Memeyekɨ 30:15 - Kakaɨyari Niukieya

¹⁵ Yutukari memɨtawikweitsitɨanikɨ, yunaitɨ yaxeikɨa paɨpaɨmeme mekaniyetuaxɨakuni, waɨkawa mɨrexeiya meta mɨkarexeiya.

Memeyekɨ 30:15 ပူးပေါင်းရင်းမြစ်များ

'Inɨatsie 31:50

'Ayumieme Yawé hetsiemieme mawari tepɨwewie, ketita temɨteyetuaxɨa hurute taxexuitɨ: mamatsiemieme, tepɨa kukari huru matsɨwayari, kuka menawutɨa meta kukate. 'Ikɨ naime tepɨte'atɨwa temɨxɨnarienikɨ mawariyari Yawé hɨxie».

'Epetsutari 6:9

Xemeta, xemɨwakutsiyarima, yaxeikɨa xekeniwayurieka, xeketeneuhayewa xewamariutatɨ. Mɨpaɨ xetemaitɨ, kemɨ'ane mɨwakutsiyari mɨxekutsiyari xemeta, mɨkɨ Ti'aitame taheima pakawe, yɨkɨ teɨteri pɨkatiwaxeiya.

Kuwi 34:19

Kakaɨyari te'aitamete mexɨakate xeikɨa waɨkawa pɨkawaparewie, meta xikutsixi xeikɨa pɨkawaparewie tixaɨtɨ memɨkateheuxeiya kawanaki'erietɨ. Yunaitɨ matsi mɨkɨ 'iwewarimama mepɨhɨkɨ.

Mawari 17:11

Yunaitɨ memɨte'ayeneniere xuriyakɨ mekanayeneniereni. Ne nekɨmana nepɨxeyetuirie mawari taiyametsie, xemɨxɨnarienikɨ yuxexuitɨ, mɨkɨ xuriyakɨ katiniyɨmɨkɨ xemɨxɨnarienikɨ.

Memeyekɨ 30:12

«Kepauka memaka'utɨarieni 'ixaheritsixi, yuxexuitɨ Yawé hetsɨa mekateniyutuakuni yutukaritsiemieme, memɨkatetikwikwinenikɨ kepauka memɨti'inɨatsieni.

Kurutsetari 3:25

Kemɨ'ane 'axamɨtiuyuri mɨkɨ 'axamɨti'anekɨ katinakapitɨariemɨkɨ kemɨtiuyuri, Kakaɨyari yɨkɨ pɨkatiwaxeiya yunaime teɨteri.

Temaiwawemete 22:2

Mɨxiku meta tixaɨtɨ mɨkarexeiya mɨkɨ yaxeikɨa mepɨ'anene, mɨkɨ yuhutame Yawé kaniwarutiwewieni.

2 Tsamuheri 21:3

hikɨ mɨpaɨ katiniwaruta'iwawiya: —¿Xehetsiemieme kenetiyurieni kexeteha'eriwa? ¿Kehepaɨ netiyurieme 'aixɨa nepɨtiyurieni xehetsiemieme, xewitɨ ke'axamɨxe'uyuri, mɨpaɨ 'ana xeme xemitawawirienikɨ Kakaɨyari 'aixɨa mɨtatsiyurienikɨ Yawé temɨteɨterimama?

Memeyekɨ 30:14

Yunaitɨ memaka'utsieni xeitewiyari wiyari memɨhɨtɨka mɨkɨ mawari mekaniyetuakuni Yawé hetsiemieme.

Memeyekɨ 30:16

'Ekɨ mɨkɨ pɨrata pekananɨ'ɨimɨkɨ 'ixaheritsixi memiyetuani, pekaniyetuamɨkɨ 'ixuriki tukiyari hetsiemieme mayanikɨ. Mɨpaɨ xɨka xete'uyurieni Yawé 'ixaheritsixi kɨmana memɨte'uyutua kanixeiyakamɨkɨ memɨkakwinikɨ».

Memeyekɨ 38:26

Yunaitɨ xeitewiyari wiyari memɨhɨtɨkatei mekanaka'utɨarieni, mɨkɨ yunaitɨ mepakɨ 'ataxewime tsienituyari heimana haika miriyari heimana 'auxɨwime tsienituyari heimana huta tewiyari heimana tamamata (603.550), mɨkɨ mɨpaɨ meyupaɨmetɨ mekaniyetuaxɨani yuxexuitɨ, 'ataxewime kɨramuyari pɨrata, tuki 'ana kemɨti'inɨatakai.

'Etsekieri 45:16

Yunaitɨ kiekatari 'Ixaheri kwieyaritsie yemekɨ kaneuyeweka, memɨteyetuayanikɨ 'ikɨ 'imikieri 'iya ti'aitame hetsiemieme.