Memeyekɨ 34:20 - Kakaɨyari Niukieya

²⁰ Tɨɨri mexɨakate wahetsie pemɨtanuani pɨyɨweni. Puxu mexɨakame hetsie pepɨtanuani muxa mawariyarikɨ, xɨka mɨpaɨ pekatiuyurieni kɨipieya pekaniwakutaramɨkɨ. »Nixewitɨ nehetsɨa pɨkahamieni tixaɨtɨ karapitɨ.

Memeyekɨ 34:20 ပူးပေါင်းရင်းမြစ်များ

Hutarieka 'inɨari 16:16

»Xeiwiyaritsie haikakɨa yunaitɨ 'ukitsi xehetsɨa miemete Yawé xekakaɨyari hɨxie mepɨti'uweni, hakewa mɨkɨ meyuhayewa, mana xemiwewienikɨ Patsikwa 'ixɨarariyari, Tsemana 'ixɨarariyari meta Xamaru 'ixɨarariyari, peru yumawetɨ meuyani pɨkayɨwe Yawé hɨxie.

Memeyekɨ 23:15

»Paa mɨkakuxaxani 'ixɨarariyari xepiwewiximeni weiya metseriyaritsie, mɨkɨri mana pɨka'inɨarini. Xeme mɨkɨ metseriyaritsie xekanayekɨne 'Ekipitu. Kenemɨtixe'aitɨa, 'atahuta tukari xekanikwakakuni paa mɨkakuxanariyarietɨka. »'Aixɨa pɨka'ane xewitɨ nehɨxie mɨ'axeni tixaɨtɨ karapitɨ 'imikierite.

Memeyekɨ 13:13

Puxu niweya mexɨakame mitawikweitsitɨani pɨyɨwe xeime muxakɨ, xɨkate ka'utawikweitsitɨarieni, yukɨipitɨa pɨwamurarieni. Xemeta yaxeikɨa yunaitɨ yuniwema mexɨakate meta yunuiwarima xemɨwatawikweitsitɨani peuyewetse.

'Inɨatsie 18:15

Yunaitɨ matɨari nuiwakate Yawé hetsiemieme memɨyetuiwa 'ahetsiemieme katinayeimɨkɨ, tsepa tewi yatɨni tewaxi. Peru pekanitawikweitsitɨamɨkɨ matɨari nuiwakame tewi yatɨni tewa 'aixɨa mɨka'ane.

Memeyekɨ 13:15

Kepauka Parahuni ti'aitame mɨkatatsihepitɨa temayekɨnekɨ, Yawé tɨɨri mexɨakate pɨwarekwi yunaime 'ekipitutari, yaxeikɨata watewama mexɨakate. 'Ayumieme Yawé tatewama mexɨakate 'ukitsi tepitimawiriwa, mɨpaɨ taniwema mexɨakate tepɨtewarutawikweitsitɨwa”.

2 Tsamuheri 24:24

Hikɨ Rawiri 'Arahuna mɨpaɨ katiniuta'eiya: —Mɨpaɨ 'aixɨa pɨkayɨni. Yawé nekakaɨyari mawari taiyariyari nemɨwewirieka tixaɨtɨkɨ nekareuyuyehɨame. Naime nekamatinitinanairiemɨkɨ kemɨraye'atɨka. Mɨpaɨ katiniuyɨni Rawiri kwie kaniunaneni meta túurutsixi, huta tewiyari heimana tamamata pɨrata rahetemekɨ katiniuyutuani.

Memeyekɨ 13:10

Xeiwiyari 'anuyeyeikakaku, mɨkɨ tukaritsie 'ikɨ 'inɨari niukiyari xepaye'atɨwani.

Memeyekɨ 22:29

»Pepɨkatihayewani peti'atɨwatɨ 'iku mawariyari meta winu mawariyari. »Xeniwema matɨari miemete nehetsɨa mekanimiemetetɨni.

Memeyekɨ 13:12

xekaniyetuiriekuni yunaime mexɨakate meta tewaxi waniwema matɨari miemete 'ukitsi, mɨkɨtsɨ Yawé hetsiemieme mekanihɨkɨtɨni.