Memeyekɨ 33:19 - Kakaɨyari Niukieya

¹⁹ Yawé mɨpaɨ katinita'eiya: —Ne 'aixɨa nepɨtiuka'iyari nepɨnewaɨriya nepɨmatsixeitsitɨani meta kenemɨtitewa pepeitimani. 'Aixɨa nepɨtiuka'iyari kemɨ'ane hamatɨa nemɨnewaɨriya, nepinenimaya kemɨ'ane nemeunenimayatamɨkɨ.

Memeyekɨ 33:19 ပူးပေါင်းရင်းမြစ်များ

Keremiyaxi 31:14

Mawari wewiwamete memɨtekwaka waɨkawa mepɨtehexeiyani, meta 'aixɨa mekateniu'uwakuni neteɨterima», Yawé mɨpaɨ kanaineni.

Keremiyaxi 31:12

Mekani'axɨakuni Tsiyuni hɨriyari 'amanutitewitsie paitɨ mekanitakwikakuni, Yawé witsimɨtiuka'iyarikɨ mepuyutemamawieka: nepɨtixeyetuirieni tɨriku, kaxie winuyari mɨhekwa meta hatseiti, muxatsi waniwema meta wakaitsixi. 'Iteɨri 'aixɨa mɨreukuhatuiyarie hepaɨ xekani'anekuni, tawariri xeweraranitɨ xepɨkahakɨne.

Kitsariyaxi 7:14

'Ayumieme Ti'aitame 'inɨari kanixewewiriemɨkɨ: 'Ɨimari kanitihukatamɨkɨ kanitiniwemɨkɨ, 'Emanuheri katiniterɨwamɨkɨ.

Tsakariyaxi 9:17

'Aixɨa pɨti'aneni meta witsipɨti'aneni naitɨ. Tɨriku temari metɨrɨkawime puwarayeitɨani, meta kaxie winuyari mɨhekwa 'ukari 'ɨimarixi puwatemawieritɨani.

Xumatari 2:4

¿Kauka pe'ixani'erie kwini mieme 'aixɨa kemɨtiuka'iyari, kemɨtita'ikwewa, kemɨkatiyumexɨitɨa. Kauka 'atsipekatimate Kakaɨyari 'aixɨa mɨtiuka'iyarikɨ para pemɨtihayewanikɨ kepemɨtiyuriene?

Kitsariyaxi 12:4

'Iya tukaritsie mɨpaɨ pɨtitaniukieni: «Yawé xekenenɨawani, xekenahɨaweni, kemɨtiuyuri xekenekuxatani teɨteri watsata, xekenekuxatani kemɨtimariwe kemɨtitewakɨ.

Kitsariyaxi 9:6

Matsi nunutsi tahetsɨa mutinuiwaxɨkɨ, 'uki xeime tekaniutuitɨarieni, tɨrɨkariya naiparieyatsie kanika'uxipimɨkɨ, meta 'ipaɨ katiniterɨwariemɨkɨ: 'Ɨxatsitame, mɨmariwe, Kakaɨyari mɨtɨrɨkaɨye, Yuheyemekɨ mɨtapaapa, Ti'aitame kayuwatɨ tiyupitɨwame.

Nehemiyaxi 9:25

Kiekarite kuraruyari 'amatitetewa mepɨwara'iwaxɨ meta kwie 'aixɨa mɨ'anene, kiite yukii mepayeitɨaxɨa piinitɨarika tihɨpɨneme, meta putsute muyewawaki, kaxie haraweriyarite meta huriwu, metatsiere waɨkawa 'iteɨrite 'ikwaxi mɨrexeiyatɨka. Meteniutikwani meta meniutihuxani metatsiere meniutiwaiyata, mepɨteha'inɨataxɨ waɨkawa ke'aixɨa pemɨwaruyuri.

Xumatari 9:23

Mɨpaɨ pɨtiuyuri mɨtihekɨatanikɨ waɨkawamekɨ witsikemɨti'ane, witsi'aneme 'ayeitɨatɨ minenimaya, meripai mikuha'aritɨa witsi'anetɨ mayanikɨ.

Nɨawari 65:4

'Aixɨa ke'itɨarieka 'iya kemɨ'ane 'ekɨ pemanayexei, 'iya kemɨ'ane 'ahetsɨa pemɨ'atɨa 'atakwa mukanikɨ. 'Akie timieme 'aixɨa mɨti'anekɨ tekehuxaka, kepemɨtatiumi 'atuki mɨpatsieta timiemekɨ.

Nɨawari 25:13

'Aixɨa 'anemekɨ kaniuyeikamɨkɨ, wanuiwarimata kwie mekaniyetuiriyariekuni.

Hutarieka 'inɨari 32:3

Yawé hetsiemieme nepɨtaniuni nepitahɨawe. 'Aixɨa xekeneutiyuaneni Kakaɨyari mɨmariwekɨ.