Memeyekɨ 34:14 - Kakaɨyari Niukieya

¹⁴ Hipame kakaɨyarixi pepɨkawarayexeiyani, ne Yawé nekani'ɨtetsaka. Kakaɨyari mɨ'ɨtetsa katinitewaka.

Memeyekɨ 34:14 ပူးပေါင်းရင်းမြစ်များ

Hutarieka 'inɨari 4:24

karikɨ Yawé xekakaɨyari tai hepaɨ kani'aneni mɨtiyuxɨxɨtsitɨwa meta Kakaɨyari mɨ'ɨtetsa kanihɨkɨtɨni.

Hutarieka 'inɨari 32:21

Mepɨnetsi'uyehaxɨatɨa kemɨ'ane yuri mɨkakakaɨyarikɨ, nepuyeha'a hipame kakaɨyarixi memɨwarayexeiyakaikɨ. Neta yaxeikɨa nepɨwayurieni nepɨwayehaxɨatɨani kemɨ'ane memɨkaneteɨterima wahekɨ, nepɨwayehaxɨatɨani teɨteri 'axamemɨte'u'iyari wahekɨ.

1 Kurinitutari 10:22

¿Nutsɨ Ti'aitame tepɨyehaxɨatɨani? ¿Kamɨtsɨ tame waɨkawa tetetɨrɨkawi, Ti'aitame tahepaɨ katitɨrɨkaɨyekaku?

Mateu 4:10

Hikɨ Ketsutsi mɨpaɨ katinitahɨawe: ―Kenemie Kauyumarie. 'Utɨarika mɨpaɨ kanaineni: “Ti'aitame mɨ'akakaɨyari xeikɨa kenayexeiyani”.

Nahumi 1:2

Yawé Kakaɨyari mɨtiuyukakwerie kanihɨkɨtɨni meta mɨyɨkɨhɨpa. Yawé mɨyɨkɨhɨpa, Ti'aitame mayu'eriya. Yawé pɨtiwarakapitɨwa kemɨ'ane memeye'unie, mɨwaraye'unie wahepaɨtsita pɨkayuhaxɨapitɨarinɨa.

Hutarieka 'inɨari 29:20

Mɨkɨ Yawé pɨkareiyehɨwirieni. Kakaɨyari haxɨaya meta 'ɨtetsarikaya hetsiena kaniye'amɨkɨ. Naitɨ 'axamɨti'ane 'ikɨ xapatsie maye'uxa hetsiena katininakimɨkɨ, Yawé yapɨtiyurieni memɨkumawerekɨ yunaitɨ nuiwarimama.

Hutarieka 'inɨari 6:15

Yawé 'akakaɨyari 'ahamatɨa kaniuyeikani, Kakaɨyari mɨ'ɨtetsa kanihɨkɨtɨni, kapa waɨkawa 'uyeha'anikɨ 'ahepaɨtsita, nɨka 'ena kwiepa metsi'akuyeitɨani.

Kitsariyaxi 57:15

Mɨpaɨ mainekɨ 'amutewi meta mumariwe, yuheyemekɨ 'amuyeika, mɨpatsie mɨtitewa: «Ne meutitewatsie nekanikiekametɨni mɨpatsietsie, Peru yaxeikɨata yu'iyaritsie muyuhiwerie meta tixaɨtɨ mɨkarayuyeitɨa hamatɨa nepuyeika, nemɨwatɨrɨkariyanikɨ yu'iyaritsie memɨwerarani kemɨ'ane yu'iyaritsie memɨyuhiwerie nepɨwatɨrɨkariya.

Kitsariyaxi 9:6

Matsi nunutsi tahetsɨa mutinuiwaxɨkɨ, 'uki xeime tekaniutuitɨarieni, tɨrɨkariya naiparieyatsie kanika'uxipimɨkɨ, meta 'ipaɨ katiniterɨwariemɨkɨ: 'Ɨxatsitame, mɨmariwe, Kakaɨyari mɨtɨrɨkaɨye, Yuheyemekɨ mɨtapaapa, Ti'aitame kayuwatɨ tiyupitɨwame.

Hutarieka 'inɨari 32:16

Pɨwaruyehekaxɨ kakaɨyarixi hipame memɨwarayexeiyakaikɨ, mepiyehaxɨatɨa yukakaɨyarixi memɨxani'eriwa wahekɨ.

Kutsuhexi 24:19

Hikɨ Kutsuhexi mɨpaɨ katiniwarutahɨawe: ―Xeme xepɨkayɨwawe Yawé xemɨte'uximayatsirieka, mɨkɨ Kakaɨyari kanihɨkɨtɨni mɨpatsie meta Kakaɨyari mɨ'ɨtetsa. Pɨkatixeheuyehɨwirieni kepauka xe'eye'unietɨ xemakɨne meta kepauka 'axaxemɨteyurieni.

Hutarieka 'inɨari 5:7

»Tawarita hipame kakaɨyarixi pepɨkawarayexeiyani nehɨxie.

Hutarieka 'inɨari 5:24

mɨpaɨ mekaneteniutahɨawe: “Yawé takakaɨyari matsiɨkɨme payeitɨa tahɨxie witsikemɨ'ane meta kemɨtimariwe, tepi'eni niukieya taitsie 'ayeneikame. Hikɨ mɨpaɨ tekatenetimani kename tukari hexeiyanitsiere tewi mɨmɨwe tsepa Kakaɨyari hamatɨana mɨtiutaxa.

Memeyekɨ 33:19

Yawé mɨpaɨ katinita'eiya: —Ne 'aixɨa nepɨtiuka'iyari nepɨnewaɨriya nepɨmatsixeitsitɨani meta kenemɨtitewa pepeitimani. 'Aixɨa nepɨtiuka'iyari kemɨ'ane hamatɨa nemɨnewaɨriya, nepinenimaya kemɨ'ane nemeunenimayatamɨkɨ.

1 Te'aitamete 14:15

Yawé kaniwatihurɨkamɨkɨ 'ixaheritsixi, haa tɨrɨkaɨyetɨ tupiriya mɨtitihurɨka hepaɨ. 'Ikɨ kwie 'aixɨa mɨ'anetsie pɨwataweiya meripaitɨ wa'ukiyarima memɨyetuiriyarietsie, 'Eupɨrate hatuxameyari 'anutauyepai puwatixɨrieni, 'Atserá kakaɨyarixiyari memɨyutiwewirikɨ, mɨpaɨ 'ayumieme Yawé mekaniuyehaxɨatɨani.

1 Te'aitamete 19:10

Mɨpaɨ katinitahɨawe 'Eriyaxi: —Ne nepɨmatsinaki'erie waɨkawa yemekɨ, Yawé Kakaɨyari Naimekɨmɨtɨrɨkaɨye pemɨhɨkɨ. 'Ixaheritsixi mekaniku'eirieni 'atɨratu, mawari taiyame 'ahetsɨa mieme mekaniuti'una, meta 'ahetsɨa miemete 'aniukamete mekaniwarukwini 'ixiparakɨ. Ne xeikɨari nekaniuyeikani nexaɨtame, hikɨta ne mekaneniwautɨweni menetsimienike.

'Etsekieri 23:25

'Ahetsie ne'ɨtetsarika nepanunɨ'ani, mɨkɨ mepɨmatekwinitɨani waɨkawa meha'atɨ. 'Atsuri mekanaxitekuni meta 'anakate, meta 'ahetsɨa miemete 'ixiparakɨ mekanikwi'iwakuni. 'Aniwema 'ukitsi 'ukari mekananuhapaniekuni, kemɨ'ane 'akuxi memɨtawikweni mekanititaiyariekuni.

'Itsɨkate 6:10

Mɨpaɨta nekatinixe'utahɨawe: “Ne Yawé nekanihɨkɨtɨni xekakaɨyari, 'amuxeutsixi wakakaɨyarixi xepɨkawarayexeiyani, xekwietsie memu'uwa”. Peru xeme xepɨkanetsi'anu'eni».