Memeyekɨ 4:21 - Kakaɨyari Niukieya

²¹ Yawé Muitsexi mɨpaɨ katinahɨawekaitɨni mɨkatikuhayeikawanikɨ: «Kepauka 'Ekipitu pemunuani pepɨkatikuhayeikawani tita nematiuta'ɨkitɨa, Parahuni hɨxie 'inɨari pemɨwewienikɨ mamariwaweme. Neta 'iyarieya nepɨtseiriya neteɨterima mɨkawapitɨanikɨ.

Memeyekɨ 4:21 ပူးပေါင်းရင်းမြစ်များ

Xumatari 9:18

'Ayumieme kaninenimayaka kemɨ'ane mɨnenimayatamɨkɨ, tse'ime kanayeitɨani kemɨ'ane tse'ime mayeitɨamɨkɨ.

Kitsariyaxi 63:17

¿Titayari Yawé, petareuyexɨrɨwa 'ahuyeta, meta titayari ta'iyari petitseiriya temɨkametsimakaxenikɨ? Kenenua te'a'uximayatsiriwamete pemɨwanaki'eriekɨ, 'anuiwarite 'ahetsɨa miemete yuheyemekɨ memɨhɨkɨ.

Kutsuhexi 11:20

matsi Yawé wa'iyari kaniutseiriyaxɨani memɨwaraye'unie kaniwaruyuitɨani memɨwatakwinikɨ 'ixaheritsixi, mɨpaɨ katiniuyurieni Kananitari memɨka'unarienikɨ mawari hepaɨ, 'ixaheritsixi mekawanenimayatɨ, Yawé Muitsexi kemɨtiuta'aitɨakai.

Wani 12:40

«Kaniwarakɨpiriya wahɨxita, meta wa'iyari kaniutse'iriya, kapa yuhɨxikɨ me'unenierekɨ, meta yu'iyarikɨ meheitimaixɨanikɨ, kapa mete'uhayewayu 'aixɨa meteheu'eriekame newarayeitɨanikɨ».

Memeyekɨ 14:8

Yawé Parahuni 'iyarieya kaniutseiriya 'Ekipitu ti'aitame, para 'ixaheritsixi mɨwaranukuweiyakɨ, mɨkɨ mekaniuhukaitɨni mete'ayu'iwake meyu'erietɨ.

Memeyekɨ 9:35

Yaxeikɨa puyɨ Yawé Muitsexi kemɨrehɨawekai, ti'aitame Parahuni yu'iyaritsie pɨtse'ikai pɨkawarupitɨa 'ixaheritsixi memayekɨnekɨ.

Memeyekɨ 9:12

Peru Yawé Parahuni 'iyarieya kaniutseiriya, Yawé Muitsexi kemɨtiutahɨawekai, 'ayumieme Parahuni Muitsexi 'Aruni mame pɨkawa'enimɨkɨkai.

Memeyekɨ 7:13

Mɨya tiuyɨku Yawé kemɨtiwarahɨawekai, Parahuni yu'iyari kaniutseiriya pɨkawaru'eni kememɨtekuxatakai.

Memeyekɨ 3:20

'Ayumieme netɨrɨkariya nepɨhekɨata, nepɨtiwakwinitɨani 'ekipitutari 'inɨari kenemɨtiwewieni mariwemekɨ watsata. Naitɨ mɨkɨ ranuyeyayu Parahuni pɨxepitɨani xemɨyehukɨ.

Memeyekɨ 10:20

Peru yaxeikɨa Yawé Parahuni 'iyarieya putseiriyaxɨ, pɨkawarupitɨa memayekɨnekɨ 'ixaheritsixi teɨteriyari.

Memeyekɨ 7:3

Ne Parahuni 'iyarieya nepɨtseiriya tsepa 'inɨari mamariwaweme nemutiwewi 'Ekipitu.

Kitsariyaxi 6:10

'Ikɨ teɨteri wa'iyari tsetse'ime kenayeitɨa, wa'enakareme kenanunaxɨa meta mekaheuneniereme keniwarayeitɨa, nɨkahɨrixɨa me'uneniere, me'u'enanani, meta yu'iyarikɨ meheitimaixɨani, kapa mete'uhayewame 'aixɨa meteheu'erietɨ mehayeitɨarieni».

Memeyekɨ 14:4

Ne, nepipitɨani 'iyarieya tse'ime Parahuni, mɨxe'anukuweiyakɨ. Peru ne mariweme nepaneyeitɨani Parahuni hɨxie meta kuyaximama wahɨxie. 'Ana 'ekipitutari mɨpaɨ mepɨtehetimani kename ne Yawé nehɨkɨ». Hikɨ mɨpaɨ mekaniuyɨni 'ixaheritsixi.

1 Pekuru 2:8

metatsiere mɨpaɨ paine: «mɨkɨ tetetsie mepɨtiketamɨre meta tete mɨwarekaxɨrieni kanihɨkɨtɨni». Mɨkɨ mekaniutiketamɨreni niukitsie yamemɨkatekahukɨ, mɨpaɨ memɨteyurienikɨ memɨ'ayumiemetetɨkaikɨ.

2 Kurinitutari 2:16

Memɨkwixime wahekɨ tepumɨki'ɨa temɨwaraye'eritɨwakɨ kememɨtekwini, peru mɨkɨ memɨtawikweitsitɨariexime wahekɨ teputukari'ɨa temɨwaraye'eritɨwakɨ kememɨte'ayeneniereni. ¿Merikɨte, kepaikɨ pikema 'ikɨ naime?

Xumatari 1:28

Mɨpaɨ memɨkateku'eriwakaikɨ kename 'aixɨa 'ane Kakaɨyari ma'eriwanikɨ, 'ayumieme Kakaɨyari kaniwayetuani kemɨkatinake yamemɨteku'eriwanikɨ, kemɨkatinake memɨteyuriekakɨ.

Nɨawari 105:25

'ayumieme mepɨwaruyehekaxɨ teɨterimama meta te'i'uximayatsiriwamete mewananaimatɨ mepakɨ.

1 Te'aitamete 22:22

Yawé mɨpaɨ katinitahɨawe: “¿Kehapaɨ petiyurieni?”. 'Iyari mɨpaɨ kaniutayɨni: “Nepɨyemie hikɨ 'iyari mɨti'itawa nepayani yunaime 'aniukametema 'Akawi hetsɨa memɨmiemete wahetsie”. Hikɨ Yawé mɨpaɨ katinitanɨ'ani: “Kenemie mɨpaɨ ketinekaye'a, pepeyɨwekaxɨani pepeikemakaxɨani”.

Hutarieka 'inɨari 2:36

'Aruhexi temikatsutɨa, kiekari 'Axinuni 'akiyari tetsita mukuma, meta Karaha paitɨ, nixewitɨ kiekari pɨkatatsi'a'iwaxɨ, Yawé takakaɨyari xexuime kiekarite pɨtatsiyetuiri.

Tsutɨarika 6:3

Hikɨ Yawé mɨpaɨ kaniutayɨni: «'Ari ne'iyari tewi hetsie pɨkayekani, tewi mɨmɨwe xeikɨa kanihɨkɨtɨni, xeitsienituyari heimana xeitewiyari wiyari xeikɨa puyuruwani».

Memeyekɨ 8:32

Matsi Parahuni tawarita yu'iyari kaniutse'iriya, pɨkawarupitɨa memɨyehukɨ.

Memeyekɨ 10:1

Hikɨ Yawé Muitsexi mɨpaɨ katiniutahɨawe: «Kenemie Parahuni ketinetaxatɨa, netsɨ nepɨtiuyuri kayuwaɨriyame nemayeitɨa meta te'i'uximayatsiriwamete wa'iyari nemutseiriyaxɨa, yanemɨtiyurienikɨ wahɨxie 'inɨari mamariwawemekɨ.

Memeyekɨ 10:27

Perutsɨ Yawé yaxeikɨa pɨtiuyuri Parahuni 'iyarieyatsie, mɨkɨ pɨkawarupitɨa memɨyehukɨ,

Memeyekɨ 11:9

Yawé Muitsexi mɨpaɨ katiniutahɨawekaitɨni kename Parahuni kahenu'enienikekai, meta kename mɨpaɨ matsi reuyewekai, Yawé mariweme mɨtiyurienikɨ 'Ekipitu waɨkawamexɨa.

Memeyekɨ 11:10

Muitsexi 'Aruni matɨa 'inɨari 'ikɨ mɨmamariwawe mepuwewi Parahuni hɨxie, peru Yawé 'iyarieya putseiriyaxɨ, mɨkɨ kwieyaritsie memayekɨne 'ixaheritsixi pɨkawarupitɨa.

Nɨawari 78:43

'Ekipitu mariwemekɨ kemɨtiuyuri, meta kemɨtiuyuri yutɨrɨkariyakɨ Tsuhani kwieyaritsie,

Memeyekɨ 3:19

Nepɨtimate ti'aitame 'Ekipitu kiekame pɨkaxehepitɨani, waɨriyarika ne'ipitɨayuke xekanayekɨnikuni.

Memeyekɨ 8:11

Temutsi mekaniyehuni mekanikumawerikuni 'ahetsie 'akiita meta 'ahetsɨa memɨte'uximaya wahetsie metatsiere 'ateɨterima wahetsie, Niru hatɨayaritsie xeikɨa mekaniyuhayewakuni.

Memeyekɨ 8:15

Hikɨ Parahuni 'aixɨa 'iyarieya kaniuyɨni, peru Yawé 'iyarieya kaniutseiriya, Yawé kemɨtiwarahɨawekai, Muitsexi 'Aruni mame pɨkawa'enimɨkɨkai.

Memeyekɨ 14:17

Ne 'ekipitutari wa'iyari nepɨtseiriya para memɨxe'anukuweiyakɨ. Ne mariweme nepɨtiyurieni. Parahuni kuyaximama, kaxetate meta teɨterimama memutei nepɨwareuyehɨani.