Memeyekɨ 32:8 - Kakaɨyari Niukieya

⁸ Yapauka mepeuyexɨri huye mepuku'eiri, kenemɨtiwaruhɨritɨa, huru me'ukwaniyaka yukakaɨyari xeikɨa mepɨka'utawewi tsikeru hepaɨ 'anekame, matsi hɨxienata mepukatunuma'ui, mawari mepiwewiri, meta mɨpaɨ meputiyua: “'Ixaheri, 'ena 'akakaɨyari 'Ekipitu mɨmatsi'ayewitɨ”.

Memeyekɨ 32:8 ပူးပေါင်းရင်းမြစ်များ

1 Te'aitamete 12:28

Hikɨ 'uti'iwauka kemɨtiyurieni, ti'aitame yuhutame tsikerutsixi kaniwarutiwewieni hurukɨ, hikɨ mɨpaɨ katiniwarutahɨawe teɨteri: «'Ixaheritsixi, pɨkaheuyewetse xemeta'axeni 'akuxi Kerutsareme. 'Ena mekaniti'uka xekakaɨyarixima, 'Ekipitu memɨxe'ayewitɨ».

Memeyekɨ 20:23

Xepɨkanetsi hiweritɨaka, kakaɨyarixi pɨratakɨ meta hurukɨ xepɨkawawewieka meta wahɨxie xepɨka'ukatunuma'uweni.

Hutarieka 'inɨari 9:16

Hikɨ nekanixe'uxeiya Yawé yukakaɨyari hepaɨtsita 'axaxekateniuyuriekaitɨni, xeime kakaɨyari huru taiyariekamekɨ xekaniutawewieni, tsikeru hepaɨ 'anekame kwitɨwa xekanipata Yawé huye mɨxe'uxeiyatsitɨakai.

'Itsɨkate 2:17

Yaxeikɨatsiere 'ixaheritsixi mɨkɨ mepɨkawaru'eni, 'axamekateniuyurieni pɨta kakaɨyarixi mewarayexeiyatɨ wahɨxie me'ukatunuma'uwetɨ. Yapauka huye mekaniuku'eirieni watutsima memiweiyakai, huye 'aixɨa mɨ'ane Yawé kemɨti'aita huyeyari.

Memeyekɨ 22:20

»Kemɨ'ane mawari xeimepɨta kakaɨyari mɨwewirieni, Yawé pɨta 'uwewirienikeme, mɨkɨ ke'umierieni.

Memeyekɨ 32:4

huru hanutɨkɨka kanitikwaniya, 'ipɨnaka kakaɨyari kaniutawewieni, tsikeru hepaɨ 'aneme. Hikɨ yunaitɨ teɨteri mɨpaɨ mekaniutiyuani: «'Ixaheri, 'ikɨ 'akakaɨyari kanihɨkɨtɨni 'Ekipitu mɨmatsi'ayewitɨ».

Memeyekɨ 34:15

»Tɨratu xepɨkawewieka mana kiekatari wahamatɨa, mɨkɨ 'axamekateniyurieka yukakaɨyarixi mewarayexeiyatɨ, kepauka memɨtetimawa yukakaɨyarixi wahetsiemieme, mɨkɨ mekanixeti'inietɨkɨnikuni yuhetsɨa.

Mawari 17:7

Hatsuakuri mawari mepɨkawaxatɨani yukakaɨyarixi memɨwarexeiya, tsipuri 'ukitsi wahepaɨ me'aneneme memɨwarutiwewi. 'Ikɨ 'aitsika yuheyamekɨ 'aixɨa mɨ'ane kanihɨkɨtɨni mɨkɨ wahetsimieme meta watɨɨriyama.

Hutarieka 'inɨari 9:12

hikɨ mɨpaɨ kanetiniutahɨawe: “Yapauka kenanukaye'a, karikɨ 'ateɨterima 'Ekipitu pemɨwayewitɨ, yapaukari 'axamekateniuyurieni. Kwitɨwa nehuye mekaniuku'eirieni nemɨwaruxeiyatsitɨakai memiweiyanikɨ, xeime kakaɨyari huru taiyariyarikɨ mekaniutawewieni”.

Hutarieka 'inɨari 32:17

Kakaɨyarixi 'axamemɨ'anene mepɨtewarutimawiri, Kakaɨyari memɨkahɨkɨ, kakaɨyarixi memɨkawamatekai, kakaɨyarixi 'arikeke memune, kakaɨyarixi wa'ukiyarima memɨkawarayexeiyakai.

Nɨawari 78:36

Peru 'arike yutetakɨ mekanikwamanakaitɨni, yunenikɨ mekani'itakaitɨni.

Kutsuhexi 22:15

Karaha me'u'axɨaka mɨpaɨ mekateniwarutahɨawe huta 'imeriyu xiɨyariyari:

'Itsɨkate 8:24

Mɨpaɨta kaniutayɨni: ―Mɨpaɨ nepɨtixetahɨawe, yuxexuitɨ xeme xekenetsiyetuirieni hanira, meripai temɨwarutakwi tiwapiini. 'Itsimaheritsixi huru hanirayari yamekateneumanakaitɨni.

Nehemiyaxi 9:18

»Tsepa tsikeru memutawewi tepɨakɨ wewiyakame, mɨpaɨ memutiyua: “'Ikɨ kani'akakaɨyaritɨni 'Ekipitu matsiyewitɨ”, tsepa yemekɨ kwinimieme 'ahɨxie 'axamemɨte'uyuri,

Nɨawari 106:19

Huré hɨriyaritɨa me'u'axɨaka tsikeru mekaniutawewieni, kakaɨyari wewiyakame hɨxie mekaniukatunuma'uni.

Kitsariyaxi 46:6

Hipatɨ huru yukɨtsiurita mieme mepɨxɨtɨa meta pɨrata ti'inɨnɨatametsie mepɨku'inɨnɨata, xeimeta tiwewiwame meputa'iniwa kakaɨyaritɨme mɨwatawewirienikɨ, mɨkɨ kakaɨyaritɨme hɨxie panakatutsita 'itahɨaweke.

Keremiyaxi 31:32

Tɨratu kenemɨtiuwewi wa'ukiyarima wahamatɨa mɨpaɨ pɨka'aneni, kepauka 'Ekipitu nemɨwarayewitɨ mɨkɨ yamepɨkatekakɨ, tsepa ne wakɨna nemɨhɨkɨtɨkai —Yawé mɨpaɨ kanaineni—.