Memeyekɨ 3:9 - Kakaɨyari Niukieya

⁹ 'Ixaheritsixi wahiwari nepu'eni, meta nepɨniere 'ekipitutari kehepaɨ memɨtewananaima.

Memeyekɨ 3:9 ပူးပေါင်းရင်းမြစ်များ

Memeyekɨ 2:23

Mɨixa wiyari 'anuyeyaku, ti'aitame 'Ekipitu kiekame kaniumɨni. 'Ixaheritsixi yaxeikɨa mekateniuka'eniwakaitɨni, waɨriyarika te'uximayatamete mehɨkɨtɨtɨ, mekaniutihiwakaitɨni parewiya meheuyehɨatɨ. Wahiwari Kakaɨyari kaniu'enieni mewaɨripiekaku.

Memeyekɨ 3:7

Peru Yawé katinikuxatakaitɨni: —Yurikɨ nepɨniere kememɨte'uka'eniwa neteɨterima 'Ekipitu kwieyaritsie. Nepɨwa'enie kememɨte'uximatɨarie memɨtewa'aitɨa wahetsiemieme, nepɨtimate kememɨte'uka'eniwa.

Memeyekɨ 1:11

Mɨpaɨ mekateniuyurieni 'ekipitutari, te'aitamete mekaniwarutihɨawe 'ixaheritsixi memɨtewata'aitɨanikɨ, 'uximayatsika mekaniwaruxatɨani waɨriyarika mewapitɨatɨ, Parahuni hetsiemieme kiekari 'ikwai mɨreuta'ɨnarɨwa Pituni mɨtitewa meta Xamɨtsexi.

Memeyekɨ 1:22

Hikɨ Parahuni mɨpaɨ katiniwaruta'aitɨani yuteɨterima: —Yunaime tɨɨri 'ukitsi hepɨrayutsixi hapa xekeniwareukaxɨri memɨtinunuiwa. 'Ukari xekeniwarehayewa.

Ti'ɨkitame 5:8

Xɨka xeime kwieyaritsie pewaruxeiya mewananaimakame tixaɨtɨ memɨkatehexeiya, meta teɨteri mekawapitɨatɨ heitserie memexeiyanikɨ, mɨkɨkɨ pepɨkahɨxiyaka, kemɨ'ane waɨkawa muwe'eme xewitɨ matsi waɨkawa we'emetɨtɨ kanixeiyani, meta waheima matsi xewitɨ mariwetɨ kaniwaxeiyani.

Ti'ɨkitame 4:1

Merikɨte neniune'ɨwiyata 'ikɨ tukaritsie waɨkawa kememɨte'uka'eniwakai. Nekaniwaruxeiya 'axamemute'anuyehu me'utitsuaname, xewitɨ pumawekai mɨwanɨtɨanikɨ, tɨrɨkariya memexeiya mekaniwa'uximatɨakaitɨni, pumawekai kemɨ'ane muwanɨtɨani.

Nɨawari 12:5

Yawé mɨpaɨ kanaineni: «Hikɨ nekananukukemɨkɨ, memɨ'uximatɨarie nekaniwatawikweitsitɨamɨkɨ, tixaɨtɨ mɨkarexeiya mɨnanaimariekɨ, mɨreuyehɨwa mɨtiuka'eniwakɨ».

'Amuxi 4:1

'Ikɨ niuki xeme xekeneu'eni, wakaitsixi Watsani miemete, Tsamariya hɨriyaritsie xemu'uwa, haweri memɨ'anene xemɨwananaima meta tixaɨtɨ memɨkatehexeiya, yɨkɨnama mɨpaɨ xemɨtewakɨhɨawe: «Xeketatenahapaniri tepanu'ieni».

Tsutɨarika 16:11

»Hikɨri pemayehuka xeime nunutsi 'uki pekanayexeiyamɨkɨ, 'Itsimaheri pekatiniterɨwamɨkɨ, Yawé mi'enikɨ 'ahiwerika.

Hutarieka 'inɨari 26:7

Tame matsi Yawé teputahɨawixɨ, tatutsima wakakaɨyari, mɨkɨ pɨtatsi'u'eni ketemɨte'itawawiri, pɨtatsi'uxei ketemɨte'uka'eniwakai, ketemɨte'uximayakai meta ketemɨtenanaimariekai.

1 Tsamuheri 9:16

«'Uxa'a, 'ipaɨ pauka xeime tewi nemenanunɨ'airiemɨkɨ Wenikamini kwieyaritsie kiekame. Pepikawirieni hatseiti para ti'aitame mayanikɨ 'ixaheritsixi mɨtiwata'aitɨanikɨ, mɨwatawikweitsitɨanikɨ piritsiteutsixi memɨwananaimakɨ. Neteɨterima nepɨwarutinenimayataxɨ, wahiwari wa'aiwari nehetsɨapai mɨye'axekɨ».

2 Te'aitamete 13:4

Hikɨ Kuhakatsi Yawé kaniutahɨawe, mɨkɨta kani'enieni, munierixɨkɨ 'ixaheritsixi kwinimieme Tsiriyatsie ti'aitame mɨtiwananaimakaikɨ.

Tsutɨarika 31:12

Hikɨ mɨkɨ mɨpaɨ kanetiniutahɨawe: “Paratsɨ keneuyɨ'ɨwiya, tuurutsixi 'ukari memɨwaweiyatɨwe mekaneuririnawini meta mekaneupipitɨni. Ne nepɨtimate kemɨmatsi'uyuri Rawani.

Memeyekɨ 1:8

Hikɨ 'Ekipitu xewitɨ pɨta ti'aitame kananukakeni Kutse mɨkahetimaikai kemɨtiuyuri,

Memeyekɨ 2:25

Mɨpaɨ Kakaɨyari 'ixaheritsixi katiniwaraye'erieni, maye'akaikɨ yamemɨteyuriekakɨ.

2 Te'aitamete 20:5

«Keneukunuaka 'Etsekiyaxi mɨpaɨ ketinetahɨawi, neteɨterima mɨtiwa'aitɨwame, ne Yawé kenemaine, 'ukiyarieya Rawiri Kakaɨyarieya: “Nepi'eni 'anenewieri meta nepixei 'a'ukai. 'Aixɨa pereu'eriekame nepɨmatsi'ayeitɨani kepemɨtikuye, hikɨ haika tukari 'aye'ayu pepɨyɨweni Kakaɨyari tukieyata pemɨmiekɨ.

Nehemiyaxi 9:9

»'Ekipitu tatewarima wa'uximatɨarika pepu'eni, Haramara Mɨxeta 'aurie kememɨteyuhiweriekai pepuwaru'eni.

Nɨawari 9:14

Kerutsareme kitenieyaritsie 'akwikarikɨ nepɨmatsikuxatani, 'awikweitsitɨarikatsie nemɨnetemawiekɨ.