Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Memeyekɨ 33:14 - Kakaɨyari Niukieya

14 Yawé mɨpaɨ kaniutayɨni: —Ne 'ahamatɨa nepɨyemie meta nepɨmatsika'uxipitɨani.

အခန်းကိုကြည့်ပါ။ ကော်ပီ




Memeyekɨ 33:14
20 ပူးပေါင်းရင်းမြစ်များ  

Yawé kaniwarupitɨani memɨka'uximatɨariekakɨ, mɨpaɨ pɨreye'atɨa watutsima meripaitɨ kemɨtiwarutahɨawixɨ, nixewitɨ memɨwaraye'unie pɨkawara'iwaxɨ, Yawé muwarupitɨakɨ memɨwara'iwakɨ yunaime 'axamemɨwayurikukai.


Kepaɨmexɨa tukari pemuyeikani xewitɨ pɨkayɨweni matsi'a'iwanikɨ. Mɨpaɨ kenemɨtiuyeikakai Muitsexi hamatɨa yaxeikɨata 'ahamatɨa nepɨtiuyeikani, nepɨkamatsinutuita nepɨkamatsiku'eirieni.


»Nehetsɨa xekeneu'axɨa xeme yunaitɨ xemu'u'uxe xete'uximayatɨ meta xemu'ika, ne nepɨxeka'uxipitɨani.


naime kememɨte'uka'eniwakaikɨ. Mɨkɨtɨtɨ puwarutawikweitsitɨa, xeime pɨkaheyenɨ'a meta nixeime niuki tuayame. Yunaki'eriyakɨ meta yunenimayatsikakɨ kaniwarutawikweitsitɨani, kaniwaranukutɨkɨ, kaniwaretɨkɨ yumamatetsie meripaitɨ hepaɨ.


Hikɨ neha'atɨ, mɨpaɨ neputayɨ: «Hatsuaku nehetsɨa mepɨkaye'axɨani hakewa nemɨwareka'uxipitɨanikekaitsie».


Hikɨta Yawé Kakaɨyari peye'atɨa kemɨtixe'utahɨawixɨ kwie puwayetuiri xe'iwama, hikɨta xekenakunuaxɨa yukie meta yukwietsie Muitsexi mɨxeyetuiri Yawé ti'uximayatsiriwame Kurutani 'anutaɨye tau manatineika hepatsie.


xetewa'ɨkitɨatɨ yamemɨtekahunikɨ naime xeme kenemɨtixe'u'aitɨa. Yurikɨ mɨpaɨ xeketenemaika, netsietɨ tukarikɨ xehamatɨa nekaniuyeikamɨkɨ, kepaukake kwie meutipare. Mɨpaɨ xeikɨa kani'aneni.


Yawé mɨpaɨ kanaineni: «Huyeta xekenewa'uti hikɨ xekeneutanierixɨa, xekeneuta'iwau huye meripai mieme hepaɨtsita. Xekeneuta'iwau huye 'aixɨa mɨ'ane hepaɨtsita, hikɨ mɨkɨ xepɨka'uku'e'eiriwani. Mɨpaɨ xepɨte'ikaxeiya 'uxipiya xemuku'eriwa. Peru mɨkɨ mɨpaɨ mekaniutiyuani: “Hawaikɨ tepɨka'enukuweiya”.


Tukarikɨ, Yawé kaniumiekatɨni wahɨxie haiwitɨritɨtɨ, 'a'uwetɨ waxeitsitɨatɨ huye kemɨreuyune, yɨwikɨtata pɨwahekɨariwiyakai tai 'a'uwetɨ panuyekatei xawatɨtɨ. 'Ayumieme mepɨyɨwawekai memuhunikɨ tukarikɨ meta tɨkarikɨ.


Muixa wiyari 'anuyeyaku Yawé 'ixaheritsixi kayuwatɨ kaniwarupitɨani kananeutsixi wahamatɨa, Kutsuhexi 'ukiratsitɨtɨri 'uxetɨ,


Xepɨkahahuni kwitɨwa kwie nemɨxeyetuiritsie, kepaukake Yawé xe'iwama mɨwaka'uxipitɨani xeme kemɨtixeyetuiri, kepaukake mɨkɨ kwie memɨ'axe Yawé takakaɨyari mɨwayetuirieni Kurutani 'anutaɨye mukuma”.


Kakaɨyari mɨpaɨ katinitahɨawe: —Ne 'ahamatɨa nepuyeikani. Meta ne'inɨari nepɨmatsiwewirieni kename ne nehɨkɨ nemɨmatsihanunɨ'ani: Kepauka pemɨwarayewitɨni neteɨterima 'Ekipitu kwieyaritsie, yunaitɨ xeme xenetsi'ayexeiyatɨ xepakɨne 'ikɨ hɨritsie.


Yawé waɨkawamekɨ pɨwanaki'eriekai 'atutsima, hikɨ wanuiwari kaniwaranayexeiya, 'ayumieme 'Ekipitu kameniyewitɨni yukɨmana mariwemekɨ tiyurienetɨ,


Peru xeme xekananukɨnikuni Kurutani hatuxameyaritsie, 'iya kwieyaritsie xekaniu'uwakuni Yawé xekakaɨyari mɨxeyetuirienitsie, mɨkɨ memɨxe'aye'unie xe'aurie mematetɨka wahetsɨa kanixetixɨnamɨkɨ, hikɨ xeme 'aixɨa 'iyari xekaniu'uwakuni xe'ɨwiyarietɨ.


'Ayumieme kepauka Yawé xekakaɨyari mɨxeyetuirieni kwie meta kepauka mɨxeparewieni yunaime mana memɨtama nuiwarite xemɨwaka'unakɨ, 'ana yuheyemekɨ xekaniwarakuyeitɨakuni memɨkaha'eriwanikɨ 'Amareki nuiwarimama. Xepɨkatehatɨtɨmaiyani.


Yawé matsi panuyehaitɨaka 'ahɨxie meta 'ahamatɨa puyeikani, hatsuaku pɨkamatsiku'eirieni 'axaɨtame meta pɨkamatsinutuita. Pepɨkamaka meta pepɨka'utaweranareni».


Yawé mɨpaɨ kanaineni: «Teɨteri memuyuti'awietaxɨ tiyukwitɨnekaku, makumawetsie 'aixɨa 'iyari mekateniuyaxe, 'Ixaheri kepauka 'uxipiya mukuwaunekaitsie».


¿Matsi kepaikɨ hetsiena pɨrahɨawe xɨka mɨkɨ kayuwatɨ tiuyerɨni? ¿Kepaikɨ pixeiyawe xɨka yunierika 'awietani? Mɨkɨ yunaime teɨteri meta wakiekari waheima pɨkawe,


Peru 'ekɨ, 'aheyemekɨ keneumieni kepaukake 'atukari maye'ani, hikɨ keneuka'uxipi, kepauka 'imatɨrieka tukari maye'ani pekananukukemɨkɨ pemɨtiyetuiriyarienikɨ tita pemɨra'iwaxɨ”».


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ