memɨka'imatekɨ ne'ukiyari, meta memɨkanetsimatekɨ ne.

Nɨawari 14:1

'Atsimɨkatimate yu'iyaritsie mɨpaɨ kaniutaineni: «Kakaɨyari pumawe». Mɨkɨ mepɨtipɨnirɨme, xani'eriwamekɨ yameteyurietɨ. Xewitɨtɨma pɨka'uyeika 'aixɨa tiyurienetɨ.

Nɨawari 12:4

mɨpaɨ memutiyuane: «Taniukikɨ tekatenayu'iwakuni, tanenikɨ xeikɨa tekaneuta'ɨka. Nixewitɨ tame pɨkatatsikema».

Nɨawari 10:4

'Axatiyuruwame teikɨ peneniere 'uyuta'ɨretɨ, 'etsiwatɨma Kakaɨyari pɨkaku'eriwa.

2 Kemɨtiuyɨ 32:19

Kerutsareme kiekatari wakakaɨyari mekanixatakaitɨni hipatɨ nuiwarite kwiepa memɨtama wakakaɨyarixi wahepaɨ 'aneme mekanayeitɨwakaitɨni, mamakɨ memɨwewiyatɨka.

2 Kemɨtiuyɨ 32:15

Nɨka xete'u'itaiyarieni meta 'Etsekiyaxi yuri xepɨkate'eririeka. Xepɨka'i'enieka. Xɨka nixewitɨ kakaɨyari mɨkɨ nuiwarite meta te'aitamete wahetsɨa mieme ka'uyɨwekaxɨani mɨwatawikweitsitɨani nehetsɨa meta meripaitɨ ne'ukiyarima te'aitamete wahetsɨa, xeme matsi xekakaɨyari pɨkayɨwekaxɨani mɨxetawikweitsitɨani nehetsɨa”».

1 Tsamuheri 2:12

'Eri niwemama 'axamepɨte'u'iyarikai, Yawé mepɨka'eniekai.

Memeyekɨ 7:17

Yawé mɨpaɨ kanaineni: ‘Hikɨ pepɨretimani kename ne Yawé nehɨkɨ.’ 'Ikɨ kɨye nemekwe'ekɨ haa Niru mieme nekaniwamɨkɨ, hikɨ mɨkɨ haa naitɨ xuriya kanayeimɨkɨ.

'Itsɨkate 2:10

Meta mɨkɨ 'ana mana memu'uwakai yunaitɨ mekaniukwini, hipatɨ pɨta mekaniuneni Yawé memɨkamaikai meta 'atsimemɨkatemaikai kemɨtiuyuriekai 'ixaheritsixi wahetsiemieme.

2 Kemɨtiuyɨ 32:14

Mɨpaɨta yaxeikɨa mɨkɨ nuiwarite ne'ukiyarima memɨwaruka'unaxɨ mɨkɨ wakakaɨyarixi nixewitɨ mɨkawarutawikweitsitɨa hepaɨ nehetsɨa, yaxeikɨata 'ikɨ xekakaɨyari pɨkayɨwekaxɨani mɨxetawikweitsitɨani nehetsɨa.

Nehemiyaxi 9:10

Mariweme pepɨtiuyuri waɨkawamexɨa Parahuni hetsɨa, 'iparewiwametemama meta yunaitɨ teɨteri, penieretɨ kememɨtewananaimakai 'ateɨterima kememɨwayuriekai. Mɨpaɨ petiuyurieku hikɨ pepukuxaxatsiwa naitsarie.

Keremiyaxi 42:13

»Peru xɨka xekahenu'enieni Yawé xekakaɨyari niukieya, xɨka mɨpaɨ xe'utiyuani: “Tame 'ikɨ kwieyaritsie tepɨkatahayewa,

Keremiyaxi 48:26

»Muhawi xekeneuhayewa matiwenikɨ tawekame hepaɨ, Yawé hɨxie mariweme mayuyeitɨakɨ. Yuhayaritsie ke'ukaweni, 'atsieriwame kehayani.

Tanieri 3:15

Hikɨ kepauka kanarite yuariyaya xemɨ'enieni, 'ɨkiya nemuta'ai hɨxie xekenanakatutsitaxɨa meta hɨxiena xekeneutitunuma'uti. Mexɨka mɨpaɨ xɨka xeka'uyɨni, yapauka huxunu mɨwatita'atsie xekaneukaxɨriyakuni, 'ana pɨkayɨwekaxɨani xewitɨ kakaɨyari mɨxetawikweitsitɨani kenemɨxeyurieni.

1 Tsamuheri 25:10

Merikɨte Nawari mɨpaɨ katiniwaruta'eiya: —¿Kemɨ'aneri mɨkɨ Rawiri pɨhɨkɨ? ¿Kemɨ'ane 'Itsahi punu'aya? 'Ikɨ tukaritsie yumɨiretɨ te'uximayatamete mekaniwaruku'e'eiriwani yukutsiyarima.

Kuwi 15:25

Kakaɨyari mu'unikɨ heu'u'urawitɨ, Naimekɨmɨtɨrɨkaɨye hepaɨtsita mariweme mayuyeitɨakɨ.

Kuwi 15:26

Yɨkɨipi heitserie 'anukuhanatɨ Kakaɨyari mutamikɨ, 'atsutsuime 'a'ɨtɨ yuheima nunuwame mɨtɨrɨkawi.

Nɨawari 12:5

Yawé mɨpaɨ kanaineni: «Hikɨ nekananukukemɨkɨ, memɨ'uximatɨarie nekaniwatawikweitsitɨamɨkɨ, tixaɨtɨ mɨkarexeiya mɨnanaimariekɨ, mɨreuyehɨwa mɨtiuka'eniwakɨ».

Temaiwawemete 30:9

Waɨkawa xɨka nerexeiyani nepɨmatsihatɨmaiyawe, mɨpaɨ ne'utaitɨ: “¿Yawé kemɨ'ane pɨhɨkɨ?” Meta xɨka 'etsiwa xeikɨa nerexeiyanike tinawayame nepayeiwe, 'ekɨ nekakaɨyari 'axapemɨtitahɨawarienikɨ xeikɨa.