Memeyekɨ 33:17 - Kakaɨyari Niukieya

¹⁷ Yawé mɨpaɨ Muitsexi katiniutahɨawe: —'Aixɨa pɨ'ane mɨpaɨ nepɨtiyurieni kepemaine, 'ekɨ pepɨnetsiparewiwame meta pepɨnehamiku.

Memeyekɨ 33:17 ပူးပေါင်းရင်းမြစ်များ

Kitsariyaxi 65:24

'Akuxi mekanetsitahɨawiwekaku, ne nepuwata'eiya, 'akuxi meputiniukani peru ne 'ari newa'enieyu.

Memeyekɨ 33:12

Muitsexi Yawé mɨpaɨ katiniutahɨawe: —'Ekɨ peyutemawietɨ pepɨnetikɨhɨawe kename newarayewitɨni 'ikɨ teɨteri, perutsɨ 'atsipepɨkanerahɨawe kemɨ'ane pepanunɨ'ani nehamatɨa. Mɨpaɨta peputaine kename ne 'ahamiku nehɨkɨ meta kename penetsiparewiwame.

Tsutɨarika 19:21

Hikɨ xewitɨ mɨkɨ mɨpaɨ katinitahɨawe: —Kepemɨnerawawiriwa yanepɨra'eriwa. Nepɨka'ika'una kiekari pemexaxata.

Tsatiyaku 5:16

'Ayumieme hipatɨ mexe'eniekaku xekeneyuhekɨatani xɨka 'axaxete'uyurieni, xemɨyunenewiekakɨ yuxexuitɨ yuhetsiemieme yunaitɨ, mɨpaɨ 'aixɨa xeteheu'erietɨ xemakɨnekɨ. Kemɨ'ane heitseriemekɨ yamɨtikamie, mɨkɨ nenewierieya waɨkawa katinikemaka meta kani'enierieka.

Wani 16:23

'Iya tukaritsie tixaɨtɨkɨri xepɨkaneteku'iwawiyani. Yurikɨ mɨpaɨ nekanaineni, tsepa kemɨtitita xemɨte'itawawirieni ne'ukiyari nehetsɨa xemiemetetɨtɨ, yakatinixepitɨamɨkɨ.

Tsutɨarika 6:8

Matsi Yawé Nuhexi kanixeiyakaitɨni, kaninakekaitɨni ke'aixɨa mɨtiuyeikakai.

Tsutɨarika 19:19

'Ekɨtsɨ 'aixɨa pekanetiniuxeiya, ke'aixɨa nehetsiemieme pemɨtiuyuri pɨmariwe netukari pemutawikweitsitɨakɨ. Ne matsi nepɨkayɨwe nemɨneta'una hɨritsie paitɨ, nɨka netsi'anuku'axe kepauka mɨka'unarieni kiekari, tietɨtsɨ nemɨnemɨ.

Tsutɨarika 18:32

Mɨkɨ tawarita mɨpaɨ katinitahɨawe: —Pepɨka'uyeha'arɨweni neti'aitɨwame, keneneupitɨa tawarita nemɨtaniunikɨ. Xɨkata tamamata pewaretaxeiya xeikɨa. Yawé 'imatɨrieka mɨpaɨ katinitahɨawe: —Mɨkɨ tamamata wahekɨ nepɨka'ika'una.

Kitsariyaxi 45:3

Yɨwita timieme mɨraye'axe nepɨmatipitɨani, meta piinitɨarika 'awie mɨti'utsie, ne Yawé nemɨhɨkɨ mɨpaɨ pemɨtimaikakɨ, 'Ixaheri Kakaɨyarieya, kepemɨtitewakɨ mɨmatsihaterɨwa.

Hutarieka 'inɨari 9:19

Yurikɨ 'ana nekaniutimani Yawé muyeha'akɨ, waɨkawa xe'iyehaxɨatɨaku pɨxeheuyehɨanikekai, matsi Yawé tawarita pɨnetsi'u'eni.