Memeyekɨ 3:8 - Kakaɨyari Niukieya

⁸ Hikɨ newaxɨnake nepɨyɨane 'ekipitutari wahetsɨa, newarayewitɨnike mɨkɨ kwieyaritsie nemɨwaranuwitɨnikɨ, xeime kwie 'aixɨa mɨ'anetsie 'amakuyewatsie, retsi maxuawetsie meta xiete, nekanixatani kananeutsixi wakwieyaritsie meta hetitsixi, 'amuxeutsixi, peretseutsixi, heweutsixi meta kewutseutsixi.

Memeyekɨ 3:8 ပူးပေါင်းရင်းမြစ်များ

Tsutɨarika 50:24

Hikɨ 'arikemɨkake, Kutse mɨpaɨ katiniwarutahɨawe yu'iwama: «'Etsiwa xeikɨari peuyewetse nemɨmɨnikɨ, peru Kakaɨyari kanixeparewiekamɨkɨ, kanixe'ayewitɨmɨkɨ 'ikɨ kwieyaritsie kanixe'anuwitɨmɨkɨ kwie 'Apɨrahami, 'Itsahaki meta Kakuwu mɨwaxatɨakaitsie».

Memeyekɨ 3:17

'Ayumieme mɨpaɨ nepɨtiku'eriwa nepɨxe'ayewitɨni kexemɨte'uka'eniwatsie mana 'Ekipitu. Nemɨxe'anuwitɨnikɨ kananeutsixi wakwietsie, hetitsixi, 'amuxeutsixi, peretseutsixi, heweutsixi meta kewutseutsixi. Mɨkɨ kwietsie waɨkawa retsi kanexɨaweni meta xiete.’ ”

Hutarieka 'inɨari 1:25

Mana timieme hipame 'ikwaxi mekateniukatɨni, mekatateni'atɨirieni meta mekatateniutaxatɨani kwietsie ke'aixɨa mɨre'anekai Yawé takakaɨyari mɨtatsixatɨa.

Memeyekɨ 13:5

Mɨkɨ metseriyaritsie meta xekaneiwewikuni 'ixɨarari, kepauka Yawé mɨxeheta'atɨani kwie xe'ukiyarima mɨwaruxatɨatsie kename wayetuirieni. Kanixatsiwani kananeutsixi wakwietsie, meta hetitsixi, 'amuxeutsixi, heweutsixi meta kewutseutsixi: kwiepa hakewa retsi waɨkawa meta xiete maxuawe.

Keremiyaxi 11:5

'Ana nepeye'atɨani kenemɨtiwarutahɨawixɨ xe'ukiyarima, kenemɨtiwayetuirienikekai kwie retsi meta xiete waɨkawa maxuawetsie, xeme hikɨ xemeixeiya”». Ne mɨpaɨ nekatinita'eiya: «Yawé, mɨpaɨ ketiɨyɨni».

'Inɨatsie 13:27

Mɨpaɨ mekateniwaruxatɨani: —Hakewa pemɨtatsihetanɨ'a mɨkɨ kwieyaritsie tepanɨkɨ, puyuri mana waɨkawa pexuawe retsi meta xiete. 'Ena xeketeneuxeiya 'ikwaxi mana mɨrexuawe.

Wani 6:38

Ne taheima nepɨka'akane tita mɨnetinake yanemɨtiyurienenikɨ, matsi tita mɨtinake 'iya mɨnetsiheyenɨ'a pɨta yanemɨtiyurienenikɨ.

'Etsekieri 20:6

Mɨkɨ tukaritsie mɨpaɨ nepɨtiwarutahɨawixɨ yurikɨ nehaitɨ kename newarayewitɨni 'Ekipitu, kename newaranuwitɨni xeime kwieyaritsie ne nemeikuxeiyakaitsie. Mɨkɨ kwieyaritsie waɨkawa kanexuaweni retsi meta xiete, mɨkɨ yemekɨ witsimɨraku'ane kanihɨkɨtɨni.

Nɨawari 91:15

Mɨkɨ pɨnetsitahɨawe, neta nepita'eiya, hamatɨana nepuyeikani kepauka 'uximatɨarika mexeiyani, nekanixɨnamɨkɨ 'aixɨa nekatinitahɨawimɨkɨ.

Nɨawari 34:8

Xeketeneuta'inɨata, xeketenetimati Yawé 'aixɨa kemɨtiuka'iyari, xekeneyutemamawieka kemɨ'ane hetsiena xemuyu'awieta.

Memeyekɨ 12:51

Kwitɨwa mɨkɨ tukaritsie Yawé pɨwarayewitɨ 'ixaheritsixi 'Ekipitu kwieyaritsie, meyumɨireme.

Keremiyaxi 32:22

'Ixaheritsixi 'ikɨ kwie pepɨwayetuiri, hakewa retsi meta xiete waɨkawa maxɨawetsie, wa'ukiyarima kepemɨtiwarutahɨawekai kename pewayetuirienikekai.

Nɨawari 12:5

Yawé mɨpaɨ kanaineni: «Hikɨ nekananukukemɨkɨ, memɨ'uximatɨarie nekaniwatawikweitsitɨamɨkɨ, tixaɨtɨ mɨkarexeiya mɨnanaimariekɨ, mɨreuyehɨwa mɨtiuka'eniwakɨ».

Hutarieka 'inɨari 27:3

mɨkɨtsie naime 'aitsikate xepa'utɨaxɨani. Mɨpaɨ xepɨteheyurieni kepauka xemanukɨne Kurutanitsie, kepauka xemɨ'axɨani kwie Yawé xekakaɨyari mɨxeyetuirietsie, hakewa waɨkawa retsi meta xiete mexuawetsie, Yawé xekakaɨyari xetutsima kemɨtiwarutahɨawekai.

Hutarieka 'inɨari 7:1

»Yawé xekakaɨyari 'iya kwieyaritsie kanixe'atɨamɨkɨ mana yukwie xemayeitɨanikɨ, mana 'atahuta nuiwarite kaniwaka'unamɨkɨ 'ahɨxie waɨkawa memɨtɨrɨkawi kepemɨkatitɨrɨkaɨye 'ekɨ, mekanihɨkɨtɨni hetitsixi, keriketseutsixi, 'amuxeutsixi, kananeutsixi, peretseutsixi, heweutsixi meta kewutseutsixi.

Tsutɨarika 11:5

Hikɨ Yawé kaniukateni kiekari mɨxeiyakɨ meta tuxiyu teɨteri memiwewietɨwekaikɨ,

Wani 3:13

Xewitɨ taheima pɨka'anutiyeiwe, mɨkɨ taheima makane Yuri Tewitɨtɨ xeikɨa pemarie.

Kitsariyaxi 64:1

Mɨpaɨ tepɨteha'eriwakaku muyuawi xɨka pewakayepienike muwa pemakanenikɨ, Hɨrite 'ahɨxie putiyɨyɨakawe,

Memeyekɨ 34:11

Xɨka xeme yaxetekahuni kenemɨtixe'utahɨawixɨ, xɨka yaxetekakɨne. Nepɨwataweiya 'ahɨxie 'amuxeutsixi, kananeutsixi, hetitsixi, peretseutsixi, heweutsixi meta kewutseutsixi.

Tsutɨarika 18:21

'Ayumieme nepɨnierimie, xɨka 'aku yuritɨni 'axamete'u'iyarini kememutiyuane memutitsuana, yatɨ pɨtikatixaɨ nekatinetimaimɨkɨ.

Tsutɨarika 15:14

Peru neta yaxeikɨa nepɨwa'uximatɨani mɨkɨ teɨteri memɨtewata'uximayatsitɨani, 'ana mepayekɨne 'anuiwarima metixɨnarieme, waɨkawa mɨraye'atɨka mete'upitɨ.

Nehemiyaxi 9:8

Hetsiena pepikaxei 'iyari heitserie yamɨtikamie 'ayumieme tɨratu hamatɨana pepuwewi. Mɨpaɨ pepɨtitahɨawixɨ kename nuiwarimama kananeutsixi wakwie pewayetuirienikekai, meta 'etitsixi, 'amuxeutsixi meta peretseutsixi, kewutseutsixi, keriketseutsixi wakwie. Pepɨraye'atɨa kepemutayɨ heitseriemekɨ yapemɨtikamie pemɨhɨkɨkɨ.

Hutarieka 'inɨari 28:11

»Yawé waɨkawa piinitɨarika pɨxetipitɨani xemɨtehexeiyanikɨ: Xeniwema puwamɨiriyani, xetewama meta waɨkawa xepɨte'ukaxexeiyani mɨkɨ kwieyaritsie xetutsima kemɨtiwarutahɨawixɨ kename xeyetuirienikekai.

Tsutɨarika 11:7

Matsi 'aixɨa pɨyɨni waniuki nepɨpataxɨani, memɨkayu'eniekakɨri yunaitɨ».

Keremiyaxi 2:7

Ne nepɨxe'atɨa kwie 'aixɨa mɨ'anetsie, mana 'ikwaxi mɨtixuawe xemɨtekwakakɨ tinaitɨ mana mɨtixuawe. Peru xeme xe'u'axɨaka nekwie ka'itiyakame xepayeitɨa, xeme kwie nemɨxeyetuiri ne'ixani'eriekame xepayeitɨa.

Kutsuhexi 9:1

Merikɨtsɨ te'aitamete mekanixuawekaitɨni Kurutani 'anataɨye tau makayuyuipike hepatsie, muhɨriyatsie, muweritsie meta naitsarie haramara Meritexaniyu hatetsitayaritsie, metatsiere Riwanu paitɨ: hetitsixi, 'amuxeutsixi, kananeutsixi, peretseutsixi, heweutsixi meta kewutseutsixi memakuteitsie. Kepauka tewa'aitɨwamete memu'enana 'ixaheritsixi kememɨteyuriekai,

Hutarieka 'inɨari 1:7

Xekeneyukuha'aritɨaka xekenehu muhɨriyatsie 'amuxeutsixi mematiteitsie, meta kiekari 'auriena mamanetɨkatsie 'Arawa, mɨhɨriyatsie, muyemuriyatsie tau makayuyuipike hepatsie, Nekexi meta haramara tetsita kananeutsixi wakwieyaritsie Riwanu meta 'Eupɨrate hatɨayari 'amɨpatsie paitɨ xemɨye'axɨani.

'Inɨatsie 13:19

Xekenexeiya kwie keme'ane, xɨka 'aixɨa he'aneni yatɨ 'axapɨre'ane, xɨka waki hekurarutsietɨkani yatɨ pɨtikatixaɨ.

Tsutɨarika 15:13

Yawé mɨpaɨ 'Apɨrami katiniutahɨawe: —Mɨpaɨ ketinemaika 'anuiwarima xeime kwieyaritsie mepɨtiteni yapaɨmexɨa, mana mepɨteta'aitɨarieni, menanaimarietɨ, nauka tsienituyari wiyari.

Tsutɨarika 46:4

Ne 'ahamatɨa nepuyeikani 'Ekipitu paitɨ. Yaxeikɨa nepɨmatsi'akunuitɨani hutarieka. Kepauka pemɨmɨximeni, Kutse pɨhɨkɨtɨni mɨmatsi'ɨwiyani, pemɨyu pɨmatsi'anuka'eima.

Memeyekɨ 5:23

Kepaukapai Parahuni hɨxie nemutaniu 'ahetsiemieme, tixaɨtɨ 'atsipɨkatiyuriwe matsi pɨta pɨwananaima 'ikɨ teɨteri memɨ'ateɨterima. 'Ekɨta 'atsipepɨkatiyuriwe pewaxɨnake.

Memeyekɨ 12:41

Merikɨte mɨpaɨ paɨmetɨ wiyari 'aye'aku Yawé kaniwarayewitɨni yuteɨterima 'Ekipitu.

Hutarieka 'inɨari 6:3

'Ixaheritsixi, xekeneu'enana meta xekeneuyuwaɨriya yaxemɨtekahunikɨ. Mɨpaɨ 'aixɨa 'iyari xepu'uwani, teɨteri memɨyumɨire xepɨhɨkɨtɨni mɨkɨ kwieyaritsie hakewa waɨkawa retsi mexuawe meta xiete, kemɨxerahɨawekai Yawé, xetutsima wakakaɨyari.

'Amuxi 2:10

»Ne 'Ekipitu nekanixe'ayewitɨni, meta nekaniwaruwitɨximekaitɨni huta tewiyari wiyari makumawetsie, 'amuxeutsixi wakwiepa nemɨye'anikɨ xehetsiemieme.

Tsutɨarika 43:11

Hikɨ 'Ixaheri wapaapa mɨpaɨ katiniwarutahɨawe: —Kamɨtsɨ mɨpaɨ xeketeneuyuri, yu'iwa xekenanuwitɨki. Takwiepa mɨtixuawe 'aixɨa mɨti'anene xeketeneuka'ikata yukuxitariteta. Xeketenanutɨkiri 'iya tewi, xekenemikwa waritsamu 'etsiwa, xiete, witsimu'ɨa, mixaxi, pitsitatsi, 'erimenitɨra nuetsi hepaɨ mɨ'anene.

Mawari 20:24

Matsi xeme nekatinixekɨhɨaweni: “Ne mɨkɨ kwie nuiwarite mematitekaitsie nepɨxeyetuirieni, kwie retsi meta xiete waɨkawa maxɨawetsie. Ne nekɨmana nepɨxeyetuirieni xehetsie mɨtinakenikɨ”. »Ne Yawé xekakaɨyari nekanihɨkɨtɨni, hipame nuiwaritetsie wahetsɨa yɨkɨ xe'aneneme nemɨxe'ayeitɨakɨ.

'Inɨatsie 13:18

Kwie naime xekenexeiya, xekeneyɨ'ɨwiya teɨteri kememe'anene, xɨka mehetɨrɨkawini yatɨ mepɨkatehetɨrɨkawi, xɨka meheyuwaɨkawani yatɨ 'etsi mepɨteheyupaɨme.

Kutsuhexi 5:6

Kakaɨyari mɨpaɨ pɨtiwarahɨawekai watutsima kwie pɨwayetuirienikekai retsi meta xiete maxuawe. Peru 'ixaheritsixi 'Ekipitu memɨyekɨ Yawé mepɨka'anu'eni, 'ayumieme puyuhɨritɨa mɨkawapitɨanikɨ memixeiyakɨ mɨkɨ kwie. 'Ayumieme makumawetsie mepu'uwakai huta tewiyari wiyari, me'ukwikuke yunaitɨ 'ukitsi kuyakɨ memaye'atɨarietɨkatei.

Kutsuhexi 9:7

'Ixaheritsixi mɨpaɨ mekaniutiyuani: ―Matsi xeme xɨari 'ahurawa xepɨkiekatari, 'ayumieme tame tɨratu temuwewieni tepɨkayɨwawe xehamatɨa.

1 Kemɨtiuyɨ 1:15

heweutsixi, 'aratseutsixi, tsineutsixi,

Nɨawari 12:6

Yawé niukieya kani'itiyaka, pɨrata 'aixɨa mɨ'itɨarie hepaɨ pɨ'ane, tepɨa 'aixɨa mɨwati'itɨariwatsie 'atahutamexɨa kanikwaxiyarieka.

Kitsariyaxi 36:17

kepaukaketa ne nemayeneni nemɨxe'anuwitɨni xekwie hepaɨ 'anemetsie, kwie tɨriku maxuawetsie meta kaxie winuyari, paa maxuawetsie meta kaxie harawerita”.