Memeyekɨ 34:6 - Kakaɨyari Niukieya

⁶ hɨxiena 'uyemietɨ mɨpaɨ kaniutayɨni: —Yawé, Yawé, Kakaɨyari 'aixɨa mɨtiuka'iyari, nepɨkayumexɨitɨa nemɨyeha'anikɨ, pɨmariwe nenaki'eriya, ne'iyarikɨ 'aixɨa nepɨtiuka'iyari,

Memeyekɨ 34:6 ပူးပေါင်းရင်းမြစ်များ

Nɨawari 86:15

'Ekɨ peru, Ti'aitame, Kakaɨyari pepɨtiuyukakwewimɨkɨ petiuyukanenimayatɨ, pepɨkahayu'eriya, waɨkawa peti'akanaki'erietɨ meta yuri pehaitɨ.

Kuheri 2:13

Yu'iyaritsie xekeneuyukatsanani yukamixatsie pɨkatixaɨ. Yawé yukakaɨyari hetsɨa xekeneu'axɨa, mɨkɨ pɨtiuyukanenimaya pɨkahayu'eriya, naki'eriyakɨ pɨhɨne kwitɨwa pɨka'uyeha'arɨwe, pɨyuwaɨriya naime mɨreuyehɨwirienikɨ meta pɨkarakwinitɨani.

Nɨawari 145:8

Yawé 'aixɨa pɨtiuka'iyari pɨtiyukanenimaya, pɨkahayu'eriya matsi waɨkawa pɨtiyukanaki'erie.

Nehemiyaxi 9:17

Mematsi'enienike mepɨkayuwaɨri, mariweme kepemɨtiuyuri wahetsiemieme mepɨkahaye'eri. Waɨkawa mepɨtsetse'ikai meta mepɨkaheu'enanakai 'atsita xeime mepanuyeye muwarakunuitɨanikɨ 'Ekipitu waɨriyarika memɨteha'uximayakaitsie. Peru 'ekɨ pepɨkawaruku'eiri Kakaɨyari pemɨtareuyehɨwirie pemɨhɨkɨkɨ, pemɨtiuyukakwewimɨkɨ meta pemɨtiuyukanenimaya, haxɨakɨ pekayumexɨitɨatɨ, peru waɨkawa petiuyukanaki'erietɨ.

Kunatsi 4:2

'Ayumieme mɨpaɨ katiniuyunenewieni Yawé hahɨawetɨ: ―Neuxei Yawé. Ne 'ikɨ nepɨxatakai nekwiepa neheyeikatɨ 'akuxi. 'Ayumieme meripaitɨri nepuyuta'unakai 'Itsipaniya paitɨ, ne mɨpaɨ nemɨtimaikaikɨ Kakaɨyari 'aixɨa pemɨtiuka'iyari pemɨhɨkɨ pemɨtiyukanenimaya, pemɨkahayu'eriya meta waɨkawa pemɨtiyukanaki'erie, pemɨ'awaɨriya hipame pemɨtiwareuyehɨwirieni meta pemɨkawakwini.

Nɨawari 86:5

Ti'aitame, 'ekɨ 'aixɨa pekatiniuka'iyarini meta pekanetineuyehɨwiriemɨkɨ, pɨmariwe 'anaki'eriya kemɨ'ane memɨmetsihahɨawe wahetsɨa.

2 Kemɨtiuyɨ 30:9

Yawé hetsɨa xɨka xe'u'axɨani, xe'iwama meta xeniwema memɨwarehapa mepɨwaretinenimayata, hikɨ memanuaxɨani 'ikɨ kwieyaritsie mepeyɨwekaxɨani. Yawé xekakaɨyari pɨtiuyukanenimaya meta mɨreuyehɨwirieni pɨyɨwe. Xɨka xeme ta'aurie xehaxɨrieni hetsɨana xe'u'axɨani, mɨkɨ hatsuaku pɨkaxeku'eirieni».

Mikeyaxi 7:18

Pumawe Kakaɨyari 'ahepaɨ tiuka'iyaritɨ, 'axamɨti'ane mɨtareuyehɨwiriwa meta tixaɨtɨ mɨkarayeitɨwa ke'axamemɨte'uyuri teɨterima memuyuhayewaxɨ. 'Aheyemekɨ pepɨkaha'a, naki'eriya mɨmatsinakekɨ pɨta.

Hutarieka 'inɨari 5:10

Matsi, kepauka xemɨnetsinaki'erie meta kepauka ne'aitsika xemaye'atɨa, 'ana nenaki'eriya matsiɨkɨme nepayeitɨwa xeimiriyari xeniwema nuiwariyari wahetsie.

Nɨawari 138:2

'Atuki mɨwayepatsie hepa neheutanieretɨ nepɨkatunumakeni, 'anaki'eriya mɨmariwekɨ meta 'aixɨa pemɨtikamiekɨ nepɨmetsitanɨawa. Naime pemɨtiutawewitsie matsiɨkɨme pemayeitɨakɨ kepemɨtimariwe meta 'aniuki pemaye'atɨakɨ.

Nɨawari 116:5

Yawé pɨtiyukanenimaya heitserie pɨtiyuriene, takakaɨyari naimekɨ witsipɨtiuka'iyari.

Nɨawari 108:4

'Anaki'eriyatsɨ kanimariweni muyuawi kana'iwani, muyuawitsie paitɨ kaniye'axeni 'aniuki yuri maine.

Xumatari 2:4

¿Kauka pe'ixani'erie kwini mieme 'aixɨa kemɨtiuka'iyari, kemɨtita'ikwewa, kemɨkatiyumexɨitɨa. Kauka 'atsipekatimate Kakaɨyari 'aixɨa mɨtiuka'iyarikɨ para pemɨtihayewanikɨ kepemɨtiyuriene?

Nɨawari 111:4

Yawé, mariwemekɨ yapɨtiuyuri temiku'eriwanikɨ. Yawé, 'aixɨa pɨtiuka'iyari pɨtiyukanenimaya.

Nɨawari 112:4

'Aixɨa memɨte'u'iyari mekanihekɨariwiyarieka yɨwipa. Kakaɨyari 'aixɨa pɨtiuka'iyari, pɨtiyukanenimaya meta heitserie pɨtiyuriene.

Nɨawari 57:10

'Anaki'eriya mɨmariwe muyuawitsie paitɨ mɨye'axekɨ, Yuri kepemɨtarahɨawe haitsie paitɨ pɨye'axe.

Memeyekɨ 22:27

Mɨkɨ yu'ɨkari xeime xeikɨa mexeiyakɨ tawarita pɨkaheixeiya xeime hetsiena mahuni. Xɨka netsi'utawawirieni parewiya, ne nepiparewieni kemaineni, ne Kakaɨyari nemɨtinekanenimaya nemɨhɨkɨkɨ.

Mikeyaxi 7:20

Matsiɨkɨme kenayeitɨa Kakuwu pemɨkaku'eiriwe hatsuaku, meta 'Apɨrahami heitserie kepemɨtinaki'erie, meripaitɨ tsutɨa paitɨ kepemɨti'ahɨritɨa tatutsima wahamatɨa.

Hiwerika 3:23

Xexuime ximeriyaritsie pihekwariya kemɨtiyukanaki'erie, pɨmariwe ke'aixɨa mɨtiuka'iyari.

Wani 1:17

'Inɨari niukiyari tekaniupitɨarieni Muitsexi tatsi'upitɨaku. Peru matsi tepupitɨarie naki'eriya meta tita yuri mɨraine temɨtehexeiyanikɨ, Ketsutsi Kɨritsitu 'aixɨa tiuka'iyaritɨ yatatiupitɨaku.

Nɨawari 91:4

metsɨ yu'anakɨ kamenanukanakamɨkɨ meta 'anateyatɨa muyuti'awieta pɨyɨwe. Yuri kemaine, mɨkɨ 'ahetsie nunuwame payani.

Nɨawari 31:19

Pɨmariwe ke'aixɨa pemɨtiuka'iyari, witsipepɨtiwaxeiya kemɨ'ane memɨmatsi'ayemakaxe, teɨteri wahɨxie 'aixɨa pepɨwayurie kemɨ'ane 'ahetsɨa memuyu'awieta.

Kitsariyaxi 12:4

'Iya tukaritsie mɨpaɨ pɨtitaniukieni: «Yawé xekenenɨawani, xekenahɨaweni, kemɨtiuyuri xekenekuxatani teɨteri watsata, xekenekuxatani kemɨtimariwe kemɨtitewakɨ.

Nɨawari 111:8

mɨkɨtsɨ yuheyemekɨ kani'ayumiemetɨni, yuri mainetsie katiniwiyani meta mɨheitserietsie.

1 Te'aitamete 19:11

Yawé mɨpaɨ katinitahɨawe: —Keniwayeye'a kenemie yemuritsie mana nehɨxie keneweni, 'ari kanaye'aximeni mana nemuyeyanikɨ. Hikɨ Yawé nɨ'arieya hepaɨ 'anuyekaitɨ meri kananuyeyani 'eka kwi tɨrɨkaɨyetɨ, naitɨ hɨri kaniutayuanekaitɨni, 'ai kaneukutarikekaitɨni, peru Yawé 'ekatsie pɨka'uyeikakai 'akuxi. Hikɨ 'eka 'anuyeyaku kwie kaniutayuani, peru mɨkɨtsieta Yawé pɨka'uyeikakai.

Nɨawari 146:6

muyuawi meta kwie mɨtiutiwewi, haramara meta yunaitɨ titamexi mana memɨteye'uwa, mɨkɨ matsi yurikɨ xeikɨa katinikuxatani.

Tsatiyaku 5:11

Yurikɨ 'aixɨa mepɨ'itɨarie kemɨ'ane mete'uka'eniwatɨ memu'uwa. Xepu'enana Kuwi kemɨtiuka'eniwakai, mɨpaɨta xepɨtehetima 'arike Ti'aitame kemɨtiyetuiri, Ti'aitame kwini mieme mɨtiyukanenimaya meta mɨreuyehɨwirieni kanihɨkɨtɨni.

Memeyekɨ 20:5

Mɨkɨ wahɨxie pepɨkatitunumakekani, pepɨkawarayexeiyani. Ne, Yawé 'akakaɨyari nemɨtiyukakwerie nekanihɨkɨtɨni. Kepauka wapaapama 'axamemɨte'u'iyari kepauka memɨnetsixani'erie, ne waniwema nepɨwa'uximatɨa, wateukarima, watutsima meta mɨkɨ waniwema.

Memeyekɨ 33:19

Yawé mɨpaɨ katinita'eiya: —Ne 'aixɨa nepɨtiuka'iyari nepɨnewaɨriya nepɨmatsixeitsitɨani meta kenemɨtitewa pepeitimani. 'Aixɨa nepɨtiuka'iyari kemɨ'ane hamatɨa nemɨnewaɨriya, nepinenimaya kemɨ'ane nemeunenimayatamɨkɨ.

Hutarieka 'inɨari 4:31

Karikɨ Yawé 'akakaɨyari mɨtiyukanenimaya kanihɨkɨtɨni, mɨkɨ pɨkamatsiku'eirieni meta pɨkamatsika'una, mɨkɨ pɨkahetɨmaiya tɨratu 'atutsima yatiwarahɨawetɨ mitawewi.

Hutarieka 'inɨari 32:3

Yawé hetsiemieme nepɨtaniuni nepitahɨawe. 'Aixɨa xekeneutiyuaneni Kakaɨyari mɨmariwekɨ.

1 Te'aitamete 8:30

Keneneu'eni waɨkawa kenemɨmatiwawirie ne ti'a'uximayatsiriwame meta 'ateɨterima 'ixaheritsixi kepauka memɨyunenewie 'uwa. Ketane'enieka muyuawitsie paitɨ, hakewa 'ekɨ pemeyeika, ketaneu'eni meta ketatineuyehɨwiri.

Ti'ɨkitame 8:11

Kepauka xeiya mɨkataxanetsieni xɨka 'axatiuyurieni, 'ana teɨteri yu'iyaritsie 'axameteyurietɨ mekanakɨnikuni.

Kitsariyaxi 65:16

Tsepa kemɨ'ane xewitɨ 'aixɨa mɨ'itɨariekakɨ mɨkɨ kwieyaritsie xɨka tiutawauni, yapɨtiyurieni Kakaɨyari yuri mɨhɨkɨ hetsiemieme, meta tsepa kemɨ'ane 'ikɨ kwietsie yamɨtiyɨhɨritɨani, yapɨtiyurieni Kakaɨyari yuri mɨhɨkɨ hetsiemieme, 'Uximatɨarika meripaitɨ mieme mepatɨmairi, hikɨ nepɨka'iku'eriwari.

Keremiyaxi 9:24

Xɨka xewitɨ yuta'ɨrimɨkɨ, keyuta'ɨre mɨnetsimatekɨ meta mɨpaɨ mɨretimakɨ kename ne Yawé nehɨkɨ, nemɨti'uximaya kwiepa naki'eriyakɨ, heitseriemekɨ meta 'aixɨa 'anemekɨ, netsɨ mɨpaɨ kanetininakeni —Yawé mɨpaɨ kanaineni—.

Keremiyaxi 32:18

'Anaki'eriya heitserie pumatsiɨkɨ meyuwaɨkawame wahetsie, peru meta waniwema 'ukitsi pepɨtiwakwinitɨa wa'ukiyarima 'axamete'uyurieku. Kakaɨyari pemɨmariwe pemɨtɨrɨkaɨye, Yawé Naimekɨmɨtɨrɨkaɨye pemɨtitewa.

Nahumi 1:3

Yawé yapauka muyeha'ani pɨkayɨwe, peru tɨrɨkariyaya pɨmariwe. Yawé tiwakwinitɨatɨ xeime tɨma pɨkahayewa. 'Eka meta wiyeri mɨtɨrɨkawitsata kaniumieni, hai tumuanari kanihɨkɨtɨni ketateya hetɨa mieme.

Tsutɨarika 24:27

mɨpaɨ 'utaitɨ: «'Aixɨa pepɨtiuka'iyari Yawé 'Apɨrahami neti'aitɨwame Kakaɨyarieya, pe'inaki'erietɨ pepɨkatihayewa meta 'aixɨa pepɨnetiuye'atɨa 'iwamama wahetsɨa».

'Inɨatsie 12:8

Ne nekatinikuxaxatɨwani hɨxiena ne'utinieretɨ, hekɨakamekɨ nekarenukanamirietɨ. Ne Yawé kenemɨ'ane kanenikuxexeiyani. ¿Ketitayari mɨya xete'utiyuane neti'uximayatsiriwame Muitsexi hepaɨtsita?»

2 Tsamuheri 24:14

Rawiri Kahari mɨpaɨ katiniuta'eiya: —Yemekɨ nepɨtsaipɨne yanemutayɨni nepɨkayɨwe. Matsi 'aixɨa pɨ'ane Yawé mɨtatsi'uximatɨani, matsi naki'eriyaya mɨmariwekɨ, 'aixɨa pɨka'ane teɨteri xɨka menetsi'u'uximatɨani.

Temaiwawemete 3:3

Hatsuaku pepɨkaratɨtɨmaiyani peti'akanaki'erietɨ meta yuri petikuxatatɨ: 'Aheyemekɨ mɨpaɨ ketinekamieni meta 'a'iyaritsie paitɨ kena'utɨaka.