Memeyekɨ 4:1 - Kakaɨyari Niukieya

¹ Muitsexi tawarita kaniuta'iwauni: —¿Keneheyɨanenita xɨka yuri mekaneteheta'eririeni xɨka mekanetsihe'enieni? ¿Keneheyɨaneni xɨka mɨpaɨ menetehahɨaweni: “Yawé 'ahɨxie pɨkaheyuhekɨataxɨ”?

Memeyekɨ 4:1 ပူးပေါင်းရင်းမြစ်များ

Memeyekɨ 3:18

'Ukirawetsixi 'ixaheritsixi mepɨmatsi'anu'enieni, hikɨ mɨkɨ meta 'ekɨ ti'aitame hɨxie xepeti'uni mɨpaɨ xepetiyuani: “Yawé, hepɨrayutsixi takakaɨyari kanekuyeixɨani katatinekuxatɨani. Ketaneupitɨa temɨyehukɨ haika tukari te'uhutɨ mana Yawé takakaɨyari temɨteheitimawirienikɨ”.

Nɨ'ariekate 7:25

Mɨpaɨ katiniku'eriwakaitɨni kename 'iwamama metemaikakekai Kakaɨyari kemɨtiwatawikweitsitɨanikekai 'iya waparewiekaku, mɨkɨtsɨ mɨpaɨ mepɨkatemaikai.

'Etsekieri 3:14

'Iyari kanenanukuketɨani nehetsie katiniuwiya, nenutuixietɨ meta 'axanetiyɨkɨhɨawetɨ nekaneyani, Yawé tɨrɨkariyaya netsiwiyakaku karima.

Keremiyaxi 1:6

Ne mɨpaɨ nepɨtita'ei: «Yawé nekakaɨyari. Xɨa'ui 'akuxi 'aixɨa nepɨkareutaxatawe meta temaikɨ nepɨhɨkɨ yakɨnepɨnemate».

Memeyekɨ 6:30

Peru Muitsexi Yawé mɨpaɨ katiniutahɨawe: —¿Neranu'enienikuta Parahuni, ne 'aixɨa nepɨkatiuxaxata?

Memeyekɨ 4:31

mɨkɨkɨ teɨteri yuri mekateniuta'erieni. Mɨpaɨ mete'u'enanaka kename Yawé waxeiyakai kememɨte'uka'eniwakai waranuku'erienikekai, 'ixaheritsixi mekaniutihɨxima'uni meta Yawé mariweme mekanayeitɨani.

Memeyekɨ 2:14

Mɨkɨ kanita'eiya: —¿Kemɨ'anekuta 'ekɨ matsi'utahɨawixɨ 'itsɨkamekɨ tahetsie pemɨti'aitanikɨ? ¿Netsɨta penenemieni 'ekipitutanaka hepaɨ? Mɨyamɨtiutahɨawariekɨ Muitsexi waɨkawa kaniutimani mɨpaɨ katiniu'erieni: «Xɨari nepahekɨarixɨ kenemɨtiuyuri».

Memeyekɨ 3:15

Hikɨ Kakaɨyari Muitsexi mɨpaɨ katiniutahɨawe: —Mɨpaɨ ketiniwaretahɨawi 'ixaheritsixi: “Yawé xe'ukiyarima wakakaɨyari 'Apɨrahami, 'Itsahaki meta Kakuwu, pɨnetsiheyenɨ'a xehetsɨa. 'Ikɨ pɨhɨkɨ kenemɨtitewa yareuyuhanemekɨ, 'ikɨ pɨhɨkɨ kenemɨtitewa naitɨ nuiwarite manuyekɨne”.

Memeyekɨ 3:16

'Ekɨ kenemie 'ukirawetsixi keniwarekuxeɨri 'ixaheritsixi, mɨpaɨ ketiniwaretahɨawi: “Yawé xe'ukiyarima wakakaɨyari 'Apɨrahami, 'Itsahaki, Kakuwu, peyuhekɨataxɨ nehɨxie mɨpaɨ pɨnerahɨawekai: ‘Ne nepɨxexeiya, nepɨniere kexemɨtenanaimarie mana 'Ekipitu kwieyaritsie.

Memeyekɨ 4:10

Muitsexi mɨpaɨ kaniutayɨni: —Yawé, ne hatsuaku 'aixɨa nepɨkarekuxatani, 'ikɨ pɨkati'ane takai mɨtiuyukatsutɨa 'atu mɨtiuyukatsutɨa yahikɨ penetikuhɨawekaku, heitseriemekɨ waɨriyarika nepɨtiutaxaxata.

Memeyekɨ 4:30

'Aruni naime katiniwarutaxatɨakaitɨni Muitsexi Yawé kemɨrehɨawekai, yunaime wahɨxie 'inɨari kaniuwewieni,

Memeyekɨ 6:12

Peru Muitsexi Yawé mɨpaɨ katiniutahɨawe: —'Ixaheritsixi matsi mepɨkanetsiheu'enieri Parahuni kenetiu'enieni meta 'aixɨa nepɨkatiuxaxata.

1 Te'aitamete 13:3

Mɨkɨ tukaritsie kwitɨwa mɨkɨ tewi Kakaɨyari hetsɨa mieme 'inɨari kaniutaxata: «'Ikɨ 'inɨari kanihɨkɨtɨni Yawé mɨxeyetuirie: Mawari taiyame kanika'unimɨkɨ, meta naxiyari kanita'enixɨamɨkɨ».

'Itsɨkate 6:17

Kerehuni mɨpaɨ kaniutayɨni: ―Xɨka 'aixɨa penetimaika, 'inɨari mariweme ketineuyuri kename 'aku 'ekɨ peyɨane nehamatɨa pemɨtikuxata.