Memeyekɨ 33:13 - Kakaɨyari Niukieya

¹³ Xɨka yurikɨ mɨpaɨ 'aneni, yakenetineutahɨawi kenemɨtiyurieni. Mɨpaɨ 'ana nepɨretimani kename penetsiparewiwame. Mɨpaɨ ketinemaika kename 'ixaheritsixi me'ateɨterima.

Memeyekɨ 33:13 ပူးပေါင်းရင်းမြစ်များ

Nɨawari 119:33

Yawé, kenetineuti'ɨkitɨa 'a'aitsika nemuweiyanikɨ, hikɨ ne yanekatinikayeimɨkɨ kemaine kenemɨreutere ne'uyeikatɨ.

Nɨawari 25:4

Yawé, 'ahuye nemaikame kenenayeitɨa, 'ahuye kemɨreuyune keneneuxeitsitɨa.

Nɨawari 27:11

Yawé, 'ahuyeta keneneuwitɨximeni, huye mɨheitserie 'utɨma keneneuwitɨximeni, hipatɨ memɨnetsihupiekɨ.

Nɨawari 86:11

Yawé, 'ahuyeta nemumienikɨ kenetine'ɨkitɨaka nemumienikɨ 'aixɨa netikamietɨ. Ne'iyaritsie 'aixɨa netinekɨhɨaweme kenenayeitɨa nemɨmetsimakaxenikɨ.

Hutarieka 'inɨari 9:29

'Imatɨrieka yunaitɨ 'ateɨterima mekanihɨkɨni pemɨwaranayexei, mɨkɨ waɨriyarika pemɨwarayewitɨ mekanihɨkɨtɨni, 'inɨarite mamariwaweme petiyurienekaku 'atɨrɨkariyakɨ”.

Hutarieka 'inɨari 9:26

Yawé nekaniutawawirieni, mɨpaɨ nekatinitahɨawe: “Yawé Kakaɨyari pepɨkawaka'unani mɨkɨ 'a'iwewarima mekanihɨkɨtɨni, pemɨwarutawikweitsitɨa 'ateɨterima mɨiremekɨ pekaniwaranuyexeiya 'Ekipitu pekaniwarayewitɨni, waɨkawa kwaniwemekɨ petiyurienetɨ wahetsiemieme,

'Epetsutari 1:17

mɨpaɨ netinenenewietɨ, Tati'aitɨwame Ketsutsi Kɨritsitu Kakaɨyarieya, ta'ukiyari witsimɨ'ane, mɨpaɨ ketixepitɨaka yu'iyaritsie xemɨtemaiwawenikɨ, naitɨ mɨtimatsiɨkɨnikɨ xehetsiemieme xe'imaikaku.

Kurutsetari 1:10

'axemu'uwanikɨ meta kemɨreuyewetse Ti'aitame hetsɨa miemete kememɨte'u'uwa, xe'inaki'atsitɨatɨ naimekɨ. Tepiwawirie mɨtiutixuxuawerenikɨ 'aixɨa xeteyuriekaku naimekɨ, xemɨtiwawerirɨmenikɨ kexemɨte'imate Kakaɨyari.

Wani 17:3

'Ikɨ tukari mɨkaxɨwe kanihɨkɨtɨni, memɨmatsimaikakɨ 'ekɨ pe'axewitɨ yuri pemɨkakaɨyari, memɨnetsimaikakɨ neta Ketsutsi Kɨritsitu pemɨnetsiheyenɨ'a.

Kitsariyaxi 30:21

Tsepa tatserieta pemeukuyunixɨ yatsepa ta'utata, 'anakata mɨpaɨ pepɨti'ena niuki mɨpaɨ matikɨhɨaweme: «'Ikɨ mɨkɨ huye kanihɨkɨtɨni, keneuweiyani».

Kuheri 2:17

Xekeneutitsuanani te'uximayatamete mawari wewiwamete Yawé hetsɨa miemete, tuki mɨranutahakitɨre hɨxie meta mawari taiyame hɨxie xeti'utɨ, mɨpaɨ xe'utiyuatɨ: «Yawé 'ateɨterima ketiniwareuyehɨwirieka. Pepɨkatatsiyetuayani 'axatemɨka'itɨarienikɨ kapa nuiwarite tahetsiemieme 'axame'utiyuanikɨ. Hipatɨ mɨpaɨ memɨka'utiyuanenikɨ teɨteri: “¿Hakewa xekakaɨyari peyeika?”»

2 Pekuru 3:18

Matsitsɨ xekenewawereni waɨkawa matsi 'aixɨa xete'u'iyaritɨ xemakɨnirɨmenikɨ, xe'imatetɨ Tati'aitɨwame Tatsiwikweitsitɨwame Ketsutsi Kɨritsitu. Mɨkɨ mariwemekɨ kekuxaxatsiwani hikɨ, tukari mɨkaxɨwe mexi ka'aye'awe. Mɨpaɨ xeikɨa kani'aneni.

Memeyekɨ 34:9

mɨpaɨ katiniuyunenewieni: —Ti'aitame, xɨka yemekɨ penetsiparewiwametɨni tahamatɨa keneuyuhayewa. Nepɨtimate 'ikɨ teɨteri yu'iyaritsie mepɨtsetse'i, hikɨ ketatineuyehɨwiri 'axatemɨte'uyurikɨ, 'ahetsɨa miemete ketanayeitɨa.

Xumatari 11:28

Niuki 'aixɨa manuyɨne kemɨtikuxaxatsiwa, mɨkɨ mekaniu'uxiwa'ani, xeme 'aixɨa xemɨ'itɨarienikɨ. Peru kememɨte'anayexeiyarie, Kakaɨyari pɨwanaki'erie wapaapama mɨwanaki'eriekaikɨ.

Kitsariyaxi 63:19

Wa'atɨtɨ hatsuaku pepɨkatatiuta'aitɨa tepɨ'ane, wa'atɨtɨ hatsuaku kepemɨtitewa temɨkate'uterɨwarieni hepaɨ.

Kitsariyaxi 63:17

¿Titayari Yawé, petareuyexɨrɨwa 'ahuyeta, meta titayari ta'iyari petitseiriya temɨkametsimakaxenikɨ? Kenenua te'a'uximayatsiriwamete pemɨwanaki'eriekɨ, 'anuiwarite 'ahetsɨa miemete yuheyemekɨ memɨhɨkɨ.

Memeyekɨ 32:7

Merikɨtsɨ Yawé Muitsexi mɨpaɨ katiniutahɨawe: —Xeiya kenanukaye'a teɨteri 'Ekipitu pemɨwarayewitɨ 'axamepɨteyurie.

Memeyekɨ 3:7

Peru Yawé katinikuxatakaitɨni: —Yurikɨ nepɨniere kememɨte'uka'eniwa neteɨterima 'Ekipitu kwieyaritsie. Nepɨwa'enie kememɨte'uximatɨarie memɨtewa'aitɨa wahetsiemieme, nepɨtimate kememɨte'uka'eniwa.

Memeyekɨ 3:10

'Ayumieme kene'akuha'aritɨa. Nekamananunɨ'amɨkɨ Parahuni hetsɨa, pemɨwarayewitɨnikɨ 'ixaheritsixi memɨneteɨterima 'Ekipitu kwieyaritsie.

Memeyekɨ 5:1

Mɨpaɨ metewarutahɨaweka Muitsexi 'Aruni Parahuni hɨxie mekaniti'uni mɨpaɨ mekatenitahɨawe: —Mɨpaɨ paine Yawé 'ixaheritsixi takakaɨyari: “Keniwarupitɨa neteɨterima makumawetsie paitɨ memɨyehukɨ 'ixɨarari memɨwewienikɨ nehetsiemieme kemɨnetinake”.

Memeyekɨ 32:12

¿Mɨpaɨ memɨka'utiyuanenikɨ 'ekipitutari, kari mɨkɨ pɨwarayewitɨ wakwimɨtɨ yeuta paitɨ, 'ena kwiepa memeuyewenikɨ? Pepɨkaha'aka ketineunewi. Keneuyɨnɨtɨa, 'ateɨterima wahetsiemieme 'axapepɨkatiyurieneni.

Memeyekɨ 32:14

Hikɨ Yawé kaniuhaxɨapieni, katiniuhayewa yuteɨterima kemɨwayurienikekai.

Nɨawari 51:13

Mɨpaɨ ne'anetɨ 'axateyuruwamete 'ahuye nepɨwaxeitsitɨaka, 'axateyuruwamete 'ahetsɨa mepɨ'axɨani.

Nɨawari 103:7

Muitsexi yuhuye kaniuxeitsitɨani, 'ixaheritsixi kaniwarutahekɨatɨani yu'uximayatsika.

2 Tsamuheri 15:25

'Arike ti'aitame mawari wewiwame Tsaruki mɨpaɨ katiniutahɨawe: —Keneukunuitɨa kakuni Kakaɨyari hetsɨa mieme kiekaritsie. Xɨka Yawé ne netsiparewieka, mɨkɨ yapɨtiyurieni ne nemunuanikɨ tawarita nemixeiyakɨ kakuni meta hakewa meka hikɨ.