Memeyekɨ 31:17 - Kakaɨyari Niukieya

¹⁷ 'inɨari yamɨreuyuhane pɨhɨkɨtɨni mɨkɨ meta ne. »Kaniyuritɨni, 'ataxewi tukari Yawé katiniutawewieni, muyuawi taheima mieme meta kwie, 'atahutarieka tukaritsie puka'uxipi».

Memeyekɨ 31:17 ပူးပေါင်းရင်းမြစ်များ

Memeyekɨ 31:13

«Mɨpaɨ 'ixaheritsixi ketiniwarutahɨawi: “Xekena'eriwani xawati 'uxipiya tukaritsie. Nuiwarite memahu wahetsiemieme, xawati tukari 'inɨari pɨhɨkɨtɨni nehetsiemieme meta xehetsiemieme, mɨpaɨ xemɨtemaikakɨ ne Yawé nemenayexei mɨkɨ tukaritsie xemɨnetsihahɨawenikɨ.

Tsutɨarika 1:31

Kakaɨyari naime katiniuxeiya tita mɨtiutiwewi. «'Aixɨa pɨ'ane», kaniutayɨni. Hikɨ kaniukuyɨre, ximerita kanayani, 'ataxewirieka tukari kanayani.

'Etsekieri 20:12

Meta xawati tukariyari nekaniwayetuirieni 'inɨari mɨhɨkɨtɨnikɨ ne wahamatɨa mɨkɨta nehamatɨa, mɨpaɨ memɨnetehaye'eriwanikɨ, ne Yawé, xawati tukariyari patsiekame nepayeitɨa nehetsiemieme.

Hepɨrayutsixi 4:10

Kemɨ'ane maye'a hakewa meika'uxipitɨa, mɨkɨ pu'uxipie yu'uximayatsika 'unɨka, yaxeikɨa Kakaɨyari kemɨtiuka'uxipi yu'uximayatsika 'unɨka.

'Etsekieri 20:20

Xawati tukariyari xekena'eriwani mɨpatsie nehetsiemieme, mɨ'inɨaritɨnikɨ xehetsiemieme meta nehetsiemieme, mɨpaɨ xemɨtemaikakɨ ne Yawé xekakaɨyari nemɨkɨkɨ’.

Keremiyaxi 32:41

Nekaniyutemawiekamɨkɨ newaparewietɨ, meta naime ne'iyarikɨ meta naime kenemɨtinematekɨ yurikɨ 'ikɨ kwieyaritsie nekaniwakayatsamɨkɨ.

Nɨawari 104:31

Yawé kepemɨtimariwe yuheyemekɨ mɨpaɨ peke'aneni, Yawé keyutemawieritɨaka tita mɨtiutawewi hetsiemieme.

Kuwi 38:7

mexixi me'utikwikakai xurawetsixi ximeri miemete meta yunaitɨ niuki tuayamete meyutemamawietɨ me'utihiwakai?

Memeyekɨ 20:11

Kena'eriwani 'ataxewime tukari Yawé pɨtiutiwewi muyuawi, kwie, haramara, meta yunaime mana memɨteye'uwa, hikɨ 'atahutarieka kaniuka'uxipieni. 'Ayumieme Yawé mɨkɨ 'uxipiya tukari patsiekame kanayeitɨani.

Memeyekɨ 31:16

»'Ixaheritsixi mekehe'eriwani xawati 'uxipiya tukari. Wanuiwarite wahetsiemieme tɨratu yuheyemekɨ kanayeimɨkɨ,

Kitsariyaxi 58:13

»Xɨka xawati tukariyari kapatsiekame pe'ayeitɨatɨ petiuhayewa, meta pekayuharerutaneni netukari mɨpatsietsie, xɨka xawati “tukari witsimɨ'ane” petiuterɨwani, meta xɨka Yawé tukarieya mɨpatsie, “mɨmariwe” petiuterɨwani, xɨka kapatsiekame pe'ayeitɨatɨ petiuhayewa, meta xɨka pe'eyexeiyani pekayuharerutatɨ, meta niuki tixaɨtɨ mɨkatiyunaki'eriekɨ peka'utaniutɨ,