Memeyekɨ 32:32 - Kakaɨyari Niukieya

³² Peru, nepɨmatsiwawirie wahetsiemieme pemɨtiwareuyehɨwirienikɨ 'axakememɨte'uyuri. Peru xɨka 'ekɨ pekatiwareuyehɨwirieni, neta kenenakayeitɨa 'axapatsie pemɨraka'utuatsie.

Memeyekɨ 32:32 ပူးပေါင်းရင်းမြစ်များ

Nɨawari 69:28

Meke'ayeyeitɨarieni tukari xapayaritsie, heitserie memexeiya wahamatɨa mepɨka'aye'uka.

Matsiɨkɨtɨ kemɨratɨa 21:27

Hatsuaku hetsɨana pɨkaheutahani tita mɨkati'itiya, kakaɨyarixi memɨwarayexeiya meta memɨte'itawa, matsi kemɨ'ane xeikɨa Muxa xapayatsie memaka'utɨarie tukari mexeiyatsie.

Piriputari 4:3

'Ekɨ meta nehamatɨa yurikɨ pemɨti'uximayatame, nepɨmatsiwawirie 'ekɨ pemɨwaparewiekakɨ mɨkɨ 'ukarawetsixi, nehamatɨa 'axeikɨa tepɨtakwitɨwekai niuki 'aixɨa manuyɨne tekuxatatɨ, Kɨremeniti hamatɨa hipameta wahamatɨa nehepaɨ te'uximayatamete, mɨkɨ mepaka'utɨarie xapatsie tukari memexeiya manuyɨnetsie.

Xumatari 9:3

'Axanemɨ'itɨarienikɨ Kɨritsitu hetsie nekatiwiyatɨ nemayanikɨ, ne'iwama wahetsiemieme, mɨkɨ memɨnemarema kememɨte'utinunuiwa, mɨkɨ wahetsiemieme.

Tanieri 12:1

»”Hikɨ Miyeri kaninuamɨkɨ, ti'aitame mɨmariwe 'ateɨterima wa'ɨwiyame. Yapaɨmexɨa tukari 'uximatɨarika kanitixuawerimɨkɨ, hatsuaku mɨkatiyɨwe hepaɨ nuiwarite memuyukama tsiepaitɨtɨ. 'Ateɨterima mekanitawikweitsitɨariekuni, xapatsie memaye'uxa kememɨtetetewa,

Matsiɨkɨtɨ kemɨratɨa 3:5

Kemɨ'ane mɨrayu'iwa, mɨkɨ wahepaɨ pɨtikemaritɨarieni 'ixuriki mutuxakɨ. Hatsuaku kemɨtitewa nepɨkaheyeitɨani hakewa maka'utsie kename tukari hexeiya. Nepɨnehekɨatani kename ne'imate, mɨpaɨ ne'utaitɨ ne'ukiyari hɨxie meta hetsɨana miemete niuki tuayamete wahɨxie.

Nɨawari 139:16

Pepɨnetsixeiyakai kepauka tewi hepaɨ nemɨyɨximekai: 'ana naitɨri 'axapatsie pɨraka'ukai nehetsie timieme, netukari kemɨreuterekekai paka'ukairi, 'akuxi xeitukari tɨma neka'uyeikakaku.

Nɨawari 56:8

'Ekɨ pepi'inɨata kenemɨtiyuku'unane, puteyutsie ne'ukai pepɨkatua. ¿Kamɨtsɨ pekareye'utɨa?

Matsiɨkɨtɨ kemɨratɨa 17:8

Mɨkɨ yeutanaka pemɨxeiya, mɨkɨ meripaitɨ kaniuyeikakaitɨni, hikɨri pɨka'uyeika, meukatewata kanewatiyeiximeni, peru mamierienitsie kaniu'erieka. Kwiepa memɨtama keyupaɨmetɨ memɨka'aka'utuarie kwie munetɨarietsie paitɨ xapatsie tukari memexeiya manuyɨnetsie, mɨkɨ mekanihɨxiyakuni yeutanaka mexeiyatɨ, meripaitɨ 'amuyeikakai, hikɨri 'amɨka'uyeika, matsita kaninuamɨkɨ.

Hutarieka 'inɨari 29:20

Mɨkɨ Yawé pɨkareiyehɨwirieni. Kakaɨyari haxɨaya meta 'ɨtetsarikaya hetsiena kaniye'amɨkɨ. Naitɨ 'axamɨti'ane 'ikɨ xapatsie maye'uxa hetsiena katininakimɨkɨ, Yawé yapɨtiyurieni memɨkumawerekɨ yunaitɨ nuiwarimama.

Hutarieka 'inɨari 25:19

'Ayumieme kepauka Yawé xekakaɨyari mɨxeyetuirieni kwie meta kepauka mɨxeparewieni yunaime mana memɨtama nuiwarite xemɨwaka'unakɨ, 'ana yuheyemekɨ xekaniwarakuyeitɨakuni memɨkaha'eriwanikɨ 'Amareki nuiwarimama. Xepɨkatehatɨtɨmaiyani.

Hutarieka 'inɨari 9:14

Keneneupitɨa nemuwaka'unakɨ meta nemuwarakuyeitɨanikɨ kememɨtetetewakai. Matsi 'ahetsie, nuiwari metɨrɨkaɨyeme nepumatsi'ayeitɨani meta xeyumɨireme keyuri mɨkɨ”.

'Inɨatsie 14:19

Waɨkawa pemɨti'akanaki'eriekɨ nepɨmatsiwawirie pemɨtiwareuyehɨwirienikɨ 'ikɨ teɨteri 'axakememɨte'uyuri, 'Ekipitu memayekɨtsietɨtɨ kepemɨtiwareuyehɨwiriekai hikɨta yaxeikɨa».

Memeyekɨ 32:10

'Ekɨ wahetsie pepɨkanuaka. Nehaxɨa nepɨtatuani wahetsie, nepɨwakwini yunaime. Peru 'ahetsie nuiwari nepɨwatamɨiriya.

Rukaxi 23:34

Hikɨ Ketsutsi mɨpaɨ kaniutayɨni: —Ne'ukiyari, ketiniwareuyehɨwirieka, 'atsimemɨkatematekɨ kememɨteyurie. 'Ana kuyaxi mekaniyuta'iwa 'ixurikiteya meyutahuritɨanike.

'Amuxi 7:2

Kepaukari 'utsikari tupiriya kwiepa memukaxɨkai mɨpaɨ nekatiniuhiwa: ―Yawé nekakaɨyari, waɨkawa nepɨmatsiwawirie ketiniwareuyehɨwiri Kakuwu nuiwarimama. Pɨkayɨwe xɨari memukuwikweni, 'etsimekaniyupaɨmeni.

'Etsekieri 13:9

Ne mɨkɨ texaxatamete newaraye'unietɨ nekanayeimɨkɨ, mɨkɨ 'itarikakɨ memɨtexeitsitɨarie, meta 'itarikakɨ memɨtemaiwawe. Neteɨterima wahamatɨa mepɨkayuxewini, meta 'ixaheritsixi wahamatɨa mepɨka'aka'utsieni, metatsiere 'Ixaheri kwieyaritsie mepɨkaheutahaxɨani. Hikɨ 'ana mɨpaɨ xepɨtehetimani kename ne, Yawé naimekɨmɨyɨwe nemɨhɨkɨ.

Matsiɨkɨtɨ kemɨratɨa 22:19

Meta xɨka xewitɨ 'ikɨ xapatsie kemaine niuki xɨka 'anakatɨkɨ, Kakaɨyari kaninawairiemɨkɨ mɨkɨ tukari mexeiya hepaɨtsita meta kiekari mɨpatsie, 'ikɨ xapatsie kemɨre'uxa.

Rukaxi 10:20

Mɨkɨkɨ xepɨkayutemamawieka, kakaɨyarixi yamemɨtekahukɨ kexemɨtewa'aitɨa xeikɨa, matsi xekeneyutemamawieka xemaka'utɨariekɨ taheima kexemɨtetetewa.

'Inɨatsie 11:15

Xɨka mɨpaɨ petiyurienemɨkɨ, ne nepɨmatsiwawirie netukari pemɨnetsi nawairienikɨ. Mɨpaɨ nepɨratɨmaiya hikɨ kenemɨtiuka'eniwa.

2 Tsamuheri 18:33

'Ikɨ tiu'enieka, ti'aitame waɨkawa kaniuyukahiwerieni, kitenie heima kii makawetsie, kananutiyani mɨpaɨ tiutsuatɨ: «Xɨa'ɨi 'Awitsaruni, neniwe. Neniwe, 'Awitsaruni, neniwe. Ne pɨta nemɨniumɨkaitɨni 'ahetsiemieme. Xɨa'ɨi 'Awitsaruni, neniwe, neniwe».

Kitsariyaxi 4:3

Hikɨ kemɨ'ane Tsiyunitsie 'ayenieretɨ muyuhayewa meta kemɨ'ane Kerutsaremetsie 'ayenieretɨ muyuhayewa mɨkɨ Memɨpatsietɨka mepɨtetetewaka, meta mepaye'uxani Kerutsaremetsie tukari memexeiyanikɨ.

Marakiyaxi 3:16

Hikɨ kemɨ'ane Yawé memayemakaxekai mekateniutixata, mɨkɨta kaniwaru'enieni kememɨte'uxa. Hikɨ hɨxiena xapatsie mekanayuka'utɨani kemɨ'ane Yawé memayemakaxe meta memeyexeiya.

Marakiyaxi 3:17

«Tukari nepexeiyari kepauka mɨkɨ neteɨterima memakɨne yemekɨ —Yawé Naimekɨmɨtɨrɨkaɨye mɨpaɨ kanaineni—. Mɨkɨ nepɨwatinenimayata, tewi yuniwe kemɨtinenimaya ti'uximayatsiriekaku hepaɨ.

'Inɨatsie 11:25

Yawé haitsie 'uyekaitɨ Muitsexi hamatɨa katiniutaxata, meta haika tewiyari heimana tamamata 'ukirawetsixi 'iyari kaniwarupitɨani Muitsexi meixeiyakai. Kepauka 'iyari wahetsie mɨyuhayewaxɨ, metekuxatatɨwetɨ mekanakɨne. Tawarita mɨpaɨ pɨkatiɨyɨ.