Memeyekɨ 34:7 - Kakaɨyari Niukieya

⁷ nepɨtiuyukanaki'erie 'atsita xeimiriyari nuiwariyaritsiepai 'arike, nepɨyɨweta xeime nemɨreuyehɨwirienikɨ xɨka 'axatiuyurieni, xɨka kahau'enani, meta xɨka xurikime hexeiyani, peru nepɨkayɨwe nemihayewa kemɨ'ane mɨrapine nemɨkatikwinitɨanikɨ, matsi paapaya, nu'aya, teukarieya, meta tutsieya nuiwariyaya pɨwa'uximatɨwa.

Memeyekɨ 34:7 ပူးပေါင်းရင်းမြစ်များ

Nɨawari 103:3

Mɨkɨ pɨmereuyehɨwirie naime 'axakepemɨtiuyuri meta kepemɨtiuka'eniwa naime 'aixɨa kameniyurieka,

'Epetsutari 1:7

Mɨkɨ xuriyaya mutayeuriyakɨ, hetsiena tetewiyatɨ tekaniuxɨnarieni. Tekateneuyehɨwiyarieni 'axaketemɨte'uyuri. Mɨpaɨ katatineuyehɨwirieni kwinimieme 'aixɨa tiuka'iyaritɨ.

Keremiyaxi 32:18

'Anaki'eriya heitserie pumatsiɨkɨ meyuwaɨkawame wahetsie, peru meta waniwema 'ukitsi pepɨtiwakwinitɨa wa'ukiyarima 'axamete'uyurieku. Kakaɨyari pemɨmariwe pemɨtɨrɨkaɨye, Yawé Naimekɨmɨtɨrɨkaɨye pemɨtitewa.

1 Wani 1:9

Mexɨka te'itahekɨata tita 'axatemɨte'uyuri, mɨkɨ kemaine yapɨtikamie, kemɨtiheitserie yapɨtiyuriene, tita 'axatemɨte'uyuri pɨtareuyehɨwirieni, katani'itirieka naime mɨkatiheitserie.

Tanieri 9:9

Peru mɨyatɨtɨ tsepa temɨmatsi'uku'eiriekai tematsi'aye'unietɨ temakɨ, 'ekɨ, Tati'aitɨwame, Kakaɨyari pemɨti'akanenimaya meta pemɨtareuyehɨwirieni pekanihɨkɨtɨni.

Nɨawari 130:4

Peru 'ekɨ pepɨtareuyehɨwiriwa, 'ayumieme peuyewetse temɨmetsi'ayemakaxenikɨ.

Kuwi 10:14

'Ekɨ pepɨnetsixeiya, xɨka 'axanetiuyurieni meta pepɨkanerauyehɨwirieni 'axakenemɨtiyurienitsie.

Memeyekɨ 23:7

»Xeime tewi pepɨkaxanetani 'itarikakɨ. »Pepɨkawatakukuyani teɨteri 'atsimemɨkateyurie yamemɨtekahu, ne kemɨ'ane hetsie mɨrahɨiwa 'atsikatiyuruwame nepɨkahayeitɨa.

Nahumi 1:6

¿Kemɨ'ane pɨyɨwe mɨtiunewieni haxɨaya hepaɨtsita? ¿Kemɨ'ane putawikweiwe haxɨaya mɨtiyukukuinetsie? Haxɨaya tai hepaɨ katiniyukukuineni, hɨxiena tetexi kanititarikeni.

Tanieri 9:4

'Ikɨ nenewieri kanihɨkɨtɨni meta kenemɨtiyutahekɨataxɨ: »“Yawé, Kakaɨyari pemɨmariwe meta meuyewetse pemɨmakaxiwani, 'atɨratu hepaɨtsita 'aixɨa pepɨtiuka'iyari pemeye'atɨwa memɨmatsinaki'erie meta kepemɨti'aita yamemɨtekahu wahetsie:

Hepɨrayutsixi 12:29

Metsɨ «Takakaɨyari tai naime mɨtitixɨtsitɨwa hepaɨ kani'aneni».

'Epetsutari 4:32

'Aixɨa xete'u'iyaritɨ xekenakɨni, xekeneyunenimayaka, xeketeneuyuyehɨwirieka, xeme Kakaɨyari kemɨtixeheuyehɨwiri Kɨritsitu hetsie xetewiyakaku.

Nɨawari 86:15

'Ekɨ peru, Ti'aitame, Kakaɨyari pepɨtiuyukakwewimɨkɨ petiuyukanenimayatɨ, pepɨkahayu'eriya, waɨkawa peti'akanaki'erietɨ meta yuri pehaitɨ.

Mikeyaxi 7:18

Pumawe Kakaɨyari 'ahepaɨ tiuka'iyaritɨ, 'axamɨti'ane mɨtareuyehɨwiriwa meta tixaɨtɨ mɨkarayeitɨwa ke'axamemɨte'uyuri teɨterima memuyuhayewaxɨ. 'Aheyemekɨ pepɨkaha'a, naki'eriya mɨmatsinakekɨ pɨta.

Nehemiyaxi 9:32

»Hikɨta, takakaɨyari, Kakaɨyari pemɨmariwe, pemɨmakaxiwa meta pemɨtɨrɨkaɨye, tɨratu pemaye'atɨwa meta yapepɨtikamie, 'etsiwa tiuyɨme pepɨka'erieka kememɨte'ukwinitɨarie, tate'aitɨwamete, kuwexinaruritsixi, mawari wewiwamete meta 'aniukamete, ta'ukiyarima meta teyunaitɨ 'ateɨteri, te'aitamete 'Atsiriya kiekatari memɨtatsi'a'iwaxɨtsietɨtɨ 'atsita hikɨ.

Nehemiyaxi 1:5

Mɨpaɨ nekatinitahɨawe: «Yawé, Kakaɨyari muyuawitsie pemakawe, pemɨmariwe pemayemakaxiwa, 'atɨratu pemaye'atɨwa, 'aixɨa pemɨtiuka'iyari memɨmatsinaki'erie wahetsie meta yamemɨtekahu kepemɨti'aita wahetsiemieme,

Nɨ'ariekate 13:38

»'Ayumieme mɨpaɨ xeketenemaika xeme ne'iwama, Ketsutsi hetsiemieme mɨpaɨ tepɨtexehekɨatɨa, tita 'axaxemɨteyurie xemɨteheuyehɨwiyarienikɨ,

Nɨ'ariekate 5:31

Kakaɨyari yɨtɨrɨkariyakɨ kanenutiwitɨni yutserieta kaneyeni Ti'aitame meta Tiyuwikweitsitɨwame, mɨxepitɨanikɨ 'ixaheritsixi xemɨtehayewanikɨ kexemɨteyurie, xemɨteheuyehɨwiyarienikɨ.

Kutsuhexi 24:19

Hikɨ Kutsuhexi mɨpaɨ katiniwarutahɨawe: ―Xeme xepɨkayɨwawe Yawé xemɨte'uximayatsirieka, mɨkɨ Kakaɨyari kanihɨkɨtɨni mɨpatsie meta Kakaɨyari mɨ'ɨtetsa. Pɨkatixeheuyehɨwirieni kepauka xe'eye'unietɨ xemakɨne meta kepauka 'axaxemɨteyurieni.

Hutarieka 'inɨari 32:35

Neta yaxeikɨa 'anemekɨ nepɨtiwarakapitɨani. Kepauka tukari yamɨraye'ani, mepekaxɨrieni. Tukari pehurari mexɨiwa paye'axime kememɨtekwine”.

Memeyekɨ 23:21

Keneu'enieka yaketinekamieni. 'Axapepɨkareyurieneni hɨxiena, nehetsiemieme kaniyɨaneni, pɨkamereuyehɨwirieni xɨka mɨpaɨ pereyurieni.

Matsiɨkɨtɨ kemɨratɨa 21:8

Peru memamatɨ memukunuaxɨa, yuri memɨkate'erie, memɨyutsewixima, memɨteyumemiwa, memɨwakumaɨwa memɨkawa'ɨitama meta memɨkawakɨnama, memɨteyukewaiya, tetexi memɨwarayexeiya, meta yunaitɨ memɨte'itawa, mɨkɨ yunaime wahetsie pɨtinakeni harakuna 'atsupɨrekɨ mɨta'atsie memeukaxɨriyanikɨ, hakewa hutarieka memekwinitsie».

Matsiɨkɨtɨ kemɨratɨa 20:15

Kemɨ'ane tukari mexeiyani xapayaritsie mɨka'aka'utsieni, mɨkɨ harakuna mɨta'atsie kaneukahɨiyamɨkɨ.

Rukaxi 7:48

Hikɨ 'ukaratsi mɨpaɨ katiniutahɨawe: —'Axakepemɨtiuyuri pepɨreuyehɨwiyarieri.

Rukaxi 7:42

Tixaɨtɨ memɨkatehexeiyakaikɨ memɨte'ipitɨanikɨ, mɨkɨ katiniwareuyehɨwirieni yuhutame. Merikɨte, ¿kemɨ'ane mɨkɨ matsi waɨkawa pɨnaki'erie tewi mɨtiwareuyehɨwiri?

Mateu 12:31

'Ayumieme mɨpaɨ nepɨtixekɨhɨawe, teɨteri mepɨteheuyehɨwiyarieni naime 'axakememɨte'uyuri meta 'axakememutiyua, peru mepɨkateheuyehɨwiyarieni kemɨ'ane 'axamemutiyua 'Iyari hepaɨtsita.

Mikeyaxi 6:11

¿Kename 'aixɨa 'ane nera'eriwani kirutame mɨtinawaya hepaɨtsita meta tepɨa mahete manuyeyaxike 'aixɨa mɨkareuku'inɨatsie?

Kitsariyaxi 45:21

Yaxekeneutiyua, xeketeneutahekɨata. ¿Kemɨ'ane 'ipaɨ putayɨ meripaitɨ, kemɨ'ane yaputayɨ meripaitɨ? ¿Kamɨtsɨ ne, Yawé, yanekatiutayɨ? Tawarita xewitɨ Kakaɨyari kaniumaweni, Kakaɨyari heitserie hexeiyatɨ meta tiyuwikweitsitɨwatɨ, tawarita xewitɨ kaniumaweni.

Nɨawari 136:15

Parahuni meta kuyaximama Haramara Mɨxeta hetsie mɨwarukayunitɨa, mɨkɨ hatsuaku pɨkatatsihayewa tatsinaki'erietɨ.

Nɨawari 136:10

Kemɨ'ane 'ekipitutari waniwema mexɨakate mɨwarukwi, mɨkɨ hatsuaku pɨkatatsihayewa tatsinaki'erietɨ.

Mateu 6:12

Ketatineuyehɨwirieka 'axatemɨte'uyurikɨ tameta temɨtewareuyehɨwirikɨ mɨkɨ 'axamemɨtatsi'uyuri.

Tsutɨarika 19:16

Ruti kayumexɨitɨakaku, niuki tuayamete mamayatsie mekanikawɨre, 'ɨyaya meta niwemama memuyuhutakai, kiekaritsie mekaniwaranuyewitɨni, Yawé mɨwarutinenimayataxɨkɨ.

Memeyekɨ 33:19

Yawé mɨpaɨ katinita'eiya: —Ne 'aixɨa nepɨtiuka'iyari nepɨnewaɨriya nepɨmatsixeitsitɨani meta kenemɨtitewa pepeitimani. 'Aixɨa nepɨtiuka'iyari kemɨ'ane hamatɨa nemɨnewaɨriya, nepinenimaya kemɨ'ane nemeunenimayatamɨkɨ.

Memeyekɨ 34:9

mɨpaɨ katiniuyunenewieni: —Ti'aitame, xɨka yemekɨ penetsiparewiwametɨni tahamatɨa keneuyuhayewa. Nepɨtimate 'ikɨ teɨteri yu'iyaritsie mepɨtsetse'i, hikɨ ketatineuyehɨwiri 'axatemɨte'uyurikɨ, 'ahetsɨa miemete ketanayeitɨa.

Hutarieka 'inɨari 7:9

»'Ayumieme, Yawé xekakaɨyari xekenetimati yuri Kakaɨyari mɨhɨkɨkɨ, Kakaɨyari heitserie yamɨtikamie, yutɨratu hepaɨtsita yamɨtikamie meye'atɨa tsepa nuiwarite waɨkawa memanuyekɨka, meta yunaki'eriya matsiɨkɨme payeitɨa kemɨ'ane meminaki'erie wahetsɨa meta 'aitsikayatsie yamemɨtekahu,

Hutarieka 'inɨari 7:10

matsi kemɨ'ane memixani'erie puwaka'una 'apɨkareutere mɨtiwarakapitɨanikɨ.

1 Te'aitamete 8:30

Keneneu'eni waɨkawa kenemɨmatiwawirie ne ti'a'uximayatsiriwame meta 'ateɨterima 'ixaheritsixi kepauka memɨyunenewie 'uwa. Ketane'enieka muyuawitsie paitɨ, hakewa 'ekɨ pemeyeika, ketaneu'eni meta ketatineuyehɨwiri.

2 Kemɨtiuyɨ 30:9

Yawé hetsɨa xɨka xe'u'axɨani, xe'iwama meta xeniwema memɨwarehapa mepɨwaretinenimayata, hikɨ memanuaxɨani 'ikɨ kwieyaritsie mepeyɨwekaxɨani. Yawé xekakaɨyari pɨtiuyukanenimaya meta mɨreuyehɨwirieni pɨyɨwe. Xɨka xeme ta'aurie xehaxɨrieni hetsɨana xe'u'axɨani, mɨkɨ hatsuaku pɨkaxeku'eirieni».

Keremiyaxi 9:24

Xɨka xewitɨ yuta'ɨrimɨkɨ, keyuta'ɨre mɨnetsimatekɨ meta mɨpaɨ mɨretimakɨ kename ne Yawé nehɨkɨ, nemɨti'uximaya kwiepa naki'eriyakɨ, heitseriemekɨ meta 'aixɨa 'anemekɨ, netsɨ mɨpaɨ kanetininakeni —Yawé mɨpaɨ kanaineni—.

1 Te'aitamete 8:32

'ekɨ keneu'eni muyuawitsie paitɨ meta kemɨtiheitserie ketineuyuri te'a'uximayatsiriwamete wahetsie. 'Uximatɨarika keneupitɨa kemɨ'ane 'axamɨtiuyuri yemekɨ kemɨreuyewetse hetsiena mieme, kemɨ'aneta 'axamɨkatiuyuri keneuxɨna heitserie 'amuyeikakɨ.

Nɨawari 25:11

'Aixɨa pemɨtikɨhɨawarɨwanikɨ Yawé, Kenetineuyehɨwiri waɨkawa 'axakenemɨtiuyurikɨ.

Nɨawari 99:8

Yawé meta takakaɨyari, 'ekɨ pepɨwaruta'ei, 'ekɨ wahetsiemieme Kakaɨyari petiwareuyehɨwirietɨ pepatɨa, meta kepauka pemɨwaru'uximatɨa 'axamete'uyurieku.

Nɨawari 109:14

Yawé, kena'eriwani paapaya ke'axamɨtiuyuri, meta maamaya kemɨtiuyuri.

Keremiyaxi 30:11

Karikɨ ne 'ahamatɨa nekaniuyeikani nemetsitawikweitsitɨanikɨ —Yawé mɨpaɨ kanaineni—. Yunaime nuiwarite nekaniwaka'unamɨkɨ yuheyemekɨ kemɨ'ane wahetsɨa nemetsiheutanɨ'akai. Peru 'ekɨ naime nepɨkametsika'una, matsi nepumatikwinitɨani kemɨtiheitseriekɨ xeikɨa, peuyewetsetsiere nemumatikwinitɨakakɨ”.