Memeyekɨ 5:10 - Kakaɨyari Niukieya

¹⁰ Te'aitamete 'ekipitutari mekanayekɨne 'ixaheritsixi memɨtewata'aitɨanikɨ, meta teɨteri memɨtewa'aitɨa mɨpaɨ mekateniwarutahɨawe: «Parahuni mɨpaɨ kanaineni: “'Ɨxari xepɨkayetuiriyarieniri.

Memeyekɨ 5:10 ပူးပေါင်းရင်းမြစ်များ

Memeyekɨ 1:11

Mɨpaɨ mekateniuyurieni 'ekipitutari, te'aitamete mekaniwarutihɨawe 'ixaheritsixi memɨtewata'aitɨanikɨ, 'uximayatsika mekaniwaruxatɨani waɨriyarika mewapitɨatɨ, Parahuni hetsiemieme kiekari 'ikwai mɨreuta'ɨnarɨwa Pituni mɨtitewa meta Xamɨtsexi.

Temaiwawemete 29:12

Kwiepa ti'aitame xɨka memɨte'itawa xeikɨa wareu'enieka, yunaitɨ te'i'uximayatsiriwamete 'axamekateniu'iyarikakuni.

Memeyekɨ 3:7

Peru Yawé katinikuxatakaitɨni: —Yurikɨ nepɨniere kememɨte'uka'eniwa neteɨterima 'Ekipitu kwieyaritsie. Nepɨwa'enie kememɨte'uximatɨarie memɨtewa'aitɨa wahetsiemieme, nepɨtimate kememɨte'uka'eniwa.

Memeyekɨ 5:6

Mɨkɨ tukaritsie Parahuni mɨpaɨ katiniwaruta'aitɨani te'aitamete 'ekipitutari meta 'ixaheritsixi memɨtewa'aitɨa:

Memeyekɨ 5:9

Kwinimieme ti'uxiyakame xekeniwa'aitɨaka. Xeketeniwa'aitɨaka yamemɨte'uximayakakɨ. Mɨpaɨ 'itarika mepɨkahanu'enieni».

Memeyekɨ 5:11

Xemeri xekaniwauyuni tsepa hakewa xemeikaxeiya, perutsɨ yaxeikɨa paɨmeme xepɨtiwewiwani kexemɨte'aitɨarie”».

Kitsariyaxi 30:6

'Ikɨ kanihɨkɨtɨni kenemutayɨ tewaxi wahepaɨtsita Nekexi makumawetsie memuyekɨka: Kwiepa kweriwa'anekɨa 'uximatɨarika tsata, mayetsi mexuawekaku, kuuterixi mexuawekaku meta kuuterixi memawɨwawe, mɨkɨ mekatenetɨni puxuri wahetsie nuiwari tixaɨtɨkɨ memɨkateyunaki'erie mana tita waɨkawa memɨtehexeiyakai, tita waɨkawa mɨraye'atɨka memɨtehexeiyakai kameyutsixi wahetsie mekatene'ikata.