Memeyekɨ 40:16 - Kakaɨyari Niukieya

¹⁶ Muitsexi yapɨtiuyuri naime Yawé kemɨtita'aitɨa.

Memeyekɨ 40:16 ပူးပေါင်းရင်းမြစ်များ

Hutarieka 'inɨari 4:1

»'Ixaheritsixi, 'ikɨ xekeneu'eni 'aitsika 'inɨari niukiyari kenemɨtixe'u'ɨkitɨa, kemaine yaxemɨtekahunikɨ. 'Ana mɨpaɨ xeteyurietɨ xekaneutahaxɨakuni 'iya kwieyaritsie Yawé tatutsima wakakaɨyari mɨxeyetuirietsie xekwie mayanikɨ.

1 Kurinitutari 4:2

Kamɨtsɨ kemɨ'ane 'ena mɨtiuhɨritɨarie, kaneuyeweka yamɨtikamienikɨ.

Mateu 28:20

xetewa'ɨkitɨatɨ yamemɨtekahunikɨ naime xeme kenemɨtixe'u'aitɨa. Yurikɨ mɨpaɨ xeketenemaika, netsietɨ tukarikɨ xehamatɨa nekaniuyeikamɨkɨ, kepaukake kwie meutipare. Mɨpaɨ xeikɨa kani'aneni.

Kitsariyaxi 8:20

ne mɨpaɨ nekatinixehahɨaweni: «'Inɨari niukiyari meta kepemɨtiwatahekɨatɨanikɨ mɨ'ayumiemetsie xeketenewiyani». Kemɨ'ane mɨkɨtsie tiwiyatɨ mɨtihayewa, 'uxa'atɨni pɨkakahekɨariwiyarieni.

Hutarieka 'inɨari 12:32

»Neuxei 'amarima 'aixɨa naimetsie yaketinekaye'a kenemɨmati'aitɨa hikɨ, tawarita peka'enutiyayatsatɨ meta peka'enakaxɨrɨwatɨ.

Hepɨrayutsixi 3:2

Mɨkɨ yakatinikamieni kemaine kemɨ'ane mihɨritɨa, yaxeikɨa kemɨtikamiekai Muitsexi, Kakaɨyari kie kiekatari wahepaɨtsita hɨritɨarietɨ.

Hepɨrayutsixi 3:5

Merikɨtsɨ, Muitsexi yapɨtikamiekai Kakaɨyari kie kiekatari yunaime wahepaɨtsita kemɨtiuhɨritɨarie, peru tiparewiwame kanihɨkɨtɨkaitɨni xeikɨa mukayerie mɨtihekɨatanikɨ tita 'arike mɨtikuxaxatsiwanikekai hepaɨtsita.

Memeyekɨ 40:15

mɨkɨta keniwarukawiri hatseiti mɨtiyupatakɨ wapaapa hepaɨ, mɨkɨ memɨteta'uximayatakɨ nemawari wewiwametekɨ. Kememɨte'ukawiriyarie mɨkɨ pɨ'inɨaritɨni yuheyemekɨ wanuiwari 'umemahu nemawari wewiwamete mepɨhɨkɨtɨni».

Keremiyaxi 13:5

Hikɨ nekaneyani Perati paitɨ nekaneiti'awieta, Yawé kemɨnerahɨawekai.

Tsutɨarika 6:22

Hikɨ Nuhexi mɨpaɨ katiniuyurieni, Kakaɨyari kemɨtita'aitɨa.

Memeyekɨ 7:6

Muitsexi 'Aruni hamatɨa yamekatenikakɨne Yawé yemekɨ kemainekai.

Mawari 8:9

'Imatɨrieka 'ixuriki xupureruyari mu'uyatsie kanenutiketsirieni, hɨxiena huru tepɨayari kanenuyeketsirieni 'inɨari mɨhɨkɨtɨnikɨ kename patsie Yawé hetsiemieme, Yawé Muitsexi kemɨtiuta'aitɨa.

Mawari 8:13

Kuitɨwata Muitsexi 'Aruni niwemama 'ahurawa kaniwarutakwewieni, kamixa 'amɨtɨtɨkɨ, 'ana kaniwarutikemaritɨani wahɨiyamekɨ kaniwaranahɨaxɨani, meta mukuretsi kaniwarana'uitɨirieni mawari wewiwamete memɨhɨritɨarie memakɨnekɨ. Yaxeikɨa Yawé kemɨtita'aitɨakai.

Mawari 8:21

Kwinurieyata hakɨ kaniutihauxini meta 'ɨkateya, hikɨta mawari taiyametsie muxa 'uki naime kaniutataiya mawari taiyariyari mayanikɨ Yawé minake witsimu'ɨa, mawari taipa warɨkariekame Yawé hetsɨa mɨyetuiwa kanihɨkɨtɨni. 'Ikɨ 'imikieri taiyariyari, Yawé Muitsexi kemɨtiuta'aitɨakai.

'Inɨatsie 1:19

Muitsexi yakatinikayani, Yawé kemɨtita'aitɨakai. 'Ikɨ Muitsexi kaniwaraka'utɨani Tsinahi 'uyeikatɨ makumawatsie.

'Inɨatsie 9:22

Tsepa huta tukari yatɨni xeimetseri yatɨni mɨixa tukari, 'ixaheritsixi mana mekaniyukuhayeikawakaitɨni mekapekɨkakai, kepaukata meyeikakai hai mekanekɨkakaitɨni 'utɨmana.