Memeyekɨ 34:10 - Kakaɨyari Niukieya

¹⁰ Yawé mɨpaɨ katinita'eiya: —Tsiparatsɨ tɨratu xeyunaime xehamatɨa nepɨwewieni, 'ixaheritsixi wahɨxie mariweme nepɨtiyurieni, hatsuaku hawaikɨ mɨkareyɨwe hepaɨ. Teɨteri mepɨneniere wahamatɨa pemuyeika 'ahetsie mariweme ne Yawé yanemɨtiyurieni.

Memeyekɨ 34:10 ပူးပေါင်းရင်းမြစ်များ

Hutarieka 'inɨari 10:21

Mɨkɨ 'atemawierika kanihɨkɨtɨni, mɨkɨ kani'akakaɨyaritɨni, mɨkɨri 'ahetsiemieme mariwemekɨ katiniyurienekaitɨni.

Nɨawari 77:14

'Ekɨ Kakaɨyari pepɨhɨkɨ mariweme pemɨtiyuriwe, 'atɨrɨkariya pemɨhekɨata teɨteri wahetsie.

Kitsariyaxi 64:3

Kepauka pemanakatɨa mariwemekɨ pepɨtiuyuri mɨpaɨ tekateha'eriwakaku, 'ahɨxie hɨrite putiyɨyɨakaxɨ.

Nɨawari 66:5

Xekenakɨni xeketeneuxeiya Kakaɨyari kemɨtiyurieni, tahetsiemieme mariweme kemɨtiuyuri,

Keremiyaxi 32:21

'Ekɨ 'amamá tɨrɨkaɨyeme petatseratɨ, meta 'inɨarite mamariwawemekɨ, meta waɨkawa makaxiwamekɨ, 'Ekipitu kwieyaritsie 'ateɨterima 'ixaheritsixi pepɨwarayewitɨ.

2 Tsamuheri 7:23

Hakewatsɨ nuiwari 'ateɨterima 'ixaheritsixi wahepaɨ me'anetɨ mepe'uwa. 'Ikɨ nuiwari xeikɨa pekaniuxɨna 'ena kwiepa, 'ateɨterima pewarayeitɨanike meta wahetsie pemetimatiwakɨ kepemɨtimariwe. Mariwemekɨ pekatiniuyurieni kepauka 'ateɨterima wahɨxie, 'Ekipitu kwieyaritsie kepemɨtatiutawikweitsitɨa, nuiwarite kananitari kepemɨtiwarayeweiyaxɨa meta wakakaɨyarixi.

Nɨawari 78:12

wapaapama wahɨxie mariweme kemɨtiuyuri, 'Ekipitutsie Tsuhani kwieyaritsie.

Nɨawari 66:3

Kakaɨyari mɨpaɨ xeketeneutahɨawi: «Yemekɨ pɨmamariwawe 'a'uximayatsika. Pɨmariwe 'atɨrɨkariya memɨmetsi'aye'unie 'ahɨxie memamatɨ mepuyuyetua.

Hutarieka 'inɨari 32:30

Tewi pɨkayɨwe yuxaɨta xeimiriyari mɨwara'iwa xɨka teteya ka'ituanike. Yuhutatɨ tamamata miriyari memɨwataweiyakɨ mepɨkayɨwawe xɨka Yawé kawayetuanike.

Kutsuhexi 6:20

Hikɨ mawari wewiwamete 'awate kuxinetayari mekaniutihɨtsieni, yaxeikɨata teɨteri mekaniutihiwa kwi karima, 'ana kwitɨwa wahɨxie Keriku kuraruyari kaniuka'une, kuyaxi 'ixaheritsixi mekaneutahaxɨani naitɨ ti'u'unikaku.

Memeyekɨ 34:27

Yawé Muitsexi mɨpaɨ katiniutahɨawe: —'Ikɨ niukiyari kenaka'utɨa mɨkɨ tɨratu nepɨwewie 'ahetsiemieme meta 'ixaheritsixi wahetsiemieme.

Nɨawari 145:6

Mɨpaɨ putikuniuwani 'atɨrɨkariya kemɨtiyɨwe, ne matsi 'a'uximayatsika mɨmariwe nepukuxatani.

Nɨawari 106:22

mariweme katiniuyurieni Kami kwieyaritsie metatsiere Haramara Mɨxeta tetsita.

Nɨawari 76:12

kuwexinaruritsixi watɨrɨkariya mɨwakunawairiwa, kemɨ'ane kwiepa te'aitamete memayemakaxe.

Nɨawari 65:5

'Ekɨ, Kakaɨyari 'aku tatsiwikweitsitɨwame, pepɨtatsiku'eiya mariwemekɨ heitseriemekɨ, 'ekɨ pepɨtakwewiya naitsarie kwie manu'axe paitɨ meta haramara manu'axe paitɨ.

Nɨawari 147:20

Mɨpaɨ xeime tawarita nuiwari pɨkayuriwe, 'atsimepɨkatehetimaiwawe mɨkɨ 'aitsikaya hepaɨtsita. Yawé kenɨawarieka.

Hutarieka 'inɨari 4:13

Yawé 'ana pɨxehetaxatɨa yutɨratu, tamamata 'aitsikayari, mɨkɨ meka'utɨa hutame tetexi wewerimetsie 'etsitsutsuimetsie, hikɨ 'ana pɨxeheta'aitɨa mɨpaɨ xemɨtekahunikɨ.

Nɨawari 68:35

Kakaɨyari 'aku, 'atukita pepɨmariwe, 'ixaheritsixi wakakaɨyari tɨrɨkari pɨtiyupitɨwa, yuteɨterima tɨrɨkariya pɨwapitɨa. Kakaɨyari 'aixɨa ketikuxaxatsiwani.

Memeyekɨ 34:28

Hɨritsie Muitsexi puyuhayewaxɨ, Yawé hamatɨa, huta tewiyari tukari huta tewiyari tɨkari, katikwatɨ kaharetɨ. Mana tete wewerimetsie katinaka'utɨani tɨratu kememɨte'uwewi, tatsɨari tamamata 'aitsikayari.

Hutarieka 'inɨari 9:19

Yurikɨ 'ana nekaniutimani Yawé muyeha'akɨ, waɨkawa xe'iyehaxɨatɨaku pɨxeheuyehɨanikekai, matsi Yawé tawarita pɨnetsi'u'eni.

Nɨawari 72:18

Yawé Kakaɨyari 'aixɨa ketikɨhɨawarɨwani, 'Ixaheri Kakaɨyarieya, muyuxewi xeikɨa mariweme mɨtiyuriene.

Nɨawari 136:4

Mɨkɨ xeikɨa mariweme mɨtiwewiwe, mɨkɨ hatsuaku pɨkatatsihayewa tatsinaki'erietɨ.

Mikeyaxi 7:15

Mariweme ketineuyuri wahɨxie, 'Ekipitu kwieyaritsie pemɨwarayewitɨtsie hepaɨ.