Memeyekɨ 32:1 - Kakaɨyari Niukieya

¹ Merikɨtsɨ Muitsexi 'ekatineutewikaitɨni kanuawetɨ Tsinahi hɨriyaritsie heyeikatɨ, hikɨ 'Aruni hɨxie 'ixaheritsixi me'u'axɨaka mɨpaɨ mekatenitahɨawe: —Peuyewetse kakaɨyarixi pemɨtatsitiwewirieni memɨtatsi'uwitɨximenikɨ, Muitsexi 'Ekipitu mɨtatsi'ayewitɨ, 'atsitepɨkatemate kemeyɨ kemɨreyɨnixɨ.

Memeyekɨ 32:1 ပူးပေါင်းရင်းမြစ်များ

Nɨ'ariekate 7:40

mɨpaɨ 'Aruni metekɨhɨawetɨ: “Peuyewetse kakaɨyarixi temutatiwewirieni memɨtatsi'uwitɨximenikɨ, Muitsexi 'Ekipitu mɨtatsi'ayewitɨ, 'atsitepɨkatemate kemeyɨ kemɨreyunixɨ”.

Hutarieka 'inɨari 9:9

Kepauka mana hɨritsie nemanutitɨa tetexi mɨweweri nemɨyetuiriyarienikɨ, tɨratu maye'uxa Yawé mitawewi xehamatɨa, mana hɨritsie huta tewiyari tukari meta tɨkari nekaniuyurieni, nekatikwatɨ meta nekaharetɨ.

2 Pekuru 3:4

mɨpaɨ me'utiyuatɨ: «¿Hakewatsɨ pɨka'aye'awe 'akuxi mɨkɨ kemutayɨ kename nuani? Tapaapama memukwitsie paitɨtɨ, hikɨ yaxeikɨa 'anetɨ 'akanitamaka kemɨti'anekai tsutɨa paitɨ kepauka munetɨarie, me'utiyuatɨ».

Memeyekɨ 24:18

Muitsexi kaneutahani haitsata kananutiyani hɨritsie, mana pekatei huta tewiyari tukari meta huta tewiyari tɨkari.

Mateu 24:48

Peru mexɨka mɨkɨ ti'uximayatame 'axatiuka'iyarini, mɨpaɨ tiuyɨhɨawe: “Nekutsiyari 'epɨreutere kwitɨ pɨkanuani”,

Nɨ'ariekate 17:29

»Hikɨ, xɨka Kakaɨyari hetsie teyekɨne, 'aixɨa pɨka'ane para mɨpaɨ temɨte'ixeiyani huru hepaɨ, pɨrata hepaɨ yatɨni tete hepaɨ 'anekame: tewi wewiyaya hepaɨ 'anekame, tita tewi mɨtiyɨkɨhɨawe hepaɨ 'anekame.

Nɨ'ariekate 19:26

Mɨpaɨ xepɨtexeiya, mɨpaɨ xepɨte'enana, Papuru yuri kemɨtiwa'eritɨa kemɨtiwarukunuitɨa yumɨireme teɨteri, 'ena 'Epetsutsie xeikɨa pɨkatixaɨ, matsi naitsarie 'Atsiyatsie. Mɨpaɨ katinikuxatani, mɨkɨ mamakɨ memɨwewiyatɨka kakaɨyarixi mepɨkahɨkɨ 'utaitɨ.

Mikeyaxi 6:4

Ne nekatiniuyurieni 'Ekipitu kwieyaritsie nemɨxe'ayewitɨ, nemɨxe'uxɨnaxɨ mɨkɨ kwieyaritsie waɨriyarika xete'aitɨariekaku. Ne nekaniwarutanɨ'ani Muitsexi, 'Aruni meta Miriyami, memɨxe'uwitɨximenikɨ.

'Utseyaxi 12:13

'Ixaheri 'Ekipitu mayewitɨkienikɨ meta mita'ɨwiyakɨ, Yawé yuniukame kanenɨ'ani.

Memeyekɨ 32:11

Muitsexi Yawé yukakaɨyari kaninɨtɨamɨkɨkaitɨni mɨpaɨ katinitawawirieni: —Neuxei Yawé, ¿'ateɨterima wahepaɨtsita pepɨkaha'aka, pemɨwarayewitɨ 'Ekipitu 'atɨrɨkariyakɨ waɨkawa petiyurienetɨ?

Memeyekɨ 32:7

Merikɨtsɨ Yawé Muitsexi mɨpaɨ katiniutahɨawe: —Xeiya kenanukaye'a teɨteri 'Ekipitu pemɨwarayewitɨ 'axamepɨteyurie.

Memeyekɨ 14:11

Hikɨ mɨpaɨ Muitsexi mekateniutatieni: —Kamɨtsɨ karexɨawekai 'Ekipitu kwie temekateukienikɨ, ¿titayari petareyewitɨ 'enapaitɨ makumawetsie temɨkwinikɨ? ¿Kehapaɨtɨtɨ pepɨtatsiyuriene?

Memeyekɨ 13:21

Tukarikɨ, Yawé kaniumiekatɨni wahɨxie haiwitɨritɨtɨ, 'a'uwetɨ waxeitsitɨatɨ huye kemɨreuyune, yɨwikɨtata pɨwahekɨariwiyakai tai 'a'uwetɨ panuyekatei xawatɨtɨ. 'Ayumieme mepɨyɨwawekai memuhunikɨ tukarikɨ meta tɨkarikɨ.

Memeyekɨ 16:3

Mɨpaɨ 'ixaheritsixi mekaniutiyuanekaitɨni: —Matsi 'aixɨa pɨ'anekai xɨka Yawé tatsihekwinike 'Ekipitu paitɨ. Mana 'aixɨa tepɨtehetikwa'akai wai 'itsarikɨ meta pakɨ yemekɨ tepetihuxarɨwekai. Xeme xepɨtatsiheyewitɨ, 'ena makumawetsie teyunaime xemɨtatsikwinikɨ haakakɨ.

Tsutɨarika 44:15

hikɨ Kutse mɨpaɨ katiniwarutahɨawe: —¿Titayari mɨyaxenete'uyuri? ¿'Atsixekatemaikai kɨmana nemɨtimaiwe, kemɨtiyɨni 'arike?

Kutsuhexi 7:13

Kenanukukexi. Meke'uyu'itieni teɨteri. Mɨpaɨ ketiniwarutahɨawi 'aixɨa meke'uyuyurieni 'uxa'a nehɨxie memɨti'unikɨ, ne, Yawé, 'ixaheritsixi wakakaɨyari mɨpaɨ nepaine: “'Ixaheritsixi kexemɨteka'unariexime xetsata pɨti'ane. Pepɨkayɨwekaxɨani pemɨwara'iwakɨ pemɨwaraye'unie kepaukake 'aixɨa pemɨtiyurieni 'ateɨterima watsata”.

Memeyekɨ 33:3

Xekaniyehuni mɨkɨ kwieyaritsie mana waɨkawa kanexuaweni retsi meta xiete. Ne xehamatɨa nepɨkayemie, xɨka xehamatɨa neheyani, huyeta nekanixehekwiweni, xemɨkaheu'enanakɨ».

Tsutɨarika 44:4

Mehekɨneku yareutewikaku Kutse tiyu'uximayatsiriwame mɨpaɨ pɨtiutahɨawixɨ: «'Ikɨ teɨteri memekɨ, keniwaranukuweiya. Xɨka pewaranuku'axe mɨpaɨ ketiniwaretahɨawi: “¿Titayari 'axa'anemekɨ xenetehakapitɨa, titayari neti'aitɨwame tekɨxieya xetehenawa pɨrata tekɨxiyari?

Tsutɨarika 39:8

Kutse kayuwaɨriyatɨ, mɨpaɨ katinitahɨawe: —Neuxei 'ukaratsi: neti'aitɨwame netsinaki'erietɨ pɨnetiuhɨritɨa, yupiinite yukie timieme naime mɨkareukweriwayuriekakɨ.

Tsutɨarika 19:14

Hikɨ Ruti kanayeyani wata'inienike yuniwema wakɨnama memakɨnekekai, kemɨ'ane memɨwatiwitɨnikekai. Mɨpaɨ katiniwarutahɨawe: —Mexɨima. Kiekaritsie xekenayekɨni, Yawé kanika'unarɨmeni. Matsi mɨkɨ yakɨ 'utaineme mepɨ'eriekai.

Mateu 24:43

Peru 'ipaɨ xeketenemaika: xɨka kiekame yatimaikake kemɨ'ane hurayaritsie tɨkarikɨ munuani tinawayame, payenierenikeyu mɨka'ipitɨanikɨ kiita meutahani.

Tsutɨarika 21:26

'Awimereki mɨpaɨ kaniutayɨni: —Nematsi mɨpaɨ nepɨkatimaikai, 'ekɨtsɨ mɨpaɨ penerahɨaweka, ne 'atsinepɨkatimate kemɨ'ane mɨyamɨtiuyuri.

Memeyekɨ 20:23

Xepɨkanetsi hiweritɨaka, kakaɨyarixi pɨratakɨ meta hurukɨ xepɨkawawewieka meta wahɨxie xepɨka'ukatunuma'uweni.

Memeyekɨ 32:23

Mɨkɨ mɨpaɨ mekaneteniutahɨawe: “Peuyewetse kakaɨyarixi pemɨtatsitiwewirieni memɨtatsi'uwitɨximenikɨ, Muitsexi 'Ekipitu mɨtatsi'ayewitɨ, 'atsitepɨkatemate kemeyɨ kemɨreyunixɨ”.

'Inɨatsie 14:22

tsepanetɨ nexawatɨriya memuxei meta mamariwawemekɨ kenemɨtiuyuri 'Ekipitu meta makumawetsie, 'iya kemɨ'ane yuri memɨkaneteheta'eriri, mɨixamexɨa memɨnetsiheta'inɨataxɨ

'Etsekieri 20:8

»”Mɨyatɨtɨ mepɨkanetsi'anu'eni, menetsi'aye'unietɨ mepakɨ. Yukakaɨyarixi mepɨkawarexɨri memɨwanaki'eriekaikɨ, meta kakaɨyarixi 'ekipitu miemete mepɨkawaruku'eiri. 'Ayumieme kepauka 'Ekipitu memu'uwakaitsie, mɨpaɨ nepɨtiu'eri nehaxɨa wahetsie nepɨkawiwieni.

Memeyekɨ 24:12

Yawé Muitsexi mɨpaɨ katiniutahɨawe: «Kenatiye'a hɨritsie nehetsɨa, mana keneuyuhayewa. Nepɨmatsiyetuirieni 'inɨari niukiyari, tete wewerimetsie mɨye'uxa meta ne'aitsika nemaka'utɨa para mɨpaɨ xemɨte'u'uwanikɨ».

Memeyekɨ 32:22

'Aruni mɨpaɨ katinita'eiya: —Neuxei ne'iwa, pepɨkaha'aka, 'ekɨ pekatinimaika 'ikɨ teɨteri 'axamepɨte'u'iyari xeikɨa.

Hutarieka 'inɨari 9:1

»'Ixaheri keneneu'eni, hikɨri Kurutani hatuxameyaritsie pekaniuyeimɨkɨ pemeutahanikɨ meta pemɨwarayeweiyakɨ nuiwarite waɨkawa memɨtɨrɨkawi memɨmamariwawe 'ekɨ kepemɨkatitɨrɨkaɨye, mɨkɨ wakiekari kuraruyari 'amatitɨtɨ muyuawitsiepai kaneye'atɨkani.

Hutarieka 'inɨari 31:8

Yawé matsi panuyehaitɨaka 'ahɨxie meta 'ahamatɨa puyeikani, hatsuaku pɨkamatsiku'eirieni 'axaɨtame meta pɨkamatsinutuita. Pepɨkamaka meta pepɨka'utaweranareni».

Nɨawari 106:19

Huré hɨriyaritɨa me'u'axɨaka tsikeru mekaniutawewieni, kakaɨyari wewiyakame hɨxie mekaniukatunuma'uni.