Memeyekɨ 33:16 - Kakaɨyari Niukieya

¹⁶ Xɨka tahamatɨa pekaheyani, ¿'ateɨterima meta ne kemetehetimani, kename petatsiparewie? ¿Ketitakɨ tetepatsieka hipame teɨteri kwiepa memɨtama watsata?

Memeyekɨ 33:16 ပူးပေါင်းရင်းမြစ်များ

Hutarieka 'inɨari 4:7

Pumawe xewitɨ nuiwari tahepaɨ timariwetɨ. Pumawe nuiwari kakaɨyari mehexeiyatɨ 'ahurawa tahepaɨ Yawé takakaɨyari 'ahurawa temexeiya temehɨawe.

'Inɨatsie 14:14

mɨpaɨ mekateniwataxatɨakuni 'ikɨ kwieyaritsie kiekatari, mɨpaɨ memɨtemate kename 'ekɨ Yawé 'ahɨxie tematsixeiya, 'ahai 'ateɨterima waheima muyeyeixa, kename 'ekɨ pehɨkɨ pemɨwaruwituxime, tukarikɨ hai 'a'uwemekɨ, tɨkarikɨta taikɨ.

1 Te'aitamete 8:53

'Ekɨ pepɨwaranayexei yunaime kwiepa memɨtama watsata, 'ahetsɨa miemete memɨhɨkɨtɨnikɨ. Mɨpaɨ pepɨtitaxatɨa matsiparewiwame Muitsexi teɨteri mɨpaɨ mɨtiwataxatɨanikɨ, kepauka 'ekɨ, Yawé Kakaɨyari, 'Ekipitu ta'ukiyarima pemɨwarayewitɨ».

Mateu 1:23

«Kamɨtsɨ 'ɨimari mɨyuxewi pɨtihukata, 'ukitɨme pɨtiniweni, 'Emanuheri xepɨte'iterɨwa» (mɨkɨ mɨpaɨ panuyɨne «Kakaɨyari tahamatɨa muyeika»).

Memeyekɨ 34:10

Yawé mɨpaɨ katinita'eiya: —Tsiparatsɨ tɨratu xeyunaime xehamatɨa nepɨwewieni, 'ixaheritsixi wahɨxie mariweme nepɨtiyurieni, hatsuaku hawaikɨ mɨkareyɨwe hepaɨ. Teɨteri mepɨneniere wahamatɨa pemuyeika 'ahetsie mariweme ne Yawé yanemɨtiyurieni.

2 Kurinitutari 6:17

«Watsata xekenayekɨneka, xekeneuyupata. Ketita mɨkati'itiya xepɨkatekumaɨwani, ne 'ana nekanixetanaki'erimɨkɨ».

2 Tsamuheri 7:23

Hakewatsɨ nuiwari 'ateɨterima 'ixaheritsixi wahepaɨ me'anetɨ mepe'uwa. 'Ikɨ nuiwari xeikɨa pekaniuxɨna 'ena kwiepa, 'ateɨterima pewarayeitɨanike meta wahetsie pemetimatiwakɨ kepemɨtimariwe. Mariwemekɨ pekatiniuyurieni kepauka 'ateɨterima wahɨxie, 'Ekipitu kwieyaritsie kepemɨtatiutawikweitsitɨa, nuiwarite kananitari kepemɨtiwarayeweiyaxɨa meta wakakaɨyarixi.

Memeyekɨ 8:22

Kepauka mɨpaɨ mɨtiyɨni, Kutseheni xeikɨa mepɨkatixuawere, mana neteɨterima memɨtiteikɨ, 'ana mɨpaɨ pepɨretimani ne Yawé, 'ikɨ kwieyaritsie nepuyeika.

Nɨawari 147:20

Mɨpaɨ xeime tawarita nuiwari pɨkayuriwe, 'atsimepɨkatehetimaiwawe mɨkɨ 'aitsikaya hepaɨtsita. Yawé kenɨawarieka.

Hutarieka 'inɨari 4:34

Xewitɨ tawari kakaɨyaritɨtɨ meutahanikɨ xeime nuiwaritsie pumawe, muwarayewitɨnikɨ yuhetsiemieme wata'inɨatame, 'inɨarite tiwewietɨ, kwinimieme yemekɨ mamariwawemekɨ, kuyaxa wewietɨ, yumamá tɨrɨkaɨyemekɨ tatseratɨ, waɨkawamekɨ makaxiwame, Yawé xekakaɨyari xehetsiemieme mɨtiuyuri hepaɨ 'Ekipitu, xeme xenenierekaku.

'Inɨatsie 23:9

'Ai 'amanutitewitsie paitɨ nepuwataxeiya, hɨri 'ametitɨtɨtsie paitɨ nepɨwaxeiya: teɨteri memanayexeiyarie mepɨhɨkɨ, mepɨka'inɨatsie 'ena kwiepa miemete wahamatɨa.

Mawari 20:24

Matsi xeme nekatinixekɨhɨaweni: “Ne mɨkɨ kwie nuiwarite mematitekaitsie nepɨxeyetuirieni, kwie retsi meta xiete waɨkawa maxɨawetsie. Ne nekɨmana nepɨxeyetuirieni xehetsie mɨtinakenikɨ”. »Ne Yawé xekakaɨyari nekanihɨkɨtɨni, hipame nuiwaritetsie wahetsɨa yɨkɨ xe'aneneme nemɨxe'ayeitɨakɨ.

Mawari 20:26

Xeme xekenepatsieka, ne Yawé nemɨpatsiekɨ, ne yukɨpɨta xe'aneneme nekaxenayeitɨani hipame nuiwarite watsata, nehetsɨa miemete xemɨhɨkɨtɨnikɨ.

Memeyekɨ 34:9

mɨpaɨ katiniuyunenewieni: —Ti'aitame, xɨka yemekɨ penetsiparewiwametɨni tahamatɨa keneuyuhayewa. Nepɨtimate 'ikɨ teɨteri yu'iyaritsie mepɨtsetse'i, hikɨ ketatineuyehɨwiri 'axatemɨte'uyurikɨ, 'ahetsɨa miemete ketanayeitɨa.